📩 [email protected] +7 (919) 779-11-98 Кирилл Сёмин
Мой Rutube-канал:
https://rutube.ru/channel/31539567/
Регистрация канала: https://clck.ru/3Fk3Gn
Last updated 1 month, 4 weeks ago
По рекламе / сотрудничеству:
[email protected]
@exs_ad/ t.me/ExSCompany
№ 5040038424
Last updated 2 months, 1 week ago
🌿🌿🌿Күндү биир дойдулаахтарбыт!🌿🌿🌿
Аксения Васильевна Посельская 100 сылыгар анаммыт тэрээһиннэр чэрчилэринэн ыытыллар
“Үҥкүүгэ уостубат тапталынан” диэн Чурапчы улууһуттан тахсыбыт билллиилээх үҥкүүһүттэр, аныгы кэмнэ айа-тута үлэлии-хамсыы сылдьар үҥкүү ансаамбылларын туһунан, ааспыт кэккэ сылларга биирдиилээн үҥкүү кэрэ эйгэтигэр үлэлээбит уһуйааччылар тустарынан тахсар кинигэ үбүлээһинигэр көмө буоллун диэн тэрийбит дьоро күммүтүгэр кэлиҥ, сылдьыҥ, ыалдьыттаан, күүс-көмө буолун диэн ыҥырабыт.
Кэнсиэртэн киирбит үп толору кинигэ бэчээттэнэн тахсыытыгар ананар.
Билиэт сыаната: 1000 солк.
Онлайн-атыы: ddn-afisha.ru уонна Өксөкүлээх Өлөксөй доҕордоһууларын дьиэтин кассатыгар атыыланар.
_Чурапчыттан тэрийэр бөлөх_
Күндү биир дойдулаахтарбыт, Чурапчы улууһун дьоно-сэргэтэ эһигини Тохсунньу 31 күнүгэр,
киэһэ 18.00частан.
«Айылгы» Оройуоннааҕы норуот айымньытын дьиэтигэр, сахалыы сайаҕас санааны салайар, ураҥхайдыы уран куту уһугуннарар, элэккэй ырыалаах,дэгэрэҥ тэтимнээх, төрүт дорҕоонноох ДЭГЭРЭҤ ЫРЫА КЭРЭ КЭНСИЭРИГЭР кэлиҥ, сылдьыҥ, дуоһуйа сынньаныҥ диэн, биһирэмнээн ыҥырабыт🎵🎶🎵
🌿🌿🌿🌿🌿🌿🌿
Бу дьоро киэһээҕэ кыттыыны ылыахтара:
Саха Өрөспүүбүлүкэтин бастыҥ норуот ырыаһыта, тойуксута, оһуохайдьыта, Олоҥхо тыйаатырын артыыһа - Дмитрий Иванов уонна
Чурапчы улууһун нэһилиэктэриттэн
Бастыҥ дэгэрэҥ ырыаны толорооччулар, араас таһымнаах күрэхтэр кыттыылаахтара, кыайыылаахтара,
⭐️Чурапчы нэһилиэгиттэн Варвара Орлова;
⭐️Сылан нэһилиэгиттэн – Петр Беляев;
⭐️Хайахсыт нэһилиэгиттэн – Владислав Поисеев;
⭐️Хатылы нэһилиэгиттэн - Егор Захаров, Гаврил Павлов;
⭐️Болтоҥо нэһилиэгиттэн - Николай Бушуев;
⭐️Арыылаах нэһилиэгиттэн – Александр Максимов;
⭐️Кытаанах нэһилиэгиттэн – Давид Андреев;
⭐️Алаҕар нэһилиэгиттэн – Елена Тотонова;
⭐️Мугудай нэһилиэгиттэн – Валерий Захаров;
⭐️Чакыр нэһилиэгиттэн – Николай Григорьев, Николай Ануфриев;
⭐️ Чурапчы нэһилиэгэ - Наталья Захарова
- Уо.д.а.
Кэнсиэргэ билет сыаната- 500 солкуобай.
🔶🔶🔶🔶🔶🔶🔶
Чурапчы улууһугар,
Тохсунньу 31 уонна Олунньу ый 1 күннэригэр.
«Айылгы» Оройуоннаҕы норуот айымньытын дьиэтигэр,
🔷🔷🔷🔷🔷🔷🔷
Норуот айымньытын кэллэктииптэрин салайааччыларыгар,
тыыннаах дорҕоону сэргээччилэргэ анаан
маастар-кылаастар ыытыллыахтара.
Саха норуотун төрүт дорҕоонун,
кини ураты тыаһын араас дойдуларга иһитиннэрбит, билиһиннэрбит,
СӨ үтүөлээх артыыската
АННА ТОМСКАЯ,
_"ТӨРҮТ ДОРҔООН ТОЙУГА"_ диэн кыл кылыһах кырыымпаҕа маастар-кылаас,
курсун былааннаахтык тэрийэн ыытыаҕа🎻🎻🎻
🔹Кыл кылыһаҕы толоруу үгэстэрин ону таһынан хайдах төрүт тыаһы сайыннарыахха сөбүн кистэлэҥнэрин арыйыа.
🔹 Бастакытын саҕалааччылары уонна оонньуу үөрүйэх дьону тус-туспа бөлөххө арааран анаан кичэйэн үөрэтиэ.
🔶(Маастар кылааска саха кыл устурууналааах үнүстүрүмүөннэргитин илдьэ кэлэҕит)
🔶Маастар кылаас икки күн устата буолуоҕа.
- Тохсунньу 31 күнүгэр 14:00чаастан саҕаланар;
- Олунньу 1 күнүгэр сарсыарда 10:00чаастан саҕаланыаҕа;
Үөрэх толору төлөбүрэ биир киһиттэн- 2500 солк
Кэлиҥ сылдьыҥ, үөрэҕи иңэринэн, туһаның.
👏🏻👏🏻👏🏻👏🏻👏🏻👏🏻👏🏻
“Куруубай хааннаах Кулун Куллустуур” – олоҥхо 30 сыл аннараа өттүгэр хайдах туруоруллубутун ССРС култууратын туйгунун, РСФСР култууратын үтүөлээх үлэһитин, СӨ култууратын бочуоттах үлэһитин, култуура ветеранын Мария Андреевна Герасимова Сэҥээрэ ахтыытыттан ааҕын, сэргээн.
???????
Олоҥхоһут И.Г.Теплоухов - Тимофеев төрөөбүтэ 155 сылынан, П.М.Решетников аатынан Чурапчытааҕы народнай театр төрүттэммитэ 55 сылынан, “Куруубай хааннаах Кулун Куллустуур” олоҥхону сценаҕа туруоруу 30 сылынан.
Эрдэтээҕи көлүөнэ уус-уран самодеятельность кыттыылаахтара Хайахсыттар бу олоҥхону эрдэ быһа тардан туруора сылдьыбыттара, сурукка суруллар гынан баран, П.М.Решетников аатынан народнай театрга 1994 с. олоҥхоһут 125 сааһын көрсө туруорбуппут туһунан санаан ахтан ааһыахпын баҕардым. Ити сыл өрөспүүбүлүкэҕэ олоҥхо сыла биллэриллибитэ уонна И.Г.Теплоухов-Тимофеев 125 сыла улууска бэлиэтэнэр буолбута. Мин оройуоннааҕы культура дьиэтигэр уус-уран салайааччынан үлэлии сылдьарым. Оҕо сааһым өйдөбүлэ Чоппулуохап оҕонньор олоҥхото кинигэ буолан бэчээттэнэн Хайахсыкка олоҥхотун толорбут өрөгөйдөөх күннэрин 1957с. билэр буолан бу олоҥхону ааҕан, кылгатан пьеса курдук оҥорон толорбут киһи диэн санаа киирэн ииппит уолуттан П.К.Дорофеевтан кинигэтэ баар дуо диэн ыйыппытым. Прокопий Кузьмич биһиги народнай театырбыт быыһын биир бастакынан арыйсыбыт артыыспыт буолан айымньылаахтык үлэлии сылдьар кэмнэрэ этэ. Кинигэтин аҕалбытыгар көрөн баран салынным. 283 страницалаах обургу кинигэ, өссө нууччалыы тылбааһа кытта баар. 605 страница.1985 с. Москваҕа “Эпос народов СССР”серияҕа киирэн күн сирин көрбүт. Оччолорго олоҥхону ааҕа үөрэммэтэх буолан наһаа ыарырҕаппытым. 1957 с-ха 87-88 саастаах оҕонньор олоҥхону олоччу эт өйүнэн саҥаран-туойан олоҥхолообутун оччотооҕу көлүөнэ дьон сөхпүттэрин-махтайбыттарын оҕо сылдьан истибиппин, оҕонньор сүргэтэ көтөҕүллэн ис-иһиттэн сырдаан мичээрдии-мичээрдии сэһэргэһэн аргыый сэҥийэтин имэринэн чэйдии олороро харахпар көстөн кэлэр. Тыый, бу бэлэм суруллубуту хайдах кыайан кылгатар кыаҕа суохпунуй, аата сүрүн?- диэн бэйэбиттэн кэлэйэн, ис-санаам күүһүнэн, кулууп түбүктээх үлэтин кэнниттэн түүннэри дьаныһан олорон кылгатан түөрт хартыыналаан сценаҕа туруоруллар оҥорбутум. Олоҥхо бастакы чааһын ылбытым. Аны артыыстары сүүмэрдээһин буолбута. Туойан ыллыыр артыыһы көрдөөн балайда моһуогурбуппут. Иннокентимй Гурьевич хаан аймаҕын Федор Афанасьевич Тимофеевы уонна Герасимов Валерий Петровиһы олоҥхоһут оҥортообутум. Икки бастакытын Федор Афанасьевич, икки кэннники хартыынатын Валерий Петрович толорор буолбуттара. Кулун Куллустууру театрбыт саамай уһун уҥуохтаах артыыһын, ырыаһыт, электросеть үлэһитэ Егор Монастыревы, Ньургустай удаҕаны ырыаһыттар, иистэнньэҥ Валентина Манасытованы, повар Клара Кондратьеваны, Үрүҥ Айыы Тойону- врач, ырыаһыт Е.А. Марковы, Ытык Дьуорсун суруксуту - И.К. Дегтяреву, Кыыра Чохчой удаҕаны, культура үлэтин туйгуна, мелодистка М.Е.Васильеваны, барыта үҥкүүһүттэрдиин 40-ча киһи кыттыбыта. Абааһы уолаттара, кыргыттара бааллара. Сатыы олоҥхо диэн ааттаабыппыт. Тексин үксүн саҥара-саҥара туойан ылаллар. Тойуктарбытын-ырыаларбытын ким тугу сатыырынан бэйэ-бэйэлэрин үөрэтиһэн көр-нар бөҕө буолбуппут. Биир да улахан тойуксуппут суох. Аны сахалыы соннору, удаҕаттар, ойууннар таҥастарын булуу, абааһыларбыт уонна үҥкүүһүттэрбит, быһата ол оонньообут 40-ча киһибитин таҥыннарыы, сценическэй көстүүмнэрин соруга биир туспа кыһалҕа буолбута. Санаа хоту үп-харчы да суоҕа. Сөптөөх дьүһүннээх матырыйаал да көстөн биэрбэккэ моһуоктаабыта. Билиҥҥи курдук таҥас дэлэйэ суоҕа. Оччолорго бытовой комбинат баар буолан Ирина Никифорова салайар “Чурапчинка” иистэнньэҥнэрэ, сорох көстүүмнэрбитин Матрена Васильева, Акулина Ноговицына, Мария Феофанова, Майя Шеломова, Евдокия Местникова адьас кылгас кэм иһигэр күнүстэри-түүннэри иистэнэн, онтон мантан сиирэ-халты салҕанан, сороҕун костюмернайга баар таҥастары уларытан - тэлэритэн тигэн бүтэрбиттэрэ. Көрөөччүгэ тахсар күммүтүгэр И.Г.
Чурапчыбыт улууһугар олоҥхо күнүгэр аналлаах декадаҕа
И.Г.Теплоухов-Тимофеев “КУРУУБАЙ ХААННААХ КУЛУН КУЛЛУСТУУР” олоҥхото сценическай дьүһүйүү быһыытынан турарыгар бэлэмнэнии үлэтэ тигинэччи бара турар. Онтон бэлэмнэнии биир сүрүн хайысхата, сцена декорацията буолар, сценаҕа аныгылыы тылынан эттэххэ двух уровневай конструкция техническай өттүнэн эппиэттиир гына оҥоһуллунна. Бу оҥоһуллубут конструкцияҕа артыыстарбыт, хайдах сүүрэллэрин дуу, көтөллөрүн дуу дьүһүйүүнү көрө кэллэххитинэ эрэ көрөҕүт, олоҥхо көстүүлэрин анал саҥа уотунан- күөһүнэн киэргэтиэхтэрэ, соһутар да сэргэхситэр да өрүттэрэ үгүс буолуо диэн эрэннэрэллэр. Инникигэ сыһыаран эттэххэ Куруубай хааннаах Кулун Куллустуур үс төрөппүт уолаттара, үс аҥы, үс дойдунан иитиллэн хайдах дьон сэргэ буолбуттара, хайдах майгылаахтара көрөөччүнү сөхтөрүө. Билиэттэр сотору кэминэн атыыланыахтара, солуннары салҕыы күүтүн.
#ЧурапчыУлууһунОлоңхоКиинэ
???????
Чурапчыбыт улууһугар олоҥхо күнүгэр аналлаах декаданы ыытыы үтүө үгэскэ кубулуйан, быйылгы сылга киэҥ хабааннаах буолара торумнанар.
Олоҥхоҕо аналлаах научнай-практическай конференцияттан саҕалаан, төгүрүк остуоллар, быыстапкалар, куонкурустар, кинигэ сүрэхтэниитэ, дьоммутун - сэргэбитин түмүөхтэрэ.
Декада саамай улахан тэрээһининэн И.Г.Теплоухов-Тимофеев төрөөбүтэ 155 сылыгар аналлаах “КУРУУБАЙ ХААННААХ КУЛУН КУЛЛУСТУУР”олоҥхото сценическай дьүһүйүү быһыытынан туруоҕа.
Сценическай дьүһүйүү туох сыаллаах- соруктаах?, Хаһан торумнаммытай?, Хантан үбүлэнэрий?- диэн үгүс киһини интириэһиргэтэрэ буолуо.
Чурапчыбыт үйэттэн- үйэҕэ бэриллэн испит үгэстэрэ, норуот уус- уран тылын күндү баайа, 287 сурукка киирбит олоҥхоһуттарбыт, олоҥхолорун тилиннэрии, үөрэтии, туруоруу, суруйуу, сайыннарыы, кэнчээри ыччаттарбытын олоҥхо тылынан- өһүнэн, уус-уран айымньыбытынан, фольклорбутунан, культурабытынан ииттэхпитинэ, ыччаттарбыт төрүт үгэстэрин үчүгэйдик билэр буолуохтара, инники олохторугар тирэхтээх, кыахтаах, үрдүк культууралаах, өйдөөх-санаалаах, билиилээх-көрүүлээх буолууларыгар норуоппут нэһилиэстибэтэ тирэх буолуоҕа диэн, 2023 сыл түмүгэр улууспут баҺылыга Степан Анатольевич Саргыдаев, саха биллиилээх олоҥхоһута И.Г.Теплоухов-Тимофеев төрөөбүтэ 155 сылыгар "КУРУУБАЙ ХААННААХ КУЛУН КУЛЛУСТУУР”олоҥхотун сценическай дьүһүйүүтүгэр харчы көрөн, быйыл 2024 сылга, олоҥхо декадатыгар сүрүн уонна солун хамсааһынынан буолара күүтүллэр.
#ЧурапчыУлууһунОлоңхоКиинэ
«Симэх» национальнай киин Далбар Хотуна үбүлүөйдээх сааһын бэлиэтиир
Бүгүн, о.э. сэтинньи 15 күнүгэр, Дьокуускай куоракка СР бырабыыталыстыбатын 2 нүөмэрдээх дьиэтин актовай саалатыгар норуот уус-уран оҥоһуктарын "Симэх" национальнай киинин салайааччыта, Россия уонна Саха сирин культуратын үтүөлээх үлэһитэ, Чурапчы улууһун бочуоттаах олохтооҕо Яна Викторовна Игнатьева үбүлүөйдээх сааһыгар анаммыт айхаллаах тэрээһин буолла. Чурапчы улууһуттан култуура салалтатын салайааччыта Петр Егорович Гуляев, Олоҥхо киинин салайааччыта Дмитрий Дмитриевич Попов, "Ай" студия үлэһиттэрэ Сусанна Дмитриевна Дьячковская, Муосчут кыыһа Айылгы Пинигина, СР норуот маастара, тимир ууһа Василий Степанович Попов-Бааха Уус, СР норуот уус-уран оҥоһуктарын маастара, ювелир Гаврил Гаврильевич Николаев кыттыыны ыллылар. "Чурапчы улууһун бочуоттаах ветерана" бэлиэни уонна улуус култууратын үлэһиттэрин махталларын бэлиэтин - УБАҺА - мэктиэ суругун туттардылар. Тэрээһин СР култууратын миниистирэ Афанасий Иванович Ноев эҕэрдэтиттэн саҕаланна. Саха норуотун уус-уран оҥоһуктарын аан дойду таһымыгар таһаарбыт, норуот маастара сокуонунан көмүскэллээх буолуутугар сүҥкэн кылаатын киллэрбит республика биир бөдөҥ салайааччытын аатыгар үгүс үтүө тыл, барҕа баҕа санаа ананна.
Пинигина А.М.к., "Ай" норуот студиятын специалиһа
📩 [email protected] +7 (919) 779-11-98 Кирилл Сёмин
Мой Rutube-канал:
https://rutube.ru/channel/31539567/
Регистрация канала: https://clck.ru/3Fk3Gn
Last updated 1 month, 4 weeks ago
По рекламе / сотрудничеству:
[email protected]
@exs_ad/ t.me/ExSCompany
№ 5040038424
Last updated 2 months, 1 week ago