Ўзига бўлган ишончнинг пастлиги ва депрессия ўртасида боғлиқлик борми?

Жавоб: ҳа. Депрессия ва ўзига бўлган паст баҳо ўртасида боғлиқлик бор, бири иккинчисини келтириб чиқариши ва инсонни «тупик»ка киргизиб қўйиши мумкин.

Ўз салоҳиятини паст баҳоловчи инсонлар дунёни қора рангларда кўришга мойил бўлиб, стрессга кўпроқ учрайдилар, салбий ўй-хаёллар эса уларда ночорлик ҳиссини кучайтиради. Бу уларнинг депрессияга мойиллигини оширади.

Қизиғи шундаки, бу жараён тескари кетма-кетликка эга бўлиши ҳам мумкин: депрессиядаги одамнинг ўзига бўлган ишончи пасайиб кетади, чунки тушкунлик давомида шахс ўзини айлаб, фақат камчиликларига эътибор бера бошлайди. Ҳатто депрессия пасайганда ҳам, инсон ўзига ишончни тиклашга қийналиши мумкин.

Демак, кайфият ёмонлигида об-ҳаво ёки ҳукуматни айблашдан тўхтаб, ўз эмоционал ҳолатимиз учун масъулиятни қўлга оламиз ва ўзимизга бўлган ишончни ошириш устида ишлаймиз.

@safarblog

Amaliyotchi psixolog, Nordic university pedagogi, izlanuvchi Shoxrux Shodiboyevning shaxsiy blogini kuzatuvchilarimizga tavsiya etib qolamiz.