مولد السيده فاطمة الزهراء
عليها السلام بطور هالليله
عدكم عيد يالجعفريه 14 _____
هالليله بزغ نورالزهرا ام لطهار
هنوا النبي المختار وهنو الكرار ____
1
رحمه من رحمة ربي فاطم علينا
بضعه نبي الامه وزوجة ولينا
ام الايمه القاده وامها الامينه
دنيانا كلها ضوّت من اغلا الازهار ____
هالليله بزغ نورالزهرا ام لطهار
هنوا النبي المختار وهنو الكرار ____
2
روح المحب فرحانه ابهاي المسيه
ذكرا مولد ست النور هاي العشيه
في الدنيا وفي المحشر هيا الهويه
تشفع للمحبين بإذن الله الغفار ____
هالليله بزغ نورالزهرا ام لطهار
هنوا النبي المختار وهنو الكرار _____
3
ابدع خلق الله لينا في كل الاكوان
تاج الفخر والاشراف من بني عدنان
فاطم نور ابعرش الله وسيدة لجنان
الْطف مخلوق بهالكون كله والامصار ____
هالليله بزغ نورالزهرا ام لطهار
هنوا النبي المختار وهنو الكرار _____
4
نور البضعه هالليله شع عالعوالم
هنوا النبي والعتره وهنوا القائم
هنو جميع الشيعه وهنو الهواشم
لولاها الكون ماكان لا جنه ولانار _____
هالليله بزغ نورالزهرا ام لطهار
هنوا النبي المختار وهنو الكرار _____
5
عطر الجنان امن اعطور ام الايمه
تفاحة جنة فردوس معناها العصمه
هيا الكوثر هيا النور وهيا الحكمه
هيا بحر فيّاض فيضه ابكل لنهار ____
هالليله بزغ نورالزهرا ام لطهار
هنوا النبي المختار وهنو الكرار _____
6
عالخلگ مولدها واكبر هديه
روح النبي الهادي البضعه الزچيه
فاطم ام الاسباط الدره المرضيه
فاقت مناقبها في عالم لخيار ____
هالليله بزغ نورالزهرا ام لطهار
هنوا النبي المختار وهنو الكرار ____
7
املاك ربي هاليوم كلها مسروره
لجنان ازدانت كلها وهاي المعموره
غلمان الجنه والحور خذ ليها صوره
فرحتهم ماتنگاس ويْ طه المختار ____
هالليله بزغ نورالزهرا ام لطهار
هنو النبي المختار وهنو الكرار ____
8
ياربي ثبتنا اعلى حب المحبوب
اعني بالحب طه وحيدر المهيوب
والزهرا والعتره والعدل المنصوب
واللي يلوذ ابهم وابحامي الجار _____
هالليله بزغ نورالزهرا ام لطهار
هنوا النبي المختار وهنوا الكرار _____
تمت بحمد الله وتوفيقه
الاربعاء// 12/2/2020
17ثاني جماده1441هج
الحاج // مكي العريبي
نسألكم الدعاء

موشح لأم البنين
???

الياسـبب الله العلي مخـتارهـا
انتي أيـه المـاعرفنه اسـرارهـا

???◽◽◽???
1
الدنيا سفـره وينكـشـف معـنى البشر
انتي جيتي من البوادي اعله الحضر
لأصـــل بـدويـه ومـواطــن لـلـفـخــر
جـسـدَت مـعـنى البـطـولـه بهـالسـفـر

ونالـت العـزه بعـظـيم افـعـالهـا
انتي أيـه المـاعرفـنه اسـرارهـا

???◽◽◽???
2
اسـسـت دسـتور عـنـوانـه الحـنـين
تـوگـف اسـتـعـداد لـومــر الحسـين
والـحـسـن يـمـنـعـهــا لايـم البـنـيـن
تـگـلــه مـوبـيدي امـر مـن الجـنـيـن

ابطـنـي العـباس احـسـه گـالهـا
انتي أيـه الماعـرفـنه اسـرارهـا

???◽◽◽???
3
جـابـت الـعـبـاس غـيـره رضـعــتـه
بـعـلـگ مـن بيت الرســالـه شــدتـه
ومـن رمـــاد الـبـاب بـيـده حــنــتـه
وصــتـه وكــفـــال زيـنـب سـمـــتـه

ورايـة الـعـز والكـفـالـه شـالـهـا
انتي أيـه الماعـرفـنه اسـرارهـا

???◽◽◽???
4
شلون افسـر ايه بالـمـعـنى قـريب
انـتي ويـه التربـيه امـرج عـجـيب
محـبـتچ لـحسين مـاحبـهـا حبـيب
مـااضـن ولدچ رضعتي بس حلـيب

انه اضن غيره ارضعت اطفالهـا
انتي أيـه المـاعـرفـنه اسـرارهـا

???◽◽◽???
5
خـلـطـت الـغـيره ويأطـبـاع الـبـدو
وكــاسـرتـهــا بـغـيـض فـقــار الأبـو
وانــتـجـــت اولاد تــركـــع لـلأخـــو
ومـاتـهـاب المـوت لـوجـاهـا العـدو

سيوف رضعت من ثدي فقارهـا
انتي أيـه المـاعـرفـنه اسـرارهـا

???◽◽◽???
6
امنيتي اعـرفه منـين نابع هـالولاء
شـنهـو سـرچ مـرتبط ويـه السمـاء
شـهـالتواضـع جبتي عمرج انحنـاء
حسن عـاقبتج كـرامـه من السمـاء

الفـاتحـه تسـهـيل امـر نـقـرالهـا
انتي أيـه المـاعـرفـنه اسـرارهـا

??????
      تمت بعون الله تعالى
✍️عقيل حسين الگرعاوي

الى ام الاقمار الاربعه سيدتي (ام البنين)
????

يبوالحسنين  عـندي مطـلب بيه اسـولف جيتك
يبوالحسنين  ارخصني احجي گبل لاطب بيتك
وادخـل الـدار بسلام
مخـتصر هـذا الكـلام   (راح اسولف)

????◽◽◽????
1
ياباالحسـن اول طـلـب تقـبلني عـدكـم خـادمه
ثاني طـلـب ماريد احـد يسميني بسمي فاطمه
اهل الارض مثلي فرض الكم خَدَم يهـل السمه
خـاف اسمـي يجـرح زينبـك لـوللحـسين يألـمه

رايده جواب   خادمتكم تقبلوني ابلااجر
رايده جواب   حتى گدام الزجيه افتخر
هذا مطلب بت حُـزام
مخـتـصر هـذا الكـلام   (راح اسولف)

????◽◽◽????
2
يابنت الاجواد وفخـر هذا الحچي من منبعج
انتي بنت فخـر ونسـب شنهو ليدور بخاطرج
شـانج جبير ومنزله سـبحـانه هـوه اختار الج
لــوعـالأسـم يـافــاطـمـه ام الـبـنـيـن انـلـقـبج

انتِ اميره   ادخلـي ابمـمـلكـتي ياام البنين
انتِ اميره   الباري خصج بالكرامه وباليقين
وكـلفـج بأعظـم مهـام
مخـتصـر هـذا الكـلام    (راح اسولف)

????◽◽◽????
3
يوم الدخـلت الداركـم ال النبي گـمـت افتخُر
بخدمة علي اولد النبي هنيالي لواگضي العمُر
ياربي ديـم ابرحمـتك توفـيقـي في هذا الامُـر
وارزقـني اولاداٍ خَـدَم افـديهـم الأشـرف خـدُر

يبوالحسنين  افـتـخـر الـكـم اصـيراً خـادمـه
يبوالحسنين  افدي روحي حتى تقبل فاطمه
بلا رضاها اني بظلام
مخـتصر هـذا الكـلام     (راح اسولف)

????◽◽◽????
4
سـولـفلـي حيدر كـل خـبر من النبي عني روه
گـال اربـع اقمـار انـرزق اوَّلـهـم يـشـيل الـلـوه
ويكفـل خـدر ام الخـدر برحلـة جـهـاد النـينوه
ماكَمَل القصه وطحت ومجره لدمع خدي روه

عهد بالله  بالضـلـع والمحـسن وخـدر النبي
عهد بالله  افدي ولدي وروحي اني الزينبي
عـهــد بـدويـه لأمـام
مختصر هـذا الكـلام     (راح اسولف)

????◽◽◽????
5
بـعـد الوصـي دار الزمـن والكـربله حسين استعد
حـضـرت ولـدي وحشـمت قـولو هـوه وغيره ابد
دگ صدره عباس اوگف ومن غيرته جسمه ارتعد
لخـدر الـنـبـي انـي فـده والـوالـدي مـنـطـي عـهـد

عفيه ولدي  هيه فرصه ومن تمر مر السحاب
عفيه ولدي  حسين واقـع والبقيه بس سراب
گرو عيني وخل انام
مختصر هـذا الكـلام    (راح اسولف)

????◽◽◽????
6
چم حسره ضلت بالگلب وخلـتني اعاني من الالم
يوم الـدنه مـنـي الاجـل بگـلـيبي چـن نار الـخـيم
شمحـلاها لو بجنازيتي حسين واخـو راعي العلم
ويشـيعـوني الكـربلـه المـنـهـا جـبـل صـبري انهدم

امنيه هناك  اندفن بتراب بي ريح الحسين
امنيه هناك  بـكـربـلائـك تـنـدفـن ام البنـين
واغفه بمچان الخـيام
مخـتصـر هـذا الكـلام     (راح اسولف)

????◽◽◽????
        تمت بعون الله تعالى
✍️عقيل حسين الگرعاوي

لو مرت اعليك اهموم..أم الگمر تجليها
---
أم الگمر اي والنعم طرواها
هاي اللي ضحت للسبط ببناها
متخيّبك وكت الذي تنخاها
اگصدها باب الحاجات..كل الكرم بيديها
--- 
أم الوفه و اهل  الوفه تعرفها
اوبارينا بالخدمه ترى امشرفها
بيها الشدايد تنفرج من چفها
منبع فضايل واحساس..اورب السما امعليها
---
حين اللي تنخاها ابرجا ام لبنين
خلي دموعك تنهمل عالخدين
واقسم عليها ابذبحة الغالي احسين
واقرا مصايب عاشور..لن بالنعي اتبچيها
----
ادعي بسمها واطلب اشگد رحمه
واطلب ثباتك دايم  ابهالخدمه
منها تحصّل منفعه اوكل نعمه
اوحين التشوف الخيرات ..ابفرض العزا وَفيّها
---
من توصل ابمجلس عزاها اتأكد
موجوده هيّه والملايك تشهد
اجرك تسجله اوهالأجر ماينعد
موبس لطم حتى النوح..ابدفتر فخر تمليها
---
أم الگمر مو لفظه بس واحچايه
رب البشر  جاعلها حصن اورايه
اوبيها تأسس موكب المشايه
اوصارت مثل للاجيال ..الـ حد النفس ترثيها
---
عادل العبد الله

بشان الامام السجاد عليه السلام

??????

جرحه مايطيب…مسموم الحبيب
صعبه مصيبته …ومسئ بالنحيب
          مسموم الحبيب
__

سولف يازمن شالجرى الوالينه
گضه هالعمر  والدمعه ابعينه
بحسراته يون ويبچي حسينه
يذكر  للسبايه وگيده  بيدينه

يذكر كربلا…من حل البلا
    مسموم الحبيب
_

كاس الضيم جرع من بد عاشر
وزادت علته من شاهد الفاجر
راسه اعزله وعله الرمح شاهر
خل الخيل ويلي دوسه بالحافر

عاري ابلا غسيل…نحره دم يسيل
       مسموم الحبيب
_

بالحظاته الاخير الدمعه هماله
وتتلاهب جمرته وذاب دلاله
مفجوع الگلب وحالته حاله
كل لحظه صور اتمر عله خياله

ليله بالسهر … وبنوح وقهر
     مسموم الحبيب
___

تنزف كل جروحه والجسد نحلان
بالف طعنه گضى والروح بالاحزان
على فراش المرض يتگلب وتعبان
چـبده امگطعه بسموم هالعدوان

ميت بالونين… زين العابدين
     مسموم الحبيب

الخلود الحسيني
         نسالكم الدعاء