Ramazon muborak!

Qalbimizni nurga, ko‘nglimizni fayzga to‘ldiruvchi ushbu muborak oy barchamizga xayr-baraka, sabr, shukr va tinchlik olib kelsin. Duolar qabul, rizqlar farovon, yuraklar pok bo‘lsin! Alloh barchamizni ushbu mo‘tabar oyda rahmati va mag‘firatiga oshno qilsin.

Ramazon muborak bo‘lsin!
💎 mk blog

#Tabassum
Faqat uylangan erkaklar tushunadigan vaziyat! 😂

Ertalab turib, er xotinidan so‘radi:

Er: Azizam, men bilan yugurishga chiqasanmi?

Xotin: Demak, men semizman, shundaymi?

Er: Yo‘q, yugurish salomatlik uchun foydali.

Xotin: Demak, men kasalman?

Er: Yo‘q, yo‘q, agar xohlamasang, qo‘yaver.

Xotin: Endi esa meni dangasa demoqchisiz, shundaymi?

Er: Yo‘q, meni noto‘g‘ri tushunyapsan, men faqat…

Xotin: Aha! Sizni tushunmayapman, demak, johil ekanman, shundaymi?

Er: Yo‘q, men bunday demadim!

Xotin: Demak, men yolg‘on gapiryapman?!

Er: Iltimos, ertalabdan shunday bahslashmaylik…

Xotin: Aha, men sizga janjalkash bo‘ldimmi?

Er: Xo‘p, xo‘p, sen uxlayver, men o‘zim yugurib kelaman, xursand bo‘ldingmi?

Xotin: Ko‘rdingizmi, siz faqat o‘zingizni o‘ylaysiz! Mening salomatligim sizga kerak emas!

Er joyida o‘tirib, qayerda xato qilganini o‘ylayapti… 🤦‍♂️

GiyosiddinYusuf
💎 mk blog

#Uch tepki

Mamlakatda mashhur yosh bir advokat yovvoyi o‘rdak ovlash maqsadida Qoradengiz sohiliga boribdi.

Osmonda bir o‘rdakka ko‘zi tushibdi. Darhol nishonga olib, tepkini bosibdi: banggg!

Qush aylanib-aylanib yerga qulashni boshlabdi. Nihoyat tevaragi simto‘r bilan o‘ralgan bir dalaga tushibdi.

Advokat darhol dalaga kirib, qushni olmoqchi bo‘libdi. Endi dalaga kirmoqchi bo‘lgan ekan, keksa yoshli bir dehqon yo‘lidan chiqibdi.

Dehqon advokatdan so‘rabdi:

- Dalamda nima qilyapsan?

Advokat:

- Bir yovvoyi o‘rdakni otgandim, shuni olmoqchiydim.

Dehqon:

- Dala meniki ekan, ichidagi hamma narsa qatori o‘rdak ham menga tegishli.

Advokat qizishib ketibdi:

- Men bu davlatdagi eng kuchli advokatlardanman. Men bilan o‘ynashmang, amaki! Sud xarajatlari palon pul bo‘ladi, dalangizgacha qo‘lingizdan tortib olaman, o‘zingizdan ko‘ring!

Dehqon kulib debdi:

- Biz bu yerlarda bunaqa mayda masalalarni sud bilan emas, “uch tepki” bilan hal qilamiz.

- Qanaqa bo‘larkan bu “uch tepki” deganingiz? - deb so‘rabdi advokat qiziqib.

Dehqon:

- Avval biri ikkinchisini uch marta tepadi, keyin unisi... Keyin yana birinchisi... Qaysidir biri taslim bo‘lgunicha davom etadi. Taslim bo‘lgan yutqazadi.

Advokat yosh, baquvvat, sportchi edi. Dehqon esa qari. Ichida “Buning joyini solaman”, deb o‘ylab:

- Maʼqul, debdi.

- Bu yer mening dalam bo‘lgani uchun birinchi bo‘lib tepishga haqqim bor, debdi dehqon. Shunday deb advokatning biqiniga bir tepibdi.

- Ig‘g‘g‘g‘, deb tizzalab qolibdi advokat.

Ikkinchi tepki qorniga tushgan advokat “o‘o‘o‘o‘o‘” deb to‘rt oyoqlab qolibdi.

Dehqon uchinchi tepkini naqd chotiga tushirgan ekan, advokat uzalasiga yalpayib yotib qolibdi. Aksiga olib, sal avvalroq shu yerga dehqonning sigiri tezak tashlab ketgan ekan, advokatning og‘zi-burni tezakka bulanibdi.

Advokat:

- Endi navbat menga, qari tulki, debdi o‘rnidan turib, kamzulining yengi bilan yuz-ko‘zidagi sovumagan tezakni artar ekan.

Keksa dehqon kulib:

- Men taslim bo‘laman. Bu o‘rdak mushtlashishga arzimaydi. Qushingni ol-da ketaver, debdi. 😄

Juneyt Jeylan. Turkchadan Sanjar Said tarjimasi
💎mk blog

#o'zimizga #tanbeh

Ha ichingizda bir ehtiyoj bor, eʼtiborga , olqishga, havas qilinishga bo‘lgan muhtojlik. Jamolingizni libosingizni ko‘rib boshqa ayollarning ko‘zi kuysa, erkaklar sizga rom bo‘lsa bu boshqacha lazzat beradi.

Naqadar farovonlikda, naqadar moddiy mo‘llikda ekaningizni signal berish o‘zgacha zavq beradi.

Siz kabilar borligi uchun instagram va ijtimoiy tarmoqlar gullab yashnamoqda.

O‘zingizni baxtli ko‘rsatish baxtli bo‘lishdan muhimroq bo‘lib qoldi. Baxtli bo‘lishning nima qizig‘i bor agar omma bundan bexabar bo‘lsa. Bor bo‘lsa ko‘rsat shartiga og‘ishmay rioya qilasiz. Ko‘rsatilmagan , bildirilmagan xursandchilik onlari behuda ketgan fursat deb qaraysiz.

Ammo ichingizdagi iztiroblarni, xavotirliklarni, bezovtalik va tushkunliklarni zinhor ommaga ko‘rsatmaysiz.

? mk blog

#Betaraf va tomoni aniq bo‘lmagan kishilarga ishonmang. Baribir bir kuni sizni tashlab ketadi. Chunki u bir joyda turishdan qo‘rqadi!

? mk blog

#Angliyada o‘qiyotgan O‘zbekistonlik talabaning taʼlim tizimimiz haqidagi fikrlari:

Maqtanchoqlikni to‘xtataylik.

London xaqida qisqacha:

Bu yerda tili burro tadbir uyishtirib “Faol” bo‘lganlar bir tiyin ekan.

Men hindlar va xitoy, koreys va yapon talabalarini ko‘rib maktabdagi olgan bilimlariga tan beryapman.

Xullas, men shunchaki bo‘m-bo‘sh miya bilan magistraturaga kelib qolibman. Masalan, guruhdagi hamma matematikani chachvoradi. Siz o‘ylagan darajada emas, yaxshi biladi degani ham emas. Bular “chachvoradi”. Shunaqangi tenglamalarni ular maktablaridan o‘rganib kelishganki, men ularga haliyam yeta olmayapman.

Kompyuterni, ofis dasturlarini, har xil programmalar va dasturlashni o‘zimcha yaxshi bilaman desam. Butun guruh, ha ishoning har biri mendan yaxshi biladi.

Dunyoqarash jihatidan ham biz Markaziy Osiyo talabalari oqsoq ekanmiz. Ular shunaqangi dunyo tanigan brendlarni egalaridan tortib, ular nima ishlab chiqaradiyu, qaysi mahsuloti yaxshi ekanini bilishadi. Men bo‘lsa xaliyam kofe turlarini farqiga bormayman.

Siz o‘zingizni O‘zbekistonda turib “Kelajak bizniki, shu turishimda O‘zbekistonni dunyoga tanitaman” demang. Men shunaqa deb xato qilganimni bildim. Biz rostan yurtimizni yuqoriga olib chiqmoqchi bo‘lsak, rostdan o‘qishimiz kerak.

Londonga kelib bildim. Biz orqada ekanmiz, ko‘p sohada. Davlat siyosati yoki Iqtisodiy nuqtayi nazardan emas, oddiy maktabdagi asosiy fanlar ko‘nikmalaridan ularni amaliyotga tatbiqigacha.

Bizni yana eng katta aybimiz bu nomzodlarga katta rag‘batlar berishimiz. Misol uchun: Bizning Navoiy, Beruniy va Zulfiyani olayotgan bolalar kelib Nyu York, London, Tokio yoki shunga o‘xshagan shaxarlardagi biznes markazlardan yuqori lavozim tugul qabulxonaga ham ishga kira olmaydi. Nega?

Chunki u yerda bizdagi “faol talaba”dan oldin hind yoki xitoylik ishga topshirib bo‘lgan. Undan ustun bo‘lish uchun “Kompaniyam faxrim” degan video yasab kelsangiz o‘tmaydi.

Bu yerda, yaʼni Londonda. Yaxshi ofis ishiga kirishingiz osmono‘par binoda ishlashingiz uchun rostakam yuzma yuz intervyu bo‘ladi. Ular sizdan yutuqlaringizni umuman so‘ramaydi. Ular sizdan “Ilm” so‘raydi. Ularga sizning 2 ta maqola orqali har kimga beriladigan Qozog‘istonning xususiy ko‘krak nishonlari bir tiyin. Ular ilm so‘raydi.

Xulosa: Bu fikrlar hech kimga qaratilmagan lekin, ko‘zimizni ochishimiz kerak. Dunyo miqyosida bizning talabalar ancha ortda. Sizdan iltimos “Men eng faol, eng zo‘r talabaman” demang. Angliyada siz tengi odamlar ancha buncha sizning va bizning kelajakdagi ish joylarimizni egallab, qo‘limizdan olib bo‘lishmoqda.
O‘qing birodar...
O‘rinov Ahmadjon

? mk blog

#Fribgarlikni yangi turi.
Extiyot bo'ling!
Yaqinlaringizga ham xabar bering!

?mk blog