*⚡️Қостанайда сырғанақта ойнап жүрген алты бала түрлі жарақаттар алып, медициналық көмекке жүгінді*

Олардың бесеуі ауруханаға жатқызылды, біреуі үйіне жеткізілді. Екі қыз бала жедел жәрдем келгенде ес-түссіз жатқан.
**❗️Дәрігерлер ересектерді балаларды жалғыз қалдырмауға шақырады.**

*❄️ Қардың қалың түсуіне байланысты елорданың коммуналдық қызметтері тәулік бойы жұмыс істеп жатыр*

Қар тазалауға 2,5 мыңнан астам жұмысшы жұмылдырылды. Кешегі түнде олардың күшімен қаладан 42 мың текше метр қар шығарылды.

**❗️Елорда тұрғындары мен қонақтарына жолдарда абай болу, қауіпсіздік ережелерін сақтау және дауыл туралы ескерту болған жағдайда алыс сапарларға шықпау ұсынылады.**

⚡️«Казгидромет» 12 өңірде және Астанада дауылды ескерту жариялады

Ақмола облысының солтүстігі, шығысы және оңтүстігінде қарлы боран, шығысында туман күтілуде.

Еліміздің су саласында 200-ден астам «Тәуелсіздік құрдастары» еңбек етеді.

Олардың ішінде Су ресурстары министрлігінде 10 маман, «Қазсушар» филиалдарында 202 адам және бассейндік инспекцияларда 3 сушы бар.

Осы мамандардың кейбірі қарапайым жұмысшыдан басшылық қызметке дейін көтеріліп, елімізді дамытуға үлес қосуда.

*🇰🇿 Әлемнің түрлі елдерінде бітімгершілік миссиясын атқарып жүрген әскери қызметшілер отандастарымызды Тәуелсіздік күнімен құттықтады.*

*⚡️*Асанәлі Әшімов - ҚР Еңбек Ері, кино және театр актері

🇰🇿 Тәуелсіздік тұғыры биік болсын!**

ҚР Президентінің кеңесшісі - Президенттің Баспасөз хатшысы Берік Уәлидің әкесі Уәли Құрманғалиев 75 жасқа қараған шағында өмірден озды.

Бүкіл ғұмырын ауыл шаруашылығы мен ұрпақтарының тәрбиесіне арнаған өресі биік, жаны жайсаң жан еді.

“Хабар“ Агенттігі марқұмның барша туған-туыстарына, жақындарына, ұрпақтарына қайғырып көңіл айтады.

Иманы жолдас болып, пейіште нұры шалқысын.

*❗Атырауда көпірден секірмек болған 17 жастағы жасөспірім құтқарылды*

Оқиға бүгін, 9 желтоқсанда болған.

Бұл туралы Атырау облыстық полиция департаментінің баспасөз қызметі мәлімдеді.

«Жедел басқару орталығына Атырау қаласындағы Берғалиев көшесі маңындағы көпірде белгісіз адамның секіргелі тұрғаны туралы ақпарат түсті. Оқиға орнына патрульдік полиция қызметкерлері жедел жетті. Тәртіп сақшылары көпірден секіруге оқталған адамның 17 жастағы жасөспірім екенін анықтады. Онымен сөйлесіп, райынан қайтарды. Жасөспірім қауіпсіз жерге шығарылып, полиция бөліміне жеткізілді», -деп хабарлады департаменттің баспасөз қызметі.

*❗Ырғыз аудандық қорғаныс істері бөлімінің бастығы жұмыс орнында өзіне қол салды*

Бұл ақпаратты Ақтөбе облыстық қорғаныс істері департаменті растады.

Алдын ала ақпаратқа сәйкес, орын алған жайт әскери қызметті өткерумен байланысты емес. Оқиғаның мән-жайы анықталып жатыр. Аталған факті бойынша қылмыстық іс қозғалды.