Bu hayotda qalbimizga , ruhimizga jarohat yetkazganlar ko'p bo'ldi. Har safar yo'lni davom ettirishga kuch topdik, chunki hech biri o'zimizga o'zimiz bergan jarohatlarchalik bizni azoblolmadi. Hech biri o'zimizga o'zimizchalik nohaqlik qilolmadi. O'zimiz o'zimizdan kutmagan holda jon joyimizga zarba berdik. Ey qulashimizni kutib yurganlar, ozorlaringiz bizni yiqitolmaydi. Agar bu sodir bo'lsa, demak, buni biz qildik, lekin aslo siz emas...

@lahzalarda

Ba'zi insonlar yerda yashamaydi. Ular yonimizda nafas olganlari bilan bizdan ancha uzoqda bo'lishadi. Bu toifadagi insonlar bilan yashash juda qiyin. Nigohlaridan aksingizni topolmaysiz. Gapiradi-yu, lekin izoh bermaydi. U o'zingiz tushunishingizni kutadi, siz esa izoh. Siz bir-birimizga mos emasmiz deb o'ylaysiz, u ,aslida, kim kimga mos emasligi haqida o'ylaydi. Bitta o'xshashlik bor: hech kim nimani o'ylaganini gapirmaydi. Yoningizdagi odamni kutib yashaysiz. Nimani kutyapsiz axir? Sizning bu kutishlaringiz uni allaqachon charchatgan. Umidvorlik charchatgan . Uni ozod qiling...

@lahzalarda

Eyy yor, senga qiymat berib bo'lmaydi. Axir quyoshni qandayin baholash mumkin?!
Ey yor, quyosh ziyo taratmasa, oyda nur nima qilsin. Oyingni ziyosiz qoldirma...
Quyoshsiz oyning toshdan farqi bormi? Toshni go'zal deb bo'larmi?
Oy bag'ridagi dog'lari bilan go'zal emish, men esa sen yetkazayotgan og'riqlar bilan borman.
Odamlar o'ylamasinlarki, oyning qismati faqatgina quyosh nurini qaytarib turish deb. U bu qismatni o'zi tanladi.
Agar Oy nur taratsa, zim-ziyo tun bo'larmi? Oy quyosh nuridan bahramand bo'la olarmidi?! U bugungidek go'zal bo'la olarmidi?! Sevishni oydan o'rganing...
Ey yor, hijroning bilan ham baxtliman. Seningsiz bo'lsam-da, borligingni His qilish meni hatto zulmatda-da xotirjam qiladi.
Ehhh, oyni mendan ortiq yana Kim ham tushuna olardi...

@lahzalarda