Әнәс ибн Мәликтен жеткен хадисте пайғамбарымыз ﷺ айтты: Бір-біріңді жек көрмеңдер, көреалмаушылық жасамаңдар және бір-біріңмен жауласпаңдар. Ей Алланың құлдары, бауырмал болыңдар. Бір мұсылман үшін бауырына үш күннен артық ренжуі рұқсат емес.*
Сахих Муслим 2559

Көреалмаушылық - басқа бір адамның нығметі жойылуын қалау.
Бауырмал болу - бірлікте болу, мейіріммен, жұмсақтықпен, сүйіспеншілікпен қарым-қатынас жасау, бір-біріне хайырлы істерде жәрдемдесу және барлық жағдайда шын жүректен насихат айту. Әл-минһәж атты Имам Нәуәуидің сахих Муслимге жазған шархынан.*

العلم بلا تصوف كالجسد بلا روح..

Тасаууфсыз(руханият) ілім - рухсыз дене сияқты.
العلامة الشيخ نضال آله رشي الحنفي

У тебя новое анонимное сообщение! Исламофобтарға қатысты не істеу керек😔 Анонимкаға осындай сұрақ келген болатын. Жауап беруге енді ыңғайым болып жатыр. Жалпы менің бұл жердегі ойым Исламофобтарға, атеисттерге, деисттерге, тәңіршілерге т.с.с топтарға…

Ақыретке сенудің үш пайдасы:
1. Өмірдегі қиындықтарға сабыр етуді үйретеді. Барлығының уақытша екенін біліп, сауабы ақыретте екенін ескеріп, өмірдің қиындықтарын сабырмен қарсылай алатын боласыз.
2. Өлім қорқынышын жеңілдетеді. Онсыз өмір сүре алмаймын деген адамдарды, заттарды немесе бүкіл өміріңізді жұмсаған бизнесіңізді әрбір күн жоғалтып аламын деген қорқынышпен өмір сүрмейсіз. Бәрібір жоғалады ғой деп өмірден баз кешіп кетпейсіз, өзіңізге қол жұмсамайсыз. Себебі өткінші өмір біткен соң сүйгендеріңізбен мәңгілік бақыт басталатынын білесіз.
3. Залымдардың, жауыздардың ақыретте жазасын алатынын білу сізге тыныштық, үміт береді*. Себебі көріп жатқанымыздай бұл өмірде қаншама адамдар залымдықпен өлтіріліп жатыр, қорлық-зорлық көріп жатыр, ар-намыстары тапталып жатыр, тіпті бұл өмірде ешқандай жаза үйі берген жаза өтеу бола алмайтындай қылмыстар жасап жатыр. Бәрінен де жанға бататыны көбі ешқандай жазасыз қашып кетіп жатыр.

Мұсылман болған қандай керемет, иә ? Алла ﷻ Тағала біздің ішкі сезімдерімізге де жауаптар беріп қойған ғой.*
#ақида

قال سفيان الثوري :إِذَا أَرَدْتَ أَنْ تَتَزَوَّجَ الْمَرْأَةَ؛ فَاهْدِ لِلْأُمِّ.
? [ المجالسة وجواهر العلم ]
Суфян Әс-сәури айтты: Бір нәзік жандыға үйленгің келсе, онда, анасына сыйлық бер.
#лайфхак

Бүгінде ішімдіктің аты - бас жазу, рибаның аты - кредит, құмар ойынның аты - мүмкіндік, параның аты - сыйлық, зинаның аты - махаббат болған.

Алайда Тозақтың аты әлі де ТОЗАҚ.

Жаңа ой-пікір қаласаңыз ескі кітап оқыңыз.
Иван Павлов

Ғалымдарымыз ақыли дәлелдерге аса қатты мән берген және осы бағытта үлкенді-кішілі кітаптар жазған. Олар осы іс барысында Алла ﷻ Тағала құранда әмір еткен тәфәккур ету, ақылды қолдану, ой жүгірту туралы келген аяттарға амал еткен. Ал бұлар ақылды және оның үкімдерін дұрыс қолдану арқылы ғана болатыны хақ.
الحقائق الجلية ص١٤
Бұл жалпылама ғана бір дәлел. Алда әлі жеке-жеке аяттарды талқылап, кітаптағы дәлелдерді әкелетін боламыз ИншаАлла.
#ақида

Білім бұл әлемнің қыр-сырын ашса Ислам діні кетеді деп ойлайды біреулер.
Білім - бар нәрсенің анықтамасы. Бар нәрсені түсіндіру Бар етушіні жоқ қылмайды, керісінше осындай жүйені құрған бір Жаратушы бар екенін дәлелдей түседі.
#ақида

Алла ﷻ жолына шақырған кейбір ғалымдар Құранның жаратылыс емес ,Алланың ﷻ сөзі екенін дәлелдеу үшін Құранның адам қолынан келмейтін тілдік, әдістемелік , ғылыми ерекшеліктерін дәлел ету жолын ұстанған. Осы арқылы әлемнің Жаратушысы бар екенін және оның Алла ﷻ Тағала екенін дәлелдеген. Мысалы: араб тілін терең білетін адамға тілдік кереметтерді көрсету арқылы, ғылыми мәселелерді терең түсінетін адамға ғылыми дәлелдерді ұсыну арқылы дәлелдер келтіруге болады. Алайда бұл тек осы салаларды түсінетін жандарға дәлел болады. Ал ақыли дәлелдер барлық ақыл иелеріне ортақ. Сондықтан да көптеген ғалымдар осы жолды таңдаған.
Мәліметтердің көбі الحقائق الجلية في شرح نظم الخريدة البهية кітабынан алынып, қарапайым тілде жеткізіліп жатыр.
#ақида