تشرب حرگتك والعوض بالدخان .

أعاتِب ليش وانا أدريك
ماتفهم حَچي عيوني .

چنت اضويلك درب من شح ضواك
ومن اجتك وادمك طفيتني .

نسوي مسابقه مقابل شرط بسيط

ثنين جانو الك ..
وماكو بحياتك فقط !
انه ونظر عينك ، وعينك درتها ورحت
ولاچني منك چنت ، وبكل سهوله خسرت واحد من ثنينك ..

لـ جبار رشيد

شعَجب زيناتي ما خَلن عَلامات ؟
أشو تتمرض أتمَرضلك أضعاف
وأدعيلك وأغـــنيّلك سَلامات .

الحب فلاحتي ومابگتة من فلاح
ولهاذا السبب خسران بس مرتاح
مرات الخساره تردك التموز و انتَ
بنص شتة وتحس رجيفك راح

ترة كل العشتهن بيه مدفونات
بالك تعتقد فد يوم ناسيهن ..

حَبيت و بعد
خَلي الظلام يزود
شما تِكبر الظلمة
أذكر عِيونك سُود
هوَ العنده
مِثل عيونك شمحلاه
ضگت خَدك
و عِفت العَنب و العَنگود .