مولاتي زينب ع
تهدمت  وصعب  يا خوي هدماي
وبشرك  اللأطفال  الشمر  هدماي
تعال    وشوف  يا  عباس  هدماي
تهزل هدمي وگليبي سويه
       سعيد العكيلي
2024 /1 /4/يوم الخميس يناير

وداعا يا زمن راحو اهلنه بعدهم ما تعود النه المحنه راحو ما يرجعون بعدهم تعمه العيون *
راحو والگلب يسعر الهيبه شيخلص ليله المفارك حبيبه يضل ينحب ولا بطل نحيبه
مصيبه يا فگدكم ضل مصيبه مثلهم ما يصحون * بعدهم تعمه العيون
راحو ما يرجعون

عافونب ومشو اللمگبره بعيد*اعايدمن بعد من يجبل العيد
كل طفل بحياته يريدله جديد
اكثر بل عتب وانا ادري ميفيد
اعاتبهم ونه وحيد الدمع من عندي شيريد
ضل يحرك بل جفون * بعدهم تعمه العيون
=============

بسك يل تراب تركلي الاحباب
صدكني تعبت من گعدت الباب
انه ترياهم وطولت الغياب
كل لحضه انا اون وگليبي عطاب
عطب من بعدهم ليليه بذكرهم
اون بليل مجنون بعدهم تعمه العيون
=============

مريضه والمرض ياكل بل ضلوع
ومن طبع المريض بليله يلوع
احسب بل وقت خلصت الدموع
بلكت يجو ليه وراسي مرفوع
بقيت انطر على الباب * طول فكد الأحباب
طفله وما يعرفون * بعدهم تعمه العيون
==============

سعيد العكيلي

اه يا زينب ع??

ما صاحو بسمي بل فلانه
وما شدنه غيابك بل فلانه
ترضوهأ  يخوتي بل فلانه
وجيش الچاتلك يضحك عليه
     سعيد العكيلي

2024/1/1/يوم الاثنين يناير
١٨جمادئ الآخره ١٤٤٥هجري

اه يا زينب

صوط الشمر متني حيل عتاه
ولا   همن  ودور  كمت  عتاه
مصاب امي علي يا خوي عتاه
بسهم صابت دليلي الغاضريه
       سعيد العكيلي

2024/1/1/يوم الاثنين يناير
١٨جمادئ الآخره ١٤٤٥هجري

السلام عليك يبن الزهراء
يا مولاي ابو صالح عضم الله لكه
الجر

ابارك الكم في هاي السنه س2024
اتمنا من كل أعماقي ان تكون سنت خير وسعاده على جميع امة محمد ع
كلكم أصدقائي وخوتي وكلنا خطائين
إذا خطيت وي احد منكم ارجو سماح ولمعذره هذا الإنسان هوه مليأ بل خطأ
وبل نسبه لي انا مسامح الجميع في هاذهي الساعه
ان شاء الله طولت عماركم سعادتكم يا رب العالمين
عرف مو وقتها هسه رساله بعد كم ساعه لاكن ضروف العمل تحرمني
من ان دزها بوقتها لمطلوب
سعيد العكيلي

ام البنين تنادي هل يوم اريد اولادي
مشتاكه الكم يا يمه
مشتاكه الكم يا يمه
طبع كل حرمه من يلفيه ملك الموت وتوصي بوصيته
يكوم الي تلولي عليه ويحبه على شفته
وترتاح بنعشه تروح والده وياه دفنته
شمحلات الجنازه تكول كون اولادي شالته
ضليت انوح الوحدي ودموعي جوت خدي
مشتاكه ليكم يا يمه
مشتاكه ليكم يا يمه

ما نامن ولولي بليلي ما ارتاح
وتعبانه اعله والدي اسوايت الفلاح
يتعنه الزرع وي طلعت المصباح
وانه زرعي نحصد وبصدره كومه ارماح
بصوركم اشبع عيني *خلصانه كل اسنيني
مشتاكه اليكم يا يمه
مشتاكه اليكم يا يمه

رك حيلي وتعب من شاهدته ام عون
مسبيه اختكم يمه ما تدرون
يبو فاضل اعاتب يمه يا مزيون
ترضه بنعش اخيتك غربه من يحدون
ورقيه ماتت بل شام *وسكنه بخرابات تنام
مشتاكه الكم يا يمه
مشتاكه الكم يا يمه

شسولف ويه روحي باخر الانفاس
تمنيت بدفنتي يحضر العباس
شحاجيك وكلك عدي يبني حساس
تعال بجفك وسدلي يمه الراس

اصفن وصد لحروفك *وكطعوه يمه جفوفك
مشتاكه الكم يا يمه
مشتاكه الكم يا يمه

العبد سعيد العيكلي

ام البنين ع

بفراشي اون وتنخاك
يوليدي طول فركاك
عباسي وينك يا يمه
امك وحلفك بل ماي
تلفيني يا ضي عيناي
عباسي وينك يا يمه

====

بقالي اخر نفس وينك يراعي الجود
من نشوفنك ييمه انفاسي كلها تعود
ترضاها النعش بين الغرب ممدود
بغيابك تراها ايامي صارت سود

خلصت ييمه الايام
ما ضنه يكمل هل عام
عباسي وينك يا يمه
وعيوني دوم عله الباب
تتريه جيت الاحباب
عباسي وينك يا يمه

====

تعال وخني اشوفك يا نضر عيناي
طفيت وضلمه صارت يا كمر دنياي
عطشانه عله شوفك يمه مو للماي
السهم من صاب عينك يبني صاب جلاي

عبد الله وياك وعون
بنعشي ريدن يمشون
عباسي وينك يا يمه
تغمضلي عيني بيمناك
امك انه وضي عيناك
عباسي وينك يا يمه

===
لطول عليه وروحي تعبانه
ومثل موج البحر يا دمعي جروانه
اضنك لو شفتني تكلي موش انه
تره لورده لعفتها هوايه ذبلانه

ذبلانه يا يمه عليك
يفززني لو مر طاريك
عباسي وينك يا يمه
عطرك يرد بيه الروح
وبكلبي ما تبقه جروح
عباسي وينك يا يمه

===

انه امك وتعبت جا وينه حك رباي
اريدنك تطب وصد الحد وياي
انه افديك بمهجتي ويسرتي ويمناي
ولون عينك تئلمك هاك اخذ عيناي

طافي النضر من العين
ومكطعات الجفين
عباسي وينك يا يمه
وبعمد مضروب الراس
ما صدك انته العباس
عباسي وينك يا يمه

===
اقره الفاتحه بسمي يبو النخوه
بلكي من ألم ارتاح وتكوه
كضيته العمر يوليدي اتلوه
ما بيه انه امشي ومشيي بل كوه

من امشي اطيح عله الكاع
تلفيني يا ريت بساع
عباسي وينك يا يمه
ما تحله عيشه بلياك
خذني ارده روحن وياك
عباسي وينك يا يمه

===

الشاعر سعيد العكيلي

2023\1\14\
يوم السبت
يناير

ع طور قصیدت محمد الحلفي

قصيده بحق السيده زينب ع
تخاطب السيده الزهراء ع

كضيت اسنيني دمعتي بعيني
.......وعاين وينج .......
نمرد دلالي يراحت بالي
.........اون وشكيلج........

=/=/=/(1)
يمه شحجيلج زماني شسوه بيه
هم ترد ايامنه ونكعد سويه
رحتي يا يمه وبقيت اصفك بديه
انه مشتاكتلج بهاي المسيه

جثيره همومي * وخاف بنومي
............افز ونعالج ..........
الكلب ما نايم *ودليلي الهايم
...........وريد رسومج.........

=/=/=/(2)

يمه دلالي انكسر من فاركيتج
الله ينساني اذا لحضه نسيتج
يمه حيل اشتاكلج هل عاتبيتج
والله ضلمه ديارنه وحشه ثنيتج

...ادور وينجولا ناسينج........
.......يماي عيوني.........
عله ضيمي وحاليالصخر ونالي
......وكف يردوني .......

=/=/=/=/=/(3)
اني اعاتب يل حنينه وطال العتاب
ونتظر يمته تجيني وعيني عل الباب
شالو وما ودعونه بساع الاحباب
وداعتج من كد عتابي شاب الاتراب

زغيره وراسيانترس بحساسي
........وعشت بحلامي.........
انتضر ما جاني خبر سراني
.......كضيت ايامي......

=/=/=/=(4)
يمه لو ما شوف شخصج تعمه العيون
الرفارك عزاز على كلبه يصير اشلون
صدك سفرتكم طويله وما ترجعون
والله مضلم يل حنينه خلافج الكون

اون بليلي وتهدم حيلي
.......ودمع بعيوني......
الدمع صبيتهولا خليته
.....يجرح جفوني .......

=/=/=/(5)
تفاركينه يل حنينه وصار الغروب
يمه تدري اليل وحشه وكلبي متعوب
من طبعه بليل سكته تحن الكلوب
والله من وني الونه يشيب يعقوب

فكتج وينج وعلي مضيعينج
.......ينور اسنيني .........
ليحن الحبابهيطول عتابه
......وهم ناسيني .......

=/=/=/(6)

هيه مو سهله على كلبي هواي الايام
يمه مو جنه بزغرنه بحضنج نام
رحتي ضلت ذكرياتج مثل الاحلام
صدكي جسمي نحيل صاير من الالام

نحيله وروحي التهت بجروحي
......على فدك الغالي .......
اون الحالي وبعد مرسالي
.........ولا ردالي.......
=/=/=/

2021/11/1/الاثنين
الشاعر سعيد العكيلي

مولاتي زينب بعد رحيل زهراء ع

بحر الحزن بس انه طريته
وبس يمك علي بويه طريته
جدار الكعبه يا حيدر طريته
تطر گبر ام حسن وتردهأ اليه

الشاعر سعيد العكيلي