{ وَنَضَعُ ٱلۡمَوَ ٰ⁠زِینَ ٱلۡقِسۡطَ لِیَوۡمِ ٱلۡقِیَـٰمَةِ فَلَا تُظۡلَمُ نَفۡسࣱ شَیۡـࣰٔاۖ وَإِن كَانَ مِثۡقَالَ حَبَّةࣲ مِّنۡ خَرۡدَلٍ أَتَیۡنَا بِهَاۗ وَكَفَىٰ بِنَا حَـٰسِبِینَ }
[سُورَةُ الأَنبِيَاءِ: ٤٧]

هەندێك تەرازوو هەیە لە دونیادا
کە ئینسان دروستی کردووە
زۆر وردبین و سەرسوڕهێنەرە
ئەی دەبێت تەرازووی خوای گەورە چۆن بێت؟

بۆیە ئەوە بزانە لەم ژیانە چی دەکەیت
یان بۆ تۆیە
یان لەسەر تۆیە

#ئاگاداربە
چی دەڵێی
چی دەکەیت
هەمووی دێتەوە ڕێت
لە چاکە یان خراپە

#تدبرات_القرآنية

#وتراوە:

زۆربەی سزای خوای گەورە بۆ ئوممەتەکان لە کاتی دەوڵەمەندییان بووە
نەك لە کاتی هەژاری و برسێتی
بۆیە #بیربکەرەوە

لە هەر کاروبارێکی ئەم دونیایە سەرکەوتوو بوویت
دینی بێت یان دونیایی ..

لە هەر بوارێك بوو:
- لە دەعوە و بانگەوازکردنت بۆلای خوای گەورە
- لە سۆشیاڵ میدیا بێت
- کەناڵێکت هەبێت و کەسانێکی زیاتر سەیری بڵاوکراوەکانی تۆ بکەن ..

- لە کاروکەسابەت...
- کڕینی شتێك .. یان فرۆشتنی ..
- ژیانی زەواج ..
- یان منداڵەکەت باش بوو ..
- سەرکەوتوو بوویت لە خوێندن..
- یان .....

هیچ شتێك مەدە پاڵ خۆت و شانازیی بە خۆتەوە مەکە ..

ئەوەت لە بیر نەچێت هەمووی بە دەستی خوای گەورەیە ..
ئەوەتا پێغەمبەر شوعەیب (سەلامی خوای لێبێت) فەرموویەتی: ﴿وَمَا تَوْفِيقِي إِلَّا بِاللَّهِ﴾ [هود: ٨٨].

#تدبرات_القرآنية

ئایە دەزانیت گەورەترین بەڵاو موسیبەت چی یە؟

وا گومان نابەم بەڵایەك هەبێت لەمە گەورەتر:
- کەسێك نییە دەوڵەمەند بێت و هەژار بکەوێت.
- کەسێك نییە لەشساغ بێت و نەخۆش بکەوێت.
- وە کەسێك نییە منداڵی ببێت و بمرێت.

بەڵکو گەورەترین موسیبەت - لە پاش موسیبەتی دین (یەعنی ئەو کەسە دینەکەی لە دەست بدات -وەرگێڕ-)- خوای گەورە منداڵی بداتێ، هەوڵی لەگەڵ بدات و یارمەتی بدات و خزمەتی بکات و هەوڵی چاکبوونی بدات و پەروەردەی بکات، پارەی بداتێ و کاتی بۆ دابین بکات
تاوەکو منداڵێکی صاڵح دەرچێت و دڵی خۆش بکات، وە ئاواتەکان و ئومێدە گەورەکانی بێنێتە دی، وە بەو پەروەردەکردنە هیواداربێت بەرهەمی هەوڵ و ماندووبوونەکەی ببینێتەوە بەوەی گوێڕایەڵی خوای گەورە بێت و چاکەکاربێت بەرامبەر دایك و باوکی، یارمەتی بدات و پێداویستییەکانی بۆ جێبەجێ بکات و یارمەتی خوشك براکانی بدات و پشتگیریان بکات.

بەڵام لەپاش چەند ساڵێك کە ئەو ئومێدانەت هەبووە، و ئەو ماڵ و کاتانەت بۆ تەرخان کردبوو:
بەو شێوەیە دەرنەچێت، و ببێتە گرێیەك و خەفەتێك لە قوڕگتدا، وە تووشی چەندین کێشە ببیت بەهۆی ئەوەوە،
وە خەفەتبار و بێتاقەت ببیت بەهۆی درەنگ هاتنەوەی و نەشزانیت لەکەڵ کێدایە، وە هاوڕێیەتی کەسانی خراپ بکات،
وە بکەوێتە ناو تاوان و جگەرە بکێشێت،
قورئان نەخوێنێت و گوێ لە مۆسیقا بگرێت، و لە شوێنە خراپەکان و قاوە خانە خەریکی کات بەسەربردن بێت، و نوێژ نەکات، و ئەخلاق و ڕەوشتی خراپ بێت، و خراپ بێت بۆ دایك و باوکی و کەسێکی درۆزن بێت.

سوێند بەخوا نازانم موسیبەتێك هەبێت لەوە گەورەتر بێت، وە نازانم تاقیکردنەوەیەك هەبێت لەوە سەختتربێت.

پیاوێك تەلەفۆنی بۆ کردم و گلەیی لەو ناڕەحەتی و ئازارە دەکرد لە ماوەی زیاتر لە دوو ساڵی زینداندا ڕووبەڕووی بووەتەوە، وەکو ئەوەی توشی گەورەترین موسیبەت بوبێت.

پێم وت: کوڕت هەیە؟
وتی: بەڵێ.
وتم: تەمەنی چەندە؟
وتی: دە ساڵ.
وتم: چۆن بویتە لەگەڵی؟
وتی: هەوڵێکی زۆرم داوە بۆ ئەوەی بەختەوەر بژێت.
وتم: لە بەندینخانە بیت یان خراپبوونی منداڵەکەت کامیان سوکترە لەلات؟
دەست بەجێ و بە کاریگەرییەوە وتی: بەڵکو سجنەکەم زۆر پێ سوکترە.

بۆیە ئەی منداڵ: ئایە دڵت نییە؟
ئایە عەقڵت نییە؟
ئایە هەستت نییە؟
ئایە دڵی ئەو دایك و باوکەت دەڕەنجێنی و ئازاریان دەدەیت لە کاتێکدا ئەو تۆی بەخێو کرد و فێری کردیت و خواردنی بۆت ئامادە کرد و شوێنی بۆت دابین کرد؟
ئایە دڵیان دەشکێنیت کە ئەوان هۆکاری بوونی تۆن لەم دونیایە؟
ئایە نازانیت عقوبە و سزای ئەو کەسەی ئازاری دایك و باوکی دەدات لە دونیا وەری دەگرێت پێش قیامەت؟

بۆیە بگەڕێرەوە بۆلای خوای گەورە و چاکبە لەگەڵ دایك و باوكت پێش ئەوەی ژیان بەجێ بێڵیت.

خوایە ڕەحم بە دایك و باوکان بکەیت کە هەوڵی باشکردنی منداڵەکانیان داوە بەڵام بە قودرەتی تۆ - کە حیکمەتی گەورەی تۆی تیایە ئەی خوای گەورە - گومڕابوون.

خوایە ئەو دڵە شکاوەیان چاك بکەیتەوە،
وە پاداشتیان لە دونیا و دواڕۆژدا بۆیان زیاد بکە،
وە زوو منداڵەکانیان بۆ چاك بکە، چونکە جگە لە تۆ کەس نییە بتوانێت هیدایەتیان بدات.

✍ الشيخ: #أحمد_الطيار
✍ وەرگێڕانی: هشام لطیف بەرزنجی

١٥ جمادي الثاني ١٤٤٦ کۆچی
٢٠٢٤/١٢/١٦ لە دایك بوون - دوو شەممە

چیت ئامادەکردووە بۆ ئەو ڕۆژە!؟

هەوڵبدە کردەوەی باش ئەنجام بدەیت
پێش ئەوەی ڕۆژێك بێت نەتوانی کردەوەی باشی تێدا ئەنجام بدەیت
شتێك بکەوێتە نێوان تۆ و کردەوەی باش
ئیتر بە نەخۆشی بێت یان مردن ..

#مردن

#دەنگی_قورئان
#دیمەنی_جوان

کاتێك لە سوریا کەسێکیان دەگرت و سجنیان دەکرد و سزایان دەدا پێیان دەوت یان بەو کەسەیان دەوت بڵێ: يسقط ربك ولا يسقط الأسد
پەروەردگار دەڕوخێت (پەنا بەخوا لەو قسەیە) بەڵام ئەسەد ناڕوخێت
ئەوە شیعار و دروشمیان بوو

بەڵام ئەوە دەسەڵاتی خوای گەورەیە ...

ئەسەد ڕوخا
خوای گەورە مایەوە و هەر دەمێنێت..

کێی بوێت دەیڕوخێنێت...
کێی بوێت بەرزی دەکاتەوە...

قال تعالى:  ﴿ قُلِ ٱللَّهُمَّ مَـٰلِكَ ٱلۡمُلۡكِ تُؤۡتِی ٱلۡمُلۡكَ مَن تَشَاۤءُ وَتَنزِعُ ٱلۡمُلۡكَ مِمَّن تَشَاۤءُ وَتُعِزُّ مَن تَشَاۤءُ وَتُذِلُّ مَن تَشَاۤءُۖ بِیَدِكَ ٱلۡخَیۡرُۖ إِنَّكَ عَلَىٰ كُلِّ شَیۡءࣲ قَدِیرࣱ ﴾
[سُورَةُ آلِ عِمۡرَانَ: ٢٦].

وقال تعالى: ﴿ فَتَعَـٰلَى ٱللَّهُ ٱلۡمَلِكُ ٱلۡحَقُّۖ لَاۤ إِلَـٰهَ إِلَّا هُوَ رَبُّ ٱلۡعَرۡشِ ٱلۡكَرِیمِ ﴾
[سُورَةُ المُؤۡمِنُونَ: ١١٦].

وقال تعالى: ﴿ سُبۡحَـٰنَهُۥ وَتَعَـٰلَىٰ عَمَّا یَقُولُونَ عُلُوࣰّا كَبِیرࣰا ﴾
[سُورَةُ الإِسۡرَاءِ: ٤٣]

وقال تعالى: ﴿ لِّمَنِ ٱلۡمُلۡكُ ٱلۡیَوۡمَۖ لِلَّهِ ٱلۡوَ ٰ⁠حِدِ ٱلۡقَهَّارِ ﴾
[سُورَةُ غَافِرٍ: ١٦]

وقال تعالى: ﴿ إِنَّا نَحۡنُ نَرِثُ ٱلۡأَرۡضَ وَمَنۡ عَلَیۡهَا وَإِلَیۡنَا یُرۡجَعُونَ ﴾
[سُورَةُ مَرۡيَمَ: ٤٠]

ڕاستترین وتە وتەی خوای تاك و تەنها بە حەق شایستەی پەرستنە

ئایە ئەمە جێگای دەرس وەرگرتن نییە
بۆ هەموومان
بۆ ئەو کەسەی ستەمی لێ دەکرێت
ئەگەر ستەمکار هەرچەند بە توانا بێت و ...
ئایە ڕۆژێك نایات لەناو بچێت ...!!!؟؟

✍ هشام لطيف بەرزنجی
٧ جمادي الثاني ١٤٤٦
٢٠٢٤/١٢/٨ - یەك شەممە

ئەوەی بە دوای دونیا بکەوێت و دونیا هەڵبژێرێت

تەمەنی کورتە

زۆر بیر دەکاتەوە

زەرەری لێ دەدات و سوودی پێ ناگەیەنێت.

📚 الكناشة، لاپەڕە (٢٧٨).

#سوودەکان

🔹 چوار هەنگاو هەیە بۆ ڕەواندنەوەی هەموو دودڵی یەك لە هەموو بابەتێکدا:

١- نوێژی استخارة و دوعا کردن.
٢- ڕاوێژکردن بە کەسی باش و شارەزا لەو بوارە.
٣- ویستن و سووربوون.
٤- پشت بەستن بە خوای گەورە.

📚 الكناشة، لاپەڕە (١٥٦).
#سوودەکان