إگعُد سولف ويّا رَبّ العالمِين، مِن صِدُگ سولف يعني..
كمّل الأعمال وسولف ويّاه على شِنو ما يعجبك، إشتكيله، إبچي يمّه، إضحك يمّه، اطلُب من عنده الأشياء الّي ناقصتَك، إشكره على كميّة النّعم الّي محاوطك بيها مِن أكل وشُرب وصِحّة وتوفيق وإستمرار بالحياة وطاقَة، علىٰ كولشي وكَلاشي تملكه وراح تملكه..
راح يسمعك وينصُت إلك كأنّما إنتَ الوحيد على وَجه الكُرة الأرضيّة الّي دا تدعيه بهاللحظة. ♥️

-
باعي بِدايةً، إنتِ ليش تجلدِين ذاتِچ؟
أكو سَبب مُعيّن لو إنتِ جلدتيها بالبِداية مرّة وعجَبچ الوضع وبقيتي تجلدِين بيها؟
تحسّين أكو لذّة بالموضوع إنّو تجلديها؟
لو جلدتيها أوّل مرّة بحجّة إنّهُ حتّى تبذل جُهدها أكثر وشفتي إنّو يابا إذا عاقبتها راح يفِيد بيها وراح تجتهد أكثر! إذا هذا السّبب معناها إنتِ مفرمتة نفسچ علىٰ العِقاب وإنّو إنتِ ما تمشِين غير بالعِقاب.

بالبِداية السالفة هيّ بذهنچ هوّ متبرمج إنّو إذا ما سوّيت هذا الشّي بطريقة بيرفكت حيل راح افشل وراح أجلدها حتّى ما تعيدها بعد، واذا صارت مثل ما إنتِ متخيلتها راح تگولين اي اوكي نجحت وهاهيّ، لأن انتِ معودة نفسچ أو ذهنچ متعوّد انّو إذا سوّيت إنجاز يعني هذا "شي عادي" بس إذا ما صارت مثل ما أريد لا هذا "فَشل" يَعني دا تشوفين نفسچ إذا غلطتي أكو عقوبة منتظرتچ - جلد الذّات - واذا نجحتي ماكو شي!

حتّىٰ تتخلصين منها ينراد هوايَة وقت، ما تفِيد السالفة من أوّل مرّة وتردينها تنجَح وواو راح أعيش حياة حِلوَة بدون ما أجلد نفسي!
لا مُستحِيل، راح تطولين بس راح تنجَح السّالفة.

يعني قَبل كولشِي لازِم تعترفين لنفسچ إنّهُ جلد الذّات هوّ مرض ومرض خطير ولازم تتخلّصين من عنده هسّة.

مرّة واحد گال حچاية حِلوَة، گال:
"خلّينا نستخدم جلد الذّات
حتّى نعالجك من جلد الذّات"

حِلوَة الحچاية وبيها خوش تكنيك،
هيچ يعني: المرّة الجاية الّي راح تجلدين بيها ذاتچ -وأكيد يعني أكو مرّة جايّة- لان يعني صارت عندچ حالة جلد الذّات بطريقة لا إراديّة عندچ، فَـ من يجيچ هذا الشّعور خلّيه عندچ مثل المُنبّه،
شلون؟
خلّيه هذا الشّعور يبيّن الچ إنّو اكو شي مو خوش دا يصير بداخلچ إنّو يابا بهاية اللحظة آني دا أجلد ذاتي، فَـ مُجرّد ما گلتي هاي هالحچاية بصوت عالي إنتِ دا تفصلين نفسچ عن هذا التصّرف، يعني انتِ قبل لا تحچين هالحچاية چنتي ويّا جلد الذّات وحدكم، بس من حچيتيها صرتي تباوعين على هذا التصرّف وانّو حسّيتي هذا تصرّف مو صحيح، فَـ يعني شلون يگولون صارت ما عنده قوّة إنّو يستولي عليچ، لأن شايفة الأشرار والسايكو يشتغلون من جوّا ليجوّا ينجحون بس من يدري بيهُم واحد يعرُف يتصرّف ويّاهم راح يخسرون!
نفس الشّي بالضبط.

فَـ بعد ما تدركين إنّو إنتِ دا تجلدين ذاتچ سوّي بالضبط العكس، شلون يعني؟
يعني سوّي تصرّف يعبّر عن حُبّ الذّات..
مرّة واحد گال سوّي هاية الطّريقة:
من تحسّين سوّيتي شي خطأ إرفعي إيدچ اليمين حتّى لو چنتي يمّ أحّد، إرفعيها لإيدچ وخلّيها تلزم كتفچ وطبطبي عليه وگولي "عادي عادِي تعلّمت شي جديد" وتبقين تكرّريها شويّة شويّة وبنفس الوَقت تنفّسي..
يَعني إنتِ دا تشوفين نفسچ إنّو عادي هالموضوع أصلًا لازم تفرحين من نفسچ مو تجلديها لأن طلعتي من عنده بدَرس جديد بالحياة الّي لو ما هذا الخطأ آني مچان تعلّمت هذا الدّرس!

أكو حديث للإمام عَليّ عليه السّلام معناه يعني يگول "إذا لَم تَكن حليم، فَـ تحلّم" يعني مارس الحُلم شويّة شويّة حَـ تكون حَليم، فإنتِ نفس الشّي؛ مارسي حُبّ الذّات حتّى لو چنتي تچذبين على روحچ، شويّة شويّة راح تصدگيه..

طبعًا والأهم الأهم،
إنّو تتوكّلين على الله بهالموضوع، تگوليله ياربّ هالشّي حيل دا يتعّبني، ومدا أگدر أتقبّل نفسي الّي إنتَ خلقتها بأحسن تَقويم، ياربّ لا حَولَ ولا قوّة إلّا بك، قوتي ماكو مُقارنةً بقوتَك.

وطبعًا إذا چنتي تعيشين دور الضحيّة؛ إطلعي منّه.

وبَس.✨

بحِبّ كل شي بحياتي يكون إلو معنى، ما بحِبّ أيّ شي بحياتي يكون عبثي، أد ما كان صغير أو سخيف بنظر النّاس، بسّ بِالنّسبة لإلي ما في شي بحياتي سخيف، كلّو إلو معنى عميق مخبّى جوّاتو.. وهيدا بينطبق أكتر شي عمشاعري، بحياتي ما استخفّيت بمشاعري، أو قلت "القصّة مش مستاهلة"، ولا رح قول، لإنّو هيدي مشاعري أنا، ما حدا حيحسّ فيها، ممكن العالم تتفهّمني بسّ ما حتحسّ متلي.. وهيدي حياتي أنا، والمواقف والقصص اللّي بتصير معي هنّي جزء كتير كبير من حياتي، عشان هيك كلّ شي بحياتي: بيستاهل إنّي حسّ تجاهو بشعور معيّن، وبعطي الحقّ لقلبي بإنّو يعبّر عن اللّي عم يحسّو.

- زهراء ظاهر.

شَوارِع بَغدَاد تخلّيني أصفُن هوايَة، ازدحاماتها المُزعجَة هيّ بالنّسبة إلي فصلَة عن العَالم وأحبها!
مرّات أحسّ أريد أصوّر بَغدَاد وأملي موبايلي بصورهَا، ومرّات أريد أستمتِع بجمالها فَأبقىٰ بَس أباوع وأتنفّس هواها..

تَفاصيل الشّارع حنينة بشكِل ما ينوصف،
الچبير الّي يدفَع بالعربانَة والصغيّر الّي يبيع چبس والعجوزة الّي تشتري لأحفادها والشّايب الّي يسوق بايسكله وينطي أكل لنوارس دجلَة والبائع المتجوّل الّي صوته مبحوح والأب الّي مغطّي أطفاله بالجاكيت مالته حتّى لا يبللهم المطر وأبو السّيارة الفارهَة وأبو التُّك تُك الّي ماليها عبارات تضحّك والعَلم العِراقي الّي يرفرف، والطّفلة الّي طلعتلي من شُبّاك السيارة وبقت تلوحلي بإيدها وتبتسِملي..

كلامي عَن بَغدَاد ما يخلَص
مِثل حُبّي إلها.♥️

تالا الخَليل تگول:
المخبّل الوَحيد هوّ الشّخص الّي يخاف يحلم!

لَستُ مِمّن يَمنح وَقتهُ للآخرين كما يشاءون، إن كانَ أحّدهُم يأتنِي ويذهَب بينَ الحِين والآخر بِدون أسبابٍ منطقيّة،
ولستُ مِمّن يمشي خلفَ أحد مهما بدت منزلتهُ عاليَة، لا أحِبّ أي عِلاقة ضبابيّة بِدون وضوح، ولا أسمَح أن يعبَث أحدهم بِساحَة مشاعرِي مَا لَم يستحق، ولا أستزِف طاقة إحساسي مُقابَل لا شَيء.
إنّي رسمتُ حدودًا لا يُمكن لأي أحد أن يتجاوزها، وكوّنت لِـ نفسي طَوق نَجاة بعيدًا كُلّ البُعد عن الوَهم.

- محمّد بلوط.

"أعرفُك
‏أنتَ الذي تشيح بوجهِك
‏حينما يغمرك التعب
‏أنتَ الذي تختار الكلمة بجُهدٍ بالِغ
‏كيّلا تُصيب من حولك فيها
‏أنتَ الذي تصر على أن تمُد يدَك
‏ولو هي مُتعبة
‏أعرفُك
‏أنت الذي تمنح الآخرين
‏ما ترجوه
‏ومافي قلبِك يُضخ على وجهِك
‏فيتضح مافيه
‏من عتبٍ أو محبة
‏وفي لمستِك
‏كُلّ ما عجزت عن قوله"

_