හීන දකිනවා වගේ නෙමෙයි හීන වල ජීවත් වෙනකොට ❤️🔥

✿කහ පාට බටර්කප් මල් ගොන්න පාවෙලා යන හුළගට හාදු දෙන්නෙ හරිම ආදරෙන් .ඒ ආදරේ මෙච්චරයි කියල වචනෙන් කියන්න පුළුවන් නම් මේ ලෝකෙට හැගීම් කියල දෙයක් ඇතතටම ඕන වෙන්නෙ නැති වෙයි

✿එතකොට දේවදාර ගස්... දේවදාර ගස් කොදුරන සද්දෙ මුළු දවසක් පුරා අහගෙන හිටියත් කන නම් එපා කියන එකක් නෑ .ඇත්තටම දේවදාර ගස් කියන රහස් අහගෙන දවස පුරා ම ඉන්න පුළුවන් නම් කොච්චර සතුටක් දැනෙයිද

✿ හුළගින් නැළවෙන බර්ච් ගස්වල අතු අස්සෙ ඉන්න රොබින් කුරුල්ලො ... රොබින් කුරුල්ලොන්ගෙ සිංදු අහපු කෙනෙක් තමන් මෙච්චර කාලෙකට අහපු ලස්සනම සිංදු ඒව බව සහතික කරාවි

✿ඒ විතරක් ද මේ හැමදේටම නොදෙවෙනි වයලට් මල්...
දේදුන්නට දම් පාට දුන්නෙ තමන් කියන හැගීමෙන් හැමදාමත් ආඩම්බරෙන් අහස දිහා බලාන ඉදීවි

✿ආදරයේ පරිසමාප්ත අර්ථයෙන්ම ආදරණීය රතු රෝස මල් පොකුරු...
තමන් නැත්නම් මේ ලෝකෙට ආදරය කොයින්ද වගේ හැගීමකින් පාට පාට සමනලුන් ට හැමදාමත් ආදරය බෙදාවි

✿ හිමකැට දියවුන නිසා හැදුනු පුංචි දියපාර...
හද එළියට දිලිසෙන තමන්ගෙ ලස්සන ගැනත් දවල් අහසෙ නිල් පාට ට තමන් ගෙ නිල් පාට සමානයි කියලත් හිරු එළියට අපූරුවට පුරාජේරු කියවාවි

✿විලෝ ගස් යට තියන පුංචි ම පුංචි සුදු පාට මල් පොකුරු ගොන්න...
සුදු අත්තටු තියන දේවදූතයො ඇවිත් ඒ පුංචි සුදු මල් පොකුරු ආදරෙන් සිපගන්න හැටි

✿එතකොට හවසට බැහැගෙන යන ඉර මවන රටා...
පළපුරුදු සිත්තරෙක් වුනත් දවස් ගානක් තිස්සේ සිතුවම් කරපු සිත්තමක් වගේ දිලෙන බටහිර අහස් තලය

✿ඔප දාපු මැණික් වලට වඩා දිස්නෙ දෙන සුදු වැලි අතුරපු ගුරු පාර හද එළියෙන් නැහැවුනාම ලැබෙන දිස්නය සොබාදහම හොදම යාලුවෙක් කර නොගත්ත කාටවත් කිසිදාක දැකගන්න බැරිවේවි.

ඇත්තටම මේ හැමදෙයක්ම සොබාදහම හොදම යාලුවෙක් කර නොගත්ත කාටවත් දැකගන්න බැරිවේවි!ඒක නම් හරිම අපරාධයක්!!!
ඉතින් තප්පරයකට හිතල බලන්න මේ කලබලකාරී ජීවිතයේ ඔයාට සොබාදහම කොයිතරම් නම් මග හැරිල තියනවද කියල.ජීවිතේ විදින්න ඉඩ ප්‍රස්ථාව සලසල දෙන හරි අපූරු වේදිකාවක් තමයි සොබාදහම කියන්නෙ.තව කී දවසක් අපිට ජීවත් වෙන්න ඉතුරු වෙලා තියනවද කියල අපි දන්නෙ නැති උනත් තාම ඔයා පරක්කු නැහැ.මේ දැන් ටිකකට එළි පහළියට ගිහින් බලන්න ඔයාටත් මෙහෙම දේවල් දැනෙනවද කියල ♥️?♥️