#Shayırlar_dóretpelerinen

Aqmańǵıt

Tóktiń tawı sawlat dúzep batısqa,
Úles qosıp turǵanday mol tabısqa,
Barsaq dáryalıqqa ullı jaǵısqa,
Sıńsıǵan toǵayǵa baysań Aqmańǵıt.

Ber jaǵı egislik arjaǵı Qıran,
Xalqımdı jeńiske baslap tur Zaman,
Tártip intizamǵa shaqırsa Nızam,
Ádep ikramlı jaysań Aqmańǵıt.

Saǵan tiykar salǵan Edige babam,
Mártlik islerine qayıl hár adam,
Bárshege jarasıq mustaqıl zaman,
Abıroy-ataqta zorsań Aqmańǵıt.

Dástúrxandı bezep turǵan daqılı,
Juldızlarǵa shekem jetken aqılı,
Xalıqları bar maqtanıwǵa haqılı,
Sonday mártler maydanısań Aqmańǵıt.

Hár shańaraqqa barsań tolı dástúrxan,
Puwın burqıratıp palaw astırǵan,
Miymanlardıń mudam kewlin tastırǵan,
Qonaqshıl hám ashıq qollı Aqmańǵıt.

Miywe berip Allaniyazdıń baǵları,
Tólepbergen aǵanıń jazǵan tomları,
Pútkil jáhán boylap ismiń jańladı,
Qos qaharman elatısań Aqmańǵıt.

Jubatqan Begimov

Aǵza bolıń:
t.me/manawiyatliawlad