السلام عليكم ،،الكل يسأل عن باقي كراسة أو باقي PDF ،،،هن14 تسجيل من محاضرات عقوري اللي عطاهن في طرابلس وللأسف ماعندهنش لا PDF ولا صبوره ولا كراسة

لما كتبتهن كتبتهن من تسجيل دغري وكملت لعند 10 تسجيلات،،، كان مازال 4 تسجيلات لكن للأسف لظروف خاصه وقتها وقفت ومعاش كتبتهن
بإذن الله لو كملتهن ح نزلهن دغري في قناه هذي
وبالتوفيق للجميع❤️

منقول د.حمزه خضر👇
أنشروا على أوسع نطاق وياريت الصفحات الكبيرة تنشره
السلام عليكم ،،،،،،،كل الليبين
بما أننا دخلنا في المرحلة الثانية بتسجيل أول حالة مؤكدة للكورونا انحب انقوللكم.....
الحمد لله على كل حال (قل لن يصيبنا إلا ماكتب الله لنا ) والكورونا مش طاعون راهوا ولا ايبولا (مش خطير) لاكن سريع الانتشار جدا،،،، يعني مافيش داعي للهلع و الخوف الزايد ،،،في اماكن في العالم فيها كورونا وناس تطلع عند الضرورة وبحرص لاكن شعوب عندها وعي (للأسف مش زينا )
مش حاجة كبيرة الموضوع انتم من اول حالة صارلكم الرعب لااازم تتعاملوا مع الموضوع بحرص مش بخوف و وسواس زايد
لذالك المطلوب من كل ليبي وليبية الأتي.........واللي بنقوله حنحاول غدوة انديره في فيديو بتفصيل أفضل،،،،،،،،

1-لازم في شفافية من كل مواطن ثم تأكيد اصابته بالكورونا من ناحية الناس اللي تلاقى معاها مؤخرا سواء في البيت او الشارع او المناسبات الاجتماعية

2-لازم الشفافية من كل مواطن حس باعراض مشابهة للكورونا انه يبلغ الموزع الصوتي متع المركز الوطني على الرقم الساخن (1415 و 1404 وان شاء الله ايكونوا شغلوا المنظومة) وما يخافش من الحجر او العزل لانه مش حبس راهوا بإذن الله وهذا مانرجوه اتكون الدولة مجهزة اماكن خاصة سواء مستشفيات او غيره (وهذه اهم نقطة وغدوة عندي فيها فيديو انفصلها) ومش عيب ولا حرام انك تنصاب بالكورونا

3-أي شخص كان برا البلاد بالذات في الاماكن الموبؤة لازم يحجر نفسه ومايحتكش بعيلته هلبا ويحافظ وهوا و باقي الاسرة على الارشادات

4-بقية الشعب شد حوشك بس وماتطلعش الا للظرف القاهر وحافظ انك ماتلمسش الاسطح وبعد مااتخش للحوش اغسل يدك بالصابون لمدة 20 ثانية على الاقل وبعد ماتكمل غسل يديك عقم اي مقبض او اي شئ لمسته بواركينة مخففة
وماتخافش بإذن الله هكي مش حيصيرلك شئ

5-معلومة مهمة جدا (مابيناش انقولوهالكم زمان باش ملتستهتروش بالوباء).،،،،،،

راهوا غالبية الحالات عادية جدا جدا ومش خطيرة وتبرا بادوعية عادية زي مخفضات الحرارة والمحاليل الوريدية (امية تغدية)
ومرات حتى من غير علاج اصلا
بس الزم بيتك لانه غير هكي حتودرنا معاك لان سعة المستشفيات محدودة جدا

ربي يحفظ الجميع

هذين لغايه تسجيل 10?
مازاللكم 4 تسجيلات

نعتذر لدفعة43&44 لأني مش ح نلحق إني انكملهن لكم قبل إمتحان