Алишер Рўзиохунов билан узоқ вақт алоқамиз узилиб қолганди. Лекин бир ўтирсак соатлаб гаплашиб зерикмайдиган ҳамсуҳбат, журналистлигидан ташқари яхшигина тадбиркор ҳам эди.

Охирги учрашувимизда қаҳва ҳақида гаплашдик, Андижонда қаҳвахона очгани ҳақида ҳам айтиб берганди.

Аллоҳ таоло кенг раҳматига олсин. Билиб-билмай қилган хатоларини кечирсин. Барча яқинларига чиройли сабр берсин.

@jamoliddin_blog

Bugun, 🕒 15:00 da
*😉*YouTubeda 1%Bilim ning birinchi podkast premyerasi bo‘ladi!

📕 Mavzu: Nega xatolarimizni ko’rishga qiynalamiz. Tasdiqlash xatosi (Confirmation Bias)

Tasdiqlash xatosi? Nega o‘z xatolarimizni ko‘rish qiyin? Va eng muhimi – qanday qilib bundan qutilish va aniqroq fikrlashni o‘rganish mumkin?

15 daqiqalik podkastda aynan shular haqida gaplashamiz:

Tomosha qilish uchun link:

👉 ▶️ https://youtu.be/3VULGx2tqak

➡️ Iltimos, do‘stlaringiz bilan ham ulashing! Kanal rivojiga hissa qo‘shish va bilimni kengroq yoyish uchun bu juda katta yordam bo‘ladi.

Ko‘rishguncha!

- Xurshid

Ассалому алайкум, дўстлар!

Сўнгги вақтларда ушбу саҳифада ёзишим сезиларли камайди, лекин энди яна фаол бўлишни режа қиляпман.

Соҳам китоб билан боғлиқ. Китобларга меҳр қўйган бўлсам ҳам, бу ерда нафақат китоблар, балки ижтимоий муаммолар, инсонийлик, одоб-ахлоқ ва ҳаёт ҳақидаги муҳим мавзулар ҳақида ҳам ёзишни истайман.

Сиз учун қайси мавзулар қизиқ? Саҳифада кўпроқ нималар ҳақида ўқишни хоҳлар эдингиз?

Фикр-мулоҳазаларингиз мен учун жуда аҳамиятли. Изоҳларда ўз таклиф ва фикрларингизни ёзиб қолдиринг. Сиз билан бирга саҳифамизни янада мазмунли қиламиз.

@jamoliddin_blog

Жамоамиз ❤

@jamoliddin_blog

Биз болаликни ҳозирги даврдан бутунлай бошқача тарзда ўтказганмиз. Мактабга кетишда уйдан пул олмаслик ёки мактаб ошхонасидан овқат сотиб олмаслик биз учун мутлақо оддий ҳол эди. Бу ҳеч қачон ғам ёки тушкунлик келтириб чиқармаган. Биз айтган сўзларимиз учун жавоб бериш кераклигини яхши билардик ва керак бўлса, муштлашишдан ҳам қочмасдик. Шу билан бирга, заифларни ҳимоя қилиш ҳар биримиз учун унутилмас қоида эди.

Ҳозирги ёшлар тилга оладиган "мотивация", "стресс", ёки "дофамин" каби тушунчалар биз учун бегона эди. Биз икки ғиштни қўйиб, копток тепиб, бутун бир кунни қувноқ ўтказардик. Маҳаллада эса кимдир кимгадир пичоқ кўтариш у ёқда турсин, ҳатто норозилигини ҳам очиқ-ойдин айтиб ўтирарди.

Памперссиз катта бўлганимиз ҳақиқат. Уйда "Киргизия" кир ювиш машинаси бўларди, онам унинг ичига кирсовун тўғраб, кийимларимизни қўл меҳнати билан ювар эдилар. Совутгичимизда қозондаги овқат, сўлиган сабзилар ёки бир нечта тухум бўларди. Лекин биз ҳар сафар уни очиб кўраверишдан чарчамасдик. Бу биз учун ҳаётнинг мазаси эди.

Гиламларимизни оила бўлиб ювардик, мураббони ёки икрани уйда пишириб, ўз қўлларимиз билан банкаларга ёпардик. Биз қувлашмачоқ ва беркинмачоқ ўйнаб катта бўлган бир авлодмиз.

Шундай экан, нима учун ҳозир буларни эслаяпман? Чунки бугунги жамиятдаги баъзи ҳолатлар ўша даврнинг инсонлари учун тушунарсиздек кўринади.

Бугунги ёшлар билан суҳбатлашсангиз, кўпинча "депрессия" ёки "стресс" ҳақида гапиришади. Ҳали памперсдан чиқмаган болалар мотивацияга муҳтож эканлиги ҳақида эшитиб, ҳайрон қоласиз. Келинлар эса кун бўйи эрини "ўзига магнит қилиб боғлаш" ҳақида ўйлайди, шунинг учун ажрашишлар сони ортиб бормоқда.

Энг ачинарлиси, жамиятдаги кўпчилик биров ундан бахтлироқ эканидан хафа бўлади. Ҳар ким ўзини қиёслаб, ўзига азият бермоқда. Бошқаларнинг ҳаётига ҳавас қилиш ва ўзидан норозилик ҳис қилиш аста-секин қадриятларимизни заифлаштиряпти.

Шундай экан, ўзимизга савол бериш вақти келмадими: жамиятимизга нима бўляпти? Қадриятларимизга қачон қайтамиз? Бизга хаётий қувонч, чинакам бахт ва маънавиятни қайта тиклаш йўли қандай бўлади?

@jamoliddin_blog