#Savol_javob

❓16 yoshga toʻlmagan bolani chet elga olib kelish mumkinmi?

✅ O‘zbekiston Respublikasi fuqarosining biometrik pasportini va 16 yoshga to‘lmagan shaxslar uchun fuqaroligi bo‘lmagan shaxslarning harakatlanish hujjatini berish tartibi to‘g‘risida Nizomga (Vmning 7.07.2011 yildagi 200-son Qaroriga 1-ilova) muvofiq, farzandning pasporti va chet elga chiqishi uchun ruxsat berish yozuvi rasmiylashtirilgan bo‘lsa, chegarani kesib o‘tayotganida muammo yuzaga kelmaydi.

Shuni qayd etish zarurki, nizomning 29-bandiga muvofiq bola ota-onasidan biri bilan xorijga vaqtincha chiqishida ikkinchi tarafning (ota yoki onaning) roziligi talab etilmaydi. Ammo, amalda huquqni muhofaza qilish organlari xodimlari “Huquqbuzarliklar profilaktikasi to‘g‘risida”gi Qonunni (14.05.2014 yildagi O‘RQ-371-son) ijro etish maqsadida chet elga chiqib ketayotgan ona bolani olib ketishiga otasining roziligini talab etishlari mumkin.

?Shu munosabat bilan tushunmovchiliklarga yo‘l qo‘ymaslik maqsadida otaning roziligini olgan ma'qul. Uni yashash joyidagi davlat notarial idorasida rasmiylashtirish mumkin.

Qoʻshimcha ma’lumot sifatida: O‘zbekiston Respublikasi Prezidentining 2018 yil 26 dekabrdagi qaroriga asosan, xorijga chiqish biometrik pasportlari quyidagi muddatlarga beriladi:
✔️ 1 yoshgacha bo‘lgan bolalarga – 2 yilga, 1-16 yoshgacha bolalarga – 5 yilga, 16 yoshdan oshganlarga – 10 yilga muddatga beriladi.

? Asos: Oʻzbekiston Respublikasi Vazirlar Mahkamasining 200-qaroriga 1-ilovasining 29-bandlari; Oʻzbekiston Respublikasi Prezidentining 2018-yil 26-dekabrdagi qarori;
Oʻzbekiston Respublikasi “Huquqbuzarliklar profilaktikasi toʻgʻrisida”gi qonun.

?️TDYU Yuridik klinika ko'ngilli talabasi:
Boʻriyeva Nasiba

?Murojaat uchun:
@TDYU_Yuridik_Klinika_bot

#savol_javob

❓️Bir oylik farzandimni ismini o'zgartirmoqchi edim. Dadasi hozirgi kunda boshqa davlatda. Shu holatda farzandim ismini faqat o'zim o'zgartirishim mumkinmi?

❌Yo'q. Fuqarolik holati dalolatnomalarini qayd etish organi ota-onaning birgalikdagi arizasiga binoan bola o‘n olti yoshga to‘lguncha bola manfaatlarini e’tiborga olib, uning ismini o‘zgartirishga, shuningdek unga berilgan familiyani ham otasi yoki onasining familiyasiga qarab o‘zgartirishga haqlidir.

Shuningdek, o‘n olti yoshga to‘lmagan shaxslarning tug‘ilganlik haqidagi dalolatnoma yozuviga o‘zgartirishlar kiritish ular ota-onasining yoki qonuniy vakillarining arizasiga ko‘ra amalga oshiriladi.

?Asos: O'zbekiston Respublikasi Oila kodeksi 70-moddasi va Vazirlar Mahkamasining 2023-yil 20-oktabrdagi 550-sonli “Nikoh, oila va fuqarolik holati dalolatnomalarini qayd etish sohasidagi normativ-huquqiy hujjatlarni tizimlashtirish to‘g‘risida”gi qarorning 138-bandi 3-qismi

TDYU Yuridik klinika ko'ngilli talabasi:
Qo'chqorova Nafosatxon

? Murojaat uchun:
@TDYU_Yuridik_klinika_bot