"Севасизми?“ – дегил

“Севасизми?” – дегил, саволлар ёғдир,
Бор гапни суғуриб олгин кўнглимдан.
Жим қовуштирилган қўлларим охир,
Оҳиста сирғалиб тушар қўйнимдан.

“Севасизми?“ – дегил, савол бер қийна,
Нурсиз кунларимнинг бицин ҳисоби.
Туғёнли онларга чорласин яна,
Совуқ бўсаларнинг қайноқ азоби.

“Севасизми?“ – дегил, сўрайвер, сўра,
Нигоҳим титрасин оппоқ кўксингда.
Паришон аксимни бир нафас кўрай,
Паришон ўтиниб турган кўзингда!..

Ёлғиз сенинг севгинг етмайди, нетай,
Умримиз боғлари қолади ғариб.
Сен севги сўрайвер, мен чиқиб кетай,
Муҳаббат ахтариб, меҳр ахтариб.

Мирзо Кенжабек

@ezgu_umidova

Бу шаҳарда (кундузми, кечми)
Елкасида бир буюк ғам-ла
(Билиб-билмай) қисмати томон
Оқиб борар маҳзун одамлар.

Ҳам сўнгги йўқ кезик йўлларда
(Соғинчингдан ранг олган каби)
Кимнинг йўлин кутиб сарғаяр
Бу шаҳарнинг автобуслари...

Кетолмайсан... ва бу шаҳарни
Кезиб бўлмас, шошиб, ўпкалаб.
Одамлари юрагидай тор,
Хаёлидек тирбанд йўлкалар

Ва дард.
Қайта олмассан ортга,
(Кўзларингга инмасидан чанг).
Бу шаҳарда сен кутган инсон
Ким - билмасанг,
                        Ва жим йиғласанг...

©Ezgu Umidova

Ҳақиқий шоирнинг қабри бўлмайди,
Юракка кўмилар асл шоирлар...

Муҳаббат

— Мен севаман, — шивирлар аёл,-
Кирларингни ювиб бераман.
Дазмоллайман кўйлакларингни
Сени қучган қўлларим билан.

Фақат бир кун ёнингда ётиб,
Қулоғингга шивирласам бас:
«Юрагимнинг остида кимдир
Худди сендек олмоқда нафас».

Хуршид Даврон

@ezgu_umidova

Азизим, иккимиз икки йўл аро...
Қадамлар босамиз ҳорғин...
Хўрсиниб.
Нима деб ўйлайсан, бизлар рўбаро
Келганда юраклар нега ўксийди?
Таниш эмасмиди кўзимдаги мунг,
Танишмиди ўша майин табассум.
Кўзлар кўрдингми айт ўша кундан сўнг,
Ўшандай ҳокисор, ўшандай маъсум.
Ҳузунлар берсада жонимга жиндек,
Сенинг титроқларинг азиз, азизим,
Юрак- юрагимга йўл топиб сендек-
Менинг ич ичимга чуқур кирди ким?!
Куйлар туғдиради ичимда исминг,
Моне бўлолмаску на нафрат на доғ...
Сенинг кўкрагингдан итарган қизнинг-
Сенга эҳтиёжи  бордайин
Бироқ...
Бироқ ситамлар бор тилга олинмас,
Бироз тўсиқлар бор туташган йўлда.
Мен сенинг ёдингни авайлаб ўтгум-
Умрим тугагунча,
Келганча қўлдан...
Ва сен келгунингча улгурса қисмат,
Қайтиши бўлмаган йўлларга дўнсам...
Унутмаганимни унутма,  фақат
Унитилмоқ бўлсам.
Кўникмоқ бўлсанг...

Дурдона  Бобомуродова

@ezgu_umidova

Бугун 26 октябр экан