Сен сукъланаса бюгюн бир байгъа:
Юйю эркинди, тынчды жашауу.
Алай’а, Къыяма айланнганда
Байны башын алырмы хуржуну?

Жетерми ол байны даражасы
Жашауунда миллет берген чекге?
Сукъланнганынг къалмазмы да жарсып
Жумушлары бла тюбесе бетден?

Хау, байлада да барды муслийман,
Алай, ол сен излеп тургъан байлыкъ –
Кёп адамгъа келир, болуп сынау:
Таба барып, чабып кетген – къылыкъ.

Алданма байлыкъгъа. Тилегингде
Ийманынгы эте билсенг алчы
Ырахатлыкъ болур жюрегингде,
Эки дуниянг болур сени – жарыкъ.

Ол сагъатда санга сукъланырла
Байлыкъ хорлагъанла, сени кёрюп.
Хаух жашаудан хакъ жашауну сайла
Кёз чырагъынг къалгъынчы ёчюлюп.

© Жашууланы Темирлан

Жаннетге ачыкъды эшигинг
Гюнахха эшиклени жапсанг.
Аланы азчыкъ жепи къойсанг -
Кесинги эшигинги жапдынг.

© Жашууланы Темирлан

Бу жашауда алай да болады:
Адам, жолу болуп ахшылыкъ,
Жаханимге атыллыкъ болады -
Хорлап алады махтанчакълыкъ.

Бу жашауда алай да болады:
Адам, жолу болуп гюнахлы,
Женгил тюзлюк жолуна къайтады,
Жюрегинде ёсюп къоркъмакълыкъ.

Бири "Аллах" деселе къоркъады,
Башха уа къоркъмайды, серленип.
Бири кесин танып, агъарады,
Башха - агъармайды, алданып.

Бири, "Аллах" деп, ёрге барады,
Аны ёседи даражасы.
Башха махтау сёзге табынады -
Ол не хазна саугъасын тапсын.

© Жашууланы Темирлан

Суу жагъада
Саскыладан
Атны боюнун
Ариулагъан
Сабийлигим
Къайда къалды?!

© Жашууланы Темирлан

Уллудан тутсанг ишни башында,
Жартылай къалыр аны аягъы.
Аллахха къуллукъ этген заманда,
Гитчесин тохтамай этген ахшы.

Уллудан башлап тохтайбыз бирде,
Татыуун танымайын къуллукъну.
"Аллахым", - деп, келишип сюннетге,
Табынсанг - болмаз ишлеринг букъу.

© Жашууланы Темирлан

От башында сют къайната биреулен,
Заманында кёрмегенди къайгъысын.
Энди уа къачхан сютню печь юсюнден
Къашыгъы бла амалсыз жыяр мискин.

© Жашууланы Темирлан

Алим кёп - динни билген адам аз,
Сафла толу - жюрекледе жокъ намаз,
Байлыкъ къайнап - ачха жокъ межгитлеге,
Кёп сёзлюле - саналып жигитлеге.

Жаулукъ кенг да - жюрюшюнде хиджаб жокъ,
Сакъал узун - эки кёзю садакъ окъ,
Сабий кёпдю - жыл саны акъылбалыкъ,
Адеп къалмай - ёреси къылыкъсызлыкъ.

Санасанг да, кем затланы жокъ саны,
Кёп айтхандан, аз айтхан магъаналы:
Дунияны халисин таныгъанла,
Умут юзмей, Аллахха таянсынла.

© Жашууланы Темирлан

Кто поклоняется ради довольства творений,
Кто призывает к Аллаху и ждёт похвалы,
Тот не останется без достижения целей -
Но поклоняется он не Аллаху, увы.

© Темирлан Жашуев

Взгляд - стрела из стрел, отравляющих,
Не мишень, а стрелка поражающих.
Преуспел потупивший его!

Тот из лучников лучше охотится,
Кто о выборе цели заботится,
Не считает добычи число.

© Темирлан Жашуев

Билген болсанг ишни адебин,
Тынгылы болур аны эсеби.
Чыгъарыр адеп жумушну бетин,
Адепсиз адам а - не да этсин.

Чакъырсанг диннге экиди къолунг:
Адепсиз алим - чолакъды. Ёзюнг
Танысын диннге чакъырса адеп,
Турма сен: "Сен ким да, мен кимме!", - деп.

Гюнахны, кемчиликни танысанг,
Адепге кёре аны айыпла:
Айыпла гюнах ишни сен кесин,
Гюнахлы аны энчи эшитсин.

Кемчилик ишге салсанг сен айып,
Сёз ариу болсун, сёлешме басып
Кемчилик этген адамны эсин -
Бу назму акъылынгда бегисин.

Аз билип, айтама аз билимни.
Аллахдан тилейме: дефтерими
Онг къолум алсын, сёзюм Базманда
Ауурлукъ болсун мадар азгъанда.

© Жашууланы Темирлан