أقـم الصلاة :-

إن الصلاة كانت تنهي عن الفحشاء والمنكر 🌼

كانت الصلاة إحدى ركائز النفس وطهارتها 🤍

كم من مرة تقلب الحال وإنعدم الأمان ليتواجد بين يدي اللّٰه؟!.

في سجدة أخبره فيها مدى ضعفي وقلة حيلتي أشكو همي وحزني، وأقف بعدها أسعي وأقاتل وأخبر ذاتي لا تخف إن الله معنا🤍💪🏽.

إن الصلاة هي بوصلة الأمان ف حافظوا عليها 🤍.

#ملاذ_عبد_الرحمن
#للحلم_نحن_راجعين
#جرعة_أمل_من_MSI

في حياة كل واحد فينا بتيجي لحظات مصيرية بتوقف فيها أحلامنا على المحك، لحظات بنقرر فيها إذا حنستسلم للمتعة المؤقتة أو حنسعى لتحقيق طموحاتنا اللي حلمنا بيها،ومابين السعي ومحاولة الوصول كان لازم نمر بالدائرة اللي مابتخلوا حياة أي إنسان منها دائرة السلبيه أو دائرة المحبطين.

المُحبطين وأثرهم على نفسيتنا وقرايتنا وجهدنا وإنجازنا قادر يمحي كل الإنجاز والتعب والبذل وخطوات السير في طريق النجاح.

ودائرة المحبطين مهما كانت قريبه أو بعيده أنت المتحكم الرئيس فيها؛ إما تتحطم وتنهزم وتقطع المشوار البديتوا لمجرد أنه ناس عايشة حياتها في فراغ ومن غير أي هدف يذكر فبتحاول تغطي النقص الفي الحياتها بتحطيمك معنويا ونفسيا وتثبيط عزيمتك.

أو أنك تعرف قدر نفسك ومكانتها وتبعد عن أي إنسان سلبي مُحطم ماعنده حياة وبالمقابل تُحيط نفسك بالمتفائلين الناجحين أصحاب الهمم فتصل🤍🕊️....

ولك الخِيار🤍💪🏽!
والسلام

#الوعد
#عشان_الحلم_لازم_نواصل
#جرعة_أمل_من_MSI

الجوهرة ♡ : لا باس انها فقط القليل من الأيام التي تحتاج الى المزيد من الاجتهاد عليك ان تبذل فيها ما تستطيع لانها ستصنع مستقبلك
استمري في السعي نحو أهدافك، فأنت على الطريق الصحيح ♡

#من_الأبطال_للأبطال 🕊️🤍
#مشاركات_أعضاء_جرعة_أمل

دانا: اي زول شايف نفسو متأخر وم هينجز احب اطمنك لسه عندك فرصه وعندك زمن💕
بس خت في بالك انو الزمن ماشي سريع ف احرص على انك تستغلو صح وتبذل أقصى جهدك 💕
والنسبه النفسك فيها وشايفها بعيده دي صدقني م بعيده على ربنا ولا صعبه عليك انت بس اعمل بالأسباب واسعي واوعك تسمع لكلام الناس البتقول انو الزمن فات وم بكفي
اخدو تحدي لنفسك م تعاين لفلان ختم المنهج ولا فلان ختم كل امتحانات الشهاده.. عليك بنفسك وبسسسس ودوس بنزين وكمل لحدي آخر يوم وان شاء الله حلمك مستنيك في نهايه المطاف 🤲🏻💕💕
وربنا يجبر بخاطرنا كلنا ويوفقنا ويرزقنا أفضل من النسب الاحنا بنتمناها💕

#من_الأبطال_للأبطال 🕊️🤍
#مشاركات_أعضاء_جرعة_أمل

🧕🏼:يا ولد خلاص خت التلفون دا وأقرا🤨...

🧑🏽‍🦱:طيب حاضر يا أمي🙂..

بعد نص ساعة....

🧕🏼:يا أيمن دا شنو انت لسه ما ختيته!!🤨..

🧑🏽‍🦱:خلاص ختيته أهدا🤗...
____

أيمن مشى فتح الكتاب عشان يقرأ لقى روحه ما قادر يركز😔، وكل ما يحاول يركز يذكر البوست الفلاني والريلز الحضرهم، المهم أيمن حاول يركز قدر المستطاع....

أتكرر الموقف دا كتير والتحصيل الدراسي حق أيمن نزل، أيمن متأزم شديد😞💔، الحمدلله أنه زول واعي وشاطر، قعد مع نفسه وأكتشف أنه دا كلو من إدمان التلفون وطلع بالمعلومات دي:

¹. إدمان الأجهزة الالكترونية بشتت الانتباه وبقلل التركيز وبصعب الاستيعاب أثناء الدراسة.

². ضياع الزمن في أشياء غير مفيدة؛ زي الألعاب ودا ممكن يقلل من الوقت المقرر للدراسة أو الراحة.

³. إجهاد العين وآلالم في الرقبة والظهر "الجلسة الغلط"، بالإضافة إلي الأرهاق النفسي الناتج عن ضغظ المقارنات في وسائل التواصل الإجتماعي .

⁴. إرهاق الدماغ بسبب التعرض الطويل للشاشة.

⁵. إضطرابات في النوم من صعوبة أو قلة جودة النوم؛ بسبب الضوء الأزرق المنبعث من الشاشة، ولاحظ أيمن الحاجة دي لمن يستخدم تلفونه في وقت قريب جداً من وقت نومه.

⁶. لاحظ أيمن أنه بقى منعزل إجتماعياً عن عائلته وأصدقاءه، الممكن يكون داعمين نفسياً ليه في الفترة دي.

أيمن عرف المشكلة وبعد التحليل لقى الحل🕊️🤍 وقرر أنه من اليوم داك، يقلل وسائل التكنولوجيا بشكل تدريجي يومياً، ووقت يكون عاوز يذاكر ببعد التلفون بعيد عشان ما يشتته،
وحتى لمن يكون مضطر يخت التلفون جمبه ببعده عنه قدر المستطاع وبقفل صوت الإشعارات.

أيمن حول تلفونه من مصدر تشتيت انتباه وضياع زمن، لمصدر إستفادة حمل التطبيقات البتساعده على تنظيم الوقت وترتيب المهام، وتابع المنصات والمبادرات التعليمية البتساعده في رحلته، وبرضو قرر ما يشتغل بالتلفون قريب وقت نومه.

حالياً أيمن بقى مسيطر على تلفونه ما زي زمان كان تلفونه مسيطر عليه، وحوله لأداة مساعدة لتحقيق النجاح🤗🤍.
.....
دي قصة أيمن مع إدمان التلفون وأنت قصتك شنو؟!🤔

#نجاء_أحمد
#عشان_الحلم_لازم_نواصل
#جرعة_أمل_من_MSI

أصلح نيتك☀️
عن أمير المؤمنين عمر أبي حفص عمر بن الخطاب رضي الله عنه قال: سمعت رسول الله صلى الله عليه وسلم يقول:

(إِنَّمَا الْأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى، فَمَنْ كَانَتْ هِجْرَتُهُ إِلَى اللَّهِ وَرَسُولِهِ، فَهِجْرَتُهُ إِلَى اللَّهِ وَرَسُولِهِ، وَمَنْ كَانَتْ هِجْرَتُهُ لِدُنْيَا يُصِيبُهَا، أَوِ امْرَأَةٍ يَنْكِحُهَا، فَهِجْرَتُهُ إِلَى مَا هَاجَرَ إِلَيْهِ)
رواه البخاري ومسلم في صحيحيهما.

فضع في نصب عينيك أن ماتفعله هو ابتغاء لوجه الله وإعلاء لكلمته التي أوحاها لنبيه الكريم محمد ابن عبدالله أشرف الخلق والمرسلين عليه أفضل الصلاة وأتم التسليم، وأن ماتسلكه هو طريق للجنة، وفقنا الله وإياكم وأعاننا🤍🕊️.

#ماريا_عبد_الحليم
#للحلم_نحن_راجعين
#جرعة_أمل_من_MSI

أقول ليك حاجة يا جميل؟
في بعض الحاجات الحتفيدك و انت بتسعى و بتحاول و بتجتهد فـ خلي بالك معاي 🫡🤍
حصل تسأل نفسك إنو ليه اليوم دا بيمر بسرعة كبيرة جداً وقبل ما تنجز الحاجات الحددتها؟ ولا ليه الناس بتختلف في إنجازاتها خلال اليوم ؟ تعال معاي أوريك ...
بدايةً ، انا مؤمنة تماماً إنو بداية اليوم هي المهمة وهي الحتفرق في باقي يومك ، ودا بدليل قولهﷺ:"اللهم بارك لأمتي في بكورها."
يعني بإختصار »الصباح دا فيهو البركة ✅
ف إنت و قبل أي حاجة أسال نفسك هل بتبدا الصباح بطريقة صح ؟ ولا بتقوم تصلي وتنوم راجع وتضيع البركة دي ؟
ف ممكن تظبط روتين نومك بحيث إنك تنوم بدري و تصحى بدري قبل الصبح وتصلي ركعتين قيام تدعي فيهم بالعايزه ، وكلنا عارفين إنو الدعاء في الوقت دا عظيم كيف فـ ممكن نحنا نضرب تلاتة عصافير بحجر "روتين النوم ، الدعاء ، الصبح حااضر "
الصلوات في وقتها مهمة جداً و حـ تحس بالراحة في يومك ، والأذكار كمان مهمة جداً و ليها أثر في البركة والخير فأحرص عليهم ورددهم بحضور قلب عشان تلقى الثمرة ، وبعد كدا وِردك ، وإنت وأنا عارفين إنو "ما زاحـم القرآن شيئاً إلا باركهُ" فـ يا سلام لو ثبتَّ ليك ورد يومي بعد صلاة الصبح ولو صفحة واحدة وشوف الفرق 🤍.

ونجي للمهم ، وفي أي خطوة بتعملها في حياتك يا جميل التوكل مهم ، وكِّل كُل أمورك لرب العالمين و اسعى و شوف النتائج الحتجيك ، وكمان وإنت بتدرس إحتسب إنك بعلمك دا عايز تنفع الناس عشان تنال الثواب .

والصدقة كمان بتفتح ليك أبواب البركة و الخير فممكن تتصدق بأبسط حاجة ، وصِلتك لأرحامك ولو بمكالمة فيها البركة في العمر و الرزق 🤍.

وختاماً خليني أقول ليك بعض الأدعية الفرقت معاي أنا قبلك بطريقة عجيبة جداً والله !🤍
"ربِ اشرح لي صدري ويسر لي أمري و أحلل عقدة من لساني يفقهُ قولي"
"يا حي يا قيوم برحمتك أستغيث أصلح لي شأني كلهُ ولا تكلني إلى نفسي طرفة عين"
"لا حول ولا قوة إلا بالله العلي العظيم "

#منى_الطيب
#عشان_الحلم_لازم_نواصل
#جرعة_أمل_من_MSI

وَعِندَ الصُّبْحِ تَلْتَقِي الْأَمَانِي،
لَا أُخْفِيكَ سِرًّا،
وَلَكِنَّ غَمَامَةَ أَحْزَانِكَ قَدْ قَارَبَتْ عَلَى الِانْقِشَاعِ.
فَقَطْ سِرْ وَتَوَكَّلْ عَلَى اللهِ،
فَإِنِّي لَأَرَى الضَّوْءَ فِي نِهَايَةِ النَّفَقِ،
وَإِنَّ اللّٰه لَجَابِرُ كَسْرِكَ.

#نجاء_أحمد💚
#للحلم_نحنا_راجعين💪🏼
#جرعة_أمل_من_MSI

الأيام بتجري يا هُمام 💪🔥
و اليوم المُنتظر من فترة طويلة على وشك إنو يجي و رحلة المعافرة و السعي و الجهد المتواصل قربت تخلّص .
إنت عارف ؟ حتى الخيل لما تقرب علي خط النهاية بتبذل كُل جهدها عشان تصل و تفوز فهل هي ح تكون أفطن منك ؟ أكيد لا
ونحنا بنقول ليك إنك قربت ما عشان تخاف و تتوتر و تعيش في جو من التنشنه .. لا
عشان عايزنك تشد حيلك شويتين كمان و تضاعف جهدك و تكللو بالنجاح و تختم سعيك بنتيجة تسعدك و تنسيك كُل المريت بيهو .
الأيام الانت شايفها صعبة و ضاغطة عليك ، ما هي إلا فترة صغيرة ح تعدي و تبقى ليك ذكريات ترويها مع قصة نجاحك ، كيف إنك ما استسلمت وواصلت رغم كُل الظروف ، كيف كانت العقبات دي دروس اتعلمت منها .
و في الفترة دي ، حاول تبعد من كُل المشتتات و أبعد من أي حاجة بتخصم كتير من زمنك ، وكلنا عارفين إنو فترة الضغطة دي بتظهر للواحد طلعات و مناسبات و بتحس إنو بس مستنينك تتزنق 😂
ومعروف إنو النفس بتحب تستمتع و بتحب أي حاجة ما فيها تعب وجهد ، فـ كُل ما نفسك تقول ليك يلا بينا كون صامد و قول لأي حاجة ح تخصم من زمنك كتير لا ، لانو أي حاجة ملحوقة و حتعوضها لكن الزمن الضيعتوا ما حيرجع ليك ، وكمان ما تقفلها على نفسك خالص ، أبسط حاجة قعدات الأسرة كمُتنفس ليك عشان ما تزهج .
و اتذكر ، إنو ما هي إلا أيام ، فـ أحرص إنك تستغلها كويس جداً ، وإنت اللي بيدك تختار هل حتكون الأيام دي ذكريات تتذكرها و انت فخور ولا ندمان 🤍.

#منى_الطيب
#عشان_الحلم_لازم_نواصل
#جرعة_أمل_من_MSI

لما الهادي : الشيخ ابن عثيمين كان يقول:

"إنّ اللهَ تعالى قد ينزلُ البركةَ للإنسانِ في وقتِه، بحيثُ يفعلُ في الوقتِ القصيرِ ما لا يفعلُ في الوقت الكثيرِ.
ومن أعظمِ ما يعينُك هو أن تستعينَ باللهِ عزَّ وجلَّ في جميعِ أفعالك، بأن تجعلَ أفعالَك مقرونةً بالاستعانةِ بالله، حتَّى لا توكَلَ إلى نفسِك؛ لأنَّك إن وُكِّلتَ إلى نفسِك فقد وُكِّلتَ إلى ضعفٍ وعجزٍ.
وإن أعانَك اللهُ، فلا تسألْ عمَّا يحصلُ لك من العملِ والبركةِ".

#من_الأبطال_للأبطال 🕊️🤍
#مشاركات_أعضاء_جرعة_أمل