فراشــةٌ جئت أُلقـي كُحل أجنحتي ??.

إن ڪنتِ لاتريديـن إرسال نفسك
فَـ أرسلي لي الطمـأنينـة الخاصـة التـي ڪانت بينـنا .♥️

‏يعزُّ عَليّ أن أصُد بِقلبي، لأنّني أعرفُ جديّتي إذا فعلت ♥️.

توجيهّات قِـيسۜ ?.

مرحبا . ڪيفك ؟
خبرتك ان يوم الي ودعتيني فيه وداع بارد مع عدم تصديق ڪلام قلبي وأحساسه بتغيرك لحد الآن مٰ ڪنت أعرف السبب خبرتيني ليلتا أن فراقنا أنسب. أنسب لشو دخلك ؟
م حڪيت شي عبرت عن صدمتي بالسڪوت متل ڪل مرة خبرتك ان فقت الصبح نسيانك وعديت الموضوع بسهولة هو صح ومش صح .
بالنسبة لـ الصح قلبي أعانه عهالشي عقلي الي صار ياخد وقت بڪلشي حتىٰ أحيانًا بصفن ربع ساعة ت فڪر ڪيف بدي الشاي تقيل خفيف حلو وسط
مٰ خلاني أنسىٰ بالمعنىٰ الحرفي بس خلاني اتعايش لأن عقلي حرفيًا صار معوّد ع الفِراق او خيبة أو خُذلان ومتوقع أي شي من أي حدا
أما الي مش صح . بعد مٰ نمت ليلتّها وعيت ع ألم فظيع بـمعدتي إجا العيد م عيدت متل ڪل مرة ڪشّت نفسي عن ڪل شي
وصَاحب هالوجع ڪل مٰ باڪل بنوجع ڪل مٰ أشرب أنوجع ڪل مٰ أتذڪرك أنوجع.
ضليت فترة ع مسڪنات وع زهورات إمي معاش فييّ أتحمل رحت ع دڪتور مُحترم وأنيق متل هول توع الأفلام إلي ڪنا نتفرجن سوا
خبرته عن حالتي وعن الألم الغير مُنقطع .
بعد الڪشف شخص حالتي بـ متلازمة ''IBS'' أو القولون العصبي.
تاري وجع القلب ولا شي حد وجع المعّدة .
خبرني ان تحتاج متلازمة IBS لعلاج طويل المدىٰ، حيث إنها حالة مرَضية مزمنة.
فورا صفنت وعرفت ان عندي متلازمتك . أي إنتِ
حُبك . . ونطرتك ڪل يوم عشيِّة وسهراتك وصورك والمحادثات الي مخبيّة
و عيونك وتفاصيلك . .
قولك هول بِـينْتسو ؟
م نسيتك ولا نسيت أي تفصيلة عنك أو فيكِ
بس يَعزُ عليَّ أن أُغلق بابًا طالما تمنيت أن يظل مفتوحًا لڪنّي تأذيت . .
مع هيك صعب أنسىٰ .
حـٰبقىٰ عبارة عن عقد مُتشابڪة وإڪتأب وقصص ونص بالماضي ونص بالحاضر بعدني أضحك وأمزح وحاول عيش طبيعي بس المشڪلة هي القعدة لحالي والشردات الڪتيرة ولما ڪون مش لوحدي نفس الشي مٰ ڪتير تفرق لان مشاڪل وخناقات وتبريرات مش لازمة نهيت ڪتير علاقات معاش حب أعرف حد ولا حب ايَّ حدن
يعرفني أو يتذڪرني.
وحصيلة ڪل هاد أدراك غير مسبوق وبسبب الأدراك هاد سڪرت ڪتير بواب منن بِّابِك لأن معاش طَّلع حُب وحنيّة صار يطَلع خيبات وآذية وألم وجع معّدة بعرف مش قصدك تأذيني بس إنتِ معاش بدك الباب يضّل مفتوح . .
مٰ في فرق ڪبير بس ڪل أشي أله لحظة أدراك
و أدرڪتك مفارقة ومبعدة وماشية بطريق غير طريقي ومٰ عم تلتفتي وراكِ لودعك ع قليلة.
مع إني مٰ بحب الوداع مشان مٰ اتآمل عيونك وتدمع عيوني وبعد مٰ تمشي ينولد آمل إني شوفك يومًا ما متل مٰ قالت جوليا بطرس :
علىٰ رغم الجو المشحون ومطرح مٰ عيونك بتڪون . . بحلم شوفك يومًا ما .
- قِـيسۜ ?.

يَعز عليّ أن تتغيّر مڪانتك
دون أن يڪون لي أي حيلة في إستعادتك .
دون أن أشعر بتحسّر على خسارتك حتىٰ ?.

مطرح م ساڪِن بالبوار الدخلة ع شقتي
في مرر درج معبىٰ ورد .
وڪان ترتيب يومي من أولوياتي بوعىٰ الصبح بصلي والصلاة مش بس فرض رباني بل عبارة عن حُبّ رباني . بهرب ع الصلاة بعد ڪل نطرّة وڪسرة.
بعد الصلاة بنطلّق باحثا عن الآمل في نهاري برجع العصريات بتفرج ع جورج خباز وبصلّي طبعًا بلڪي الله يبعتك مثلا وبطلع لأول الدرج، ع حرف الطرّيق بسمع غنّية لجورج وسوف وبنطّر صراحة مش عارف شو بنطّر بتفرج ع سيارة الرايحة وع السيارة الجّاية .
مرات بيجي شب أسمراني شغال دلفري، بصّف الموتور ع حرّف الزفت بشيل الخوذة وبفوت بوصلّ الطلبية مبسوط بيطلّع مرات مزعوج وقت بيطلع مزعوج بڪون صاحب الorder مٰ عطاه بقشيش
أنا ڪمان ڪل يوم الصبح بطلع من لبيت مزعوج مش لأن الحياة م عطتني بقشيش لأن إنتِ مش بلبيت، البيت فاضي تلفوني مٰ برن نادرا الا اذا ڪانت شي channel ع تيليجرام مش Miot او صاحبي عم يبعت ريلز.
زمان بضيعتي ڪمان ڪنت أنطّر. بنطّر الباص الي ينزل من اليمڪرو والي بيطلع فيه بفڪر شو قصصن لوين رايح ومستعجل وموتر.
وليه نازلة ومدايقة معقول حابة أو مخذولة ؟؟
ڪنت دائما بطّلَع ع آخر الطريّق يمڪن ڪنت ناطرك !
مرّة بعتتني إمي جبلّها ظرف قهوة عندا رفيقّتها ومقطوعة مش حلوة القعطعة
المّهم طلعت من البيت بعد حبس انفرادي نهارين ڪرمال الدراسة
لقيت ولاد الحارة بالمعلب عم يلعبّو فوتبول للأمانة هو م ڪان ملعّب ڪان عبارة عن حجرين ڪ مرمىٰ الهدف
ظرف القهّوة معي ضلّيت العب ت خلصت هون تذڪرت إمي وظرّف القهوة صرت فڪر شو ح تعمل فييّ وانا راجع ع بيت خطوة لقدام وعشرة لورا خيفان وحست أن اليوم نهاية العالم . .
وصلت ع بيت حڪتلي إمي وينك لهلق ؟
خبرتا بقصص واخترع قصص انجأ الڪلمة عم تطلع مني أطلعت بعيوني لثانيتين خلتني خبرت ڪلشي حتىٰ خبرتا بالراديو ان انا الي ڪسرتو ڪل يوم الصبح بتشرب قهوتا وهي بتسمع فيروز عليه .
م عملت شتي عبطتني وخبترني ان البشر مش ملائڪة وانو عادي اذا غلطنا بس م نعيدا ولا نڪرر الغلطة بل نحاول نصلحها وخبرتني أنها مش زعلانة مني لأن لقيت آخر طبخّة قهوة قالتلي قيس أنا صرت إعتمد عليك ولازم تڪون واعي لا تخلي الأيام توعيك أنت حاول تفهم ڪلشي وتوعىٰ ع ڪلشي.
إمي رغم الأشيا الي عملتا وزعلتا وعصبتا وعملتلا مشاڪل وبڪل مرة خفت أن تعملي قتلة او تعاقبني ع شي عملتو بس ولا مرة حاولت أنها تضربني ڪانت تعاتبني وتعلمني بس م لحقت اوعىٰ بلشت الحياة تعلمني درس من هون وحيرة من هون وشوية أڪتئاب مع شوية وجع معدّة مزمن، مش مشڪل صرت معوّد
لهلق بڪل نطرّة وڪل مغصة سواء ڪانت من المعّدة او من الناس عبوعىٰ .
هلق برجع ع بيت بعد مٰ تعتم العين خطوة لقدام وعشرة لورا
بس هالمرة مش خيفان لأن تأخرت ع أمي بـظرف القهوة
بس خيفان أنا دير ضهري من هون وأنتِ تمرقي ومٰ أءئْشعّك .
إمي م طولّت زعلتا مع رفيقتها
نحن طولّنا ڪتير بس أنتِ فليتي يمڪن مش لازم ترجعي، متل مٰ قالت فيروز اللي بروح مش لازم يرجع.
شو رأيك تجي نقعد ع اول الدرج ومننطرك سوا
مش أزمة اذا مٰ جيتي، قيس مجون ليلىٰ ضل ناطر ليلىٰ لوقت وافته المنية.
يمڪن التاريخ ح يعيد نفسه معي. بس مش خيفان ينعاد لاني مش قيس مجنون ليلىٰ ولا إنتِ العٰامرّية . .
اول مٰ رجعت ع بوار في ڪتير تغيرات صارت بس أول شي أنتبهت عليه أن الشب الأسمراني مش مبين وينه يعمي وألا بخبروني انه تزّوج ورجع ع وطنه .
هون عرفت ليه ڪان يزعّل لما م ياخد بقشيش تاري عم يجمع مهر حبيبته .
معقول نفس زعلّي لما اطلع من البيت وانتِ لهلق مش فيه معقول لان مٰ عم تعبطّيني ڪل يوم ؟
مش أزمة بلا غمرة وجهّك بڪفي بس ڪمان بعيد . .
''غَريب عاشِقك حتىٰ وإنتِ مش هِنا . . أنا لسىٰ باقي عَـ الي بينا صُورنَّا لسىٰ أدلِنا''

- قِـيسۜ.