اللهم اقض حاجتي وفك كربتي واًنس
وحدتي وفرج همي انا ومن دلني على
استغفارك فستغفروه .

اي حاجه تخليك فرحان تمسك بيها ودير المستحيل عشان دوملك مش كل ناس تحب تشوفك فرحان متعاملش مع ناس كلها بتلقائيه زايده لان مش كل الناس زي
تفكيرك فهميني ؟.

انا من زمان كنت شخص منعرفش نسيب حد وراي ولا نقدر نتخلى ع حد ديما تلقاني مع نفس شخص ديما ديما تحولت لشخص يعرف كيف يسيب ويتخلى ع حاجات لي وجعاته بدون مايدور لرغبه قلبه ف القعده .

عمرك ماتثبت لحد أنك كويس
اصلا المحاوله اثبات انك كويس ف علاقه نحس فيها زي الإهانه وقلة قيمه خلي كل واحد يشوفك زي ماهو يبي يشوفك ويصنفك زي ما يحب ويفهم كلامك زي مايفهمه مش شرط أنك تبرر تصرفاتك للناس سيبهم يفهمو زي مايبو يفهوو متحاولش ترضي حد لأنه ف نهايه كلآ يرى الناس بعين طبعه .

مفش حد عارف أنك ترقد عكس اليوم عشان تهرب من الناس ومشاكلهم والكلام وومحد عارف أنك كاتمم زعل هضا كله مش طبيعي قعدت نستنا ف اليوم امتى يكمل وخلاص حرفيا حياتي قعدت عباره عن “اشويه هكي واليوم يكمل ونرقد “

يجيك يوم وفجأه وبدون مقدمات الدنيا تعطيك ظهرها وترد لضيقه وللسواد مرخره وتكتشف أنك بروحك وانه مفش حد معاك غير نفسك ولازم تعود ع هكي وسط كل ظروف لي انته قاعد فيها .

تعلم تفارق الحاجه لي مش بتعطيك قيمتك حتى لوكانت روحك فيها وتعلم تقعد باااارد ومتخافش ع زعل حد لان وقت انت زعلت محد دورك متخيل تقعد قايل لأكثر حد قريب منك انه ملكش غيره وانك بروحك وبررضو يمشي ويسيبك مخذينش منهم غير اشوية ذكريات وكلام قاسي مش قادرين ننساه ف حط بالك انه كل شي يمكن ينتهي بيوم .بليله .بساعه .بثانيه .توقع كل شي من اي شخص .

من الاسوء الاوقات لي ممكن تمر ع الواحد الوقت لي بتقعد مفش حاجه مريحتك تبي ترقد ومتبش ف نفس الوقت تبي تطلع وف نفس الوقت متبش تطلع تركيز الصفر عندك ومتبش شي غير ان الوقت يمشي ولا هو يمشي اصلا ولا انت تعرف تضيعه مفش حل قدامك غير انك تستناه يكمل وخلاص .

فكرة انك تقول لحد ع الحاجه لي تضايق فيك عشان يبطل يديرها فكرها فاشله ف الحالتين مش حيدير غيرها .

يمكن الغلط الوحيد لي ندمت عليه فعلًا فحياتي ومش قادر نسامح روحي عليه أني كنت نبالغ ف حب الناس ومكانتهم عندي ونعطي ف قيمه للي معندهمش قيمه ونفخ ف الناس والله عمرهم ماكانو سند ولا كانو حبايب ومعندهمش اي فايده فحياتي وكانت اكبر مشاكلي اني كنتت نصمم نشوف الناس هذي كويسين بس للأسف هضا كله راح ع فاضي .