“Янги Ўзбекистон армияси – мамлакат таянчи, халқимиз фахри!” шиори остида Ўзбекистон Қуролли Кучлари ташкил этилганининг 33-йиллиги ва Ватан ҳимоячилари куни муносабати билан байрам тадбири ташкил этилди.

Ушбу тадбирда туман ҳокимлиги, Шарқий ҳарбий округ ҳарбийлари ҳамда округ фахрийлар ва нуронийлар Кенгаши аъзолари, туман мудофаа ишлари бўлими, жамоаси, байналминал жангчи фахрийлар ва бағдодлик 2 минг нафарга яқин ёшлар қатнашди.  

Тадбир аввалида фахрий қоровуллар бошчилигида байрам қатнашчилари ҳарбийча юришни амалга оширдилар. Шундан сўнг, "Ёшлар ҳиёбони" майдончасида Мудофаа ҳодимлари ва туман ҳокимлигидан вакиллар сўзга чиқиб, йиғилганларни кириб келаётган байрам билан қутлаб, тантанали байрам тадбирини очиб бердилар.

Тадбир давомида Ҳарбий оркестр томонидан ижро этилган турли йўналишдаги мусиқалар ва жанговор  фахрий қоровулнинг саф чиқишлари барчада катта таассурот қолдирди. "Мангуберди издошлари" НТМ ўқувчи-ёшларининг кўргазмали чиқишларини, ватан посбонларининг чиқишларини барча олқишлар билан қарши олди.

Айтиш жоизки, мазкур тадбирлар энг аввало, ёшларни ҳарбий-ватанпарварлик руҳида тарбиялаш, уларда юртга муҳаббат ва дахлдорлик ҳиссини ошириш, миллий ғурурни мустаҳкамлашга хизмат қилади.

“Янги Ўзбекистон армияси – мамлакат таянчи, халқимиз фахри!”

Бағдод тумани ҳокимлиги Ахборот хизмати

**🎬*🎬🎬

Bagʻdod shaharchasidagi "Yoshlar xiyoboni" da yangi yil archasi oʻrnatilmoqda. Lavha "Vodiy" telekanalida efirga uzatildi.*
https://t.me/bagdodim_news