لم يعُد يليق بهذه البيئة وصف الحاضنة
هذه بيئة صانعة، ملتحمة، مشتـبكة
حتى آخر نفس.

وها قد حرر الجنوب الوطن كلّه من جديد..!

كان يومًا كامًلا،
ينقصه فقط عمامة سوداء، سُبابة مرفوعة، وسنّ تلمع من ثغرٍ باسم.

كباحث في الفن وعلوم الفنّ ومتخصّص بمجال السينما، درسنا إنه ممكن الفيلم اوقات يحتوي نمط او نمطين او أكتر شي ٣ أنماط ..
‏Action ,Comedy ,Drama,Fantasy,Horror), Mystery, Romance,Thriller ...)
هودي اللي وصلت لهم هاليوود لما صنَفت أنواع
ال “film genre”

هيدا عم نحكي عن فيلم كامل بين ستاندرد ساعة ونص إلى ساعتين..
أحمد ويوسف علّمونا اليوم شي إضافي بعد مش واصلين إلو بهاليوود وباليوود وغيرها..
علّمني إنه ممكن فيلم قصير من 6 دقائق و 50 ثانية يكون في أكثر من ١٠ أنماط
إي والله
أنا لما إحضر وشوف في الرعب والدراما والموسيقى والوثائقي والمغامرة والخيال والرومانس والحرب كلهن مجتمعين ، ساعتها أنه بسجد لله من دون ما حس وبشكر الله إنا كنا عايشين مع ملائكة ، خلصوا مهمتهن عالأرض .. وصلونا لبرّ الأمان، ورجعوا عالسما

درامي لما أحمد عم يصوّر النفير "المتواضع" ببعض الأغراض، الترويقة الساعة ٨:٣٠ بعلبتين جبنة وربطة خبز لقوها حد "الكلاب والبساس" بقوم بقاطعه يوسف، وين متواضع؟! خير الله ليك في اونيكا..
بيرجع بخبرو انه في بعد دعم خير الله.. في جوز ولوز!
بس المشكلة ما في شاي!
كانوا مشتهيين الشاي الشباب!
بوقت كنا نحنا عم ناكل لحم وجبن وشاي وقهوة ورواق
بوقت كان في ناس عم تسرق إعاشات وتخبيها (لياخدوها معهم عالقبر..)
بوقت كان في دول عم تشعر فينا وتبعت مواد فاسدة منتهية صلاحيتها
بوقت… أو بلاها..

فجأة فتنا عالمغامرة، بوقت كانت المسيّرات ما عم تفارق، صوتها مزعج ليلي بدو ينام حتّى، كان الحربي ما عم يفارق، كان القصف شغّال، كان في 70000 جندي عم يتقدموا بالبر لياخدوا جنوب الليطاني وشماله ويوصلوا لبيروت ويكملوا عالبقاع
بهالوقت كان أحمد ويوسف والمئات من رفاقهم بكل نفس مطمئنة، عم يطلع لحد الهاون، بهدوء، بإطمئنان، بثبات، بنفس ما ساكنها غير الله، وما بتخاف الا من الله، وايدين مجمّدين من البرد، دافيين بحرارة إيمان أصحابهم، عم يلّقموا، ويرموا.. ويا نفس بعد حفيد الحسين هوني..

خيالي : عنجد خيالي ، لأن صعب بالواقع الإنسان يتخايل هيك ظرف وهيك وضع وهيك ثبات وهيك عزيمة.. خطوط التواصل مقطوعة.. السيّ//د راح… عشرات القادة راحوا.. آلاف الجر///حى… آلاف الشهدا… معزولين عن العالم.. انت عارف انك بمكان بس يطلع منه قذيفة او صا///روخ رح تشتي عليك صورا///يخ
مش معروف اذا النفق اللي رح تلجأ الو رح يتحاصر رح يتفجر باللي فيه.. او رح تنزل عليه غارة تدفن اللي فيه وما حدا يعرف لا مين كان فيه ولا اذا تبقى معالم فيه..
بوقت انت مقطوع التواصل مع أهلك، مع أمك بيّك زوجتك خيّك اختك ولادك..
مش عارف فيه زوجتك بعدها عايشة او استشهدت.. مش عارف في بنتك عايشة او صارت أشلاء؟!
مش عارف أهلك وين؟!
بالضيعة؟! نزحوا؟ تهجروا؟!
وين هني؟! بلبنان؟! بالعراق؟! بإيران؟! بسوريا؟!

بوقت صار اللي كان بالغصب يلاقي مستأجر لبيته
صار يأجر بضعفين وتلاتة وأربعة مش شهور سلف
بوقت بيّن في الجوعان، وبيّن فيه الشبعان

مش مهم، مهم انت عارف تكليفك، وتكليفك صار تشخصيك، انت بين خيارين، بين انك تهرب وتتراجع وما حدا رح يعرف؟! او انك تبقى لحتى تشوف الله!

علمي تخيلي : لما تكون يا أحمد مهندس، قادر تشتري الدنيا بعلمك، قادر تسافر وتغيب وتبتكر وتصنع وتخترع وتحصل على براءات اختراع، تكون قاعد ورا مكتبك ولابس تقمك وكرافيت وعم تشرب اللاته وشارد بلابتوبك..
بس انت اخترت تاخدهم كلّهم معك عالنفق، عشت سنين بالنفق، بالمنشأة، انت ومحمد حسن فارس وعلى موسى وعلي حدرج وغيركم وغيركم.. اخترعتوا وطورتوا وصنعتوا وأعدتدم ما استطعتم من قوّة، وبعدها البستوا بدلاتكم وطلعتوا عالجبال والوديان والسهول والبيوت
حملتو العلم بقلبكم وأهديتونا ياه، ورسمتوا الخيال اللي ما بيتخايله العقل.. رسمتوا عجز ٧٠٠٠٠ مقاتل يقطعوا النهر وكنتوا القلّة..

علمي تخيّلي لأن ما قدر أي مُخرج بالعالم يقرّب لنا صورة الجنّة، ولا قدر الذكاء الاصطناعي يصوّرها لنا،
أحمد ويوسف قدروا.. اي قدروا

رعب: اي بس مش إلنا، ومش بمشهد خشن، الرعب لعدّو أحمد وعدوّنا، اللي بس يحضر هالمقطع رح يشوف فيه إبتسامة أحمد هو وعم يقرأ القرآن، بنفس هادية مطمئنة، نفس راضية منتظرة دورها،
هيدي الإبتسامة هي نصرنا اللي انتصرناه، اللي صعب نقدر نوصفه ويقبله المنطق والعقل
أحمد ترك لما هالمقطع ليساعدنا بس نحكي عن النّصر
ليرعب العدوّ ويذكَّرو، اي انتصرنا

بالموسيقى، كان صوتكم بالفيلم عم يعزف على أوتار قلبنا ، على أوتار دمّنا على أوتار عقلنا، على أوتار وجداننا وأحاسيسنا..على أوتار أرواحنا
لما كان كل شي بكاميراتك عم يصرخ ويعزف
لما الأرض والشجر والنفق والحجر والسما والنهر، اه من النهر وصوته..
لما ما عاد حمل روحك وروح يوسف وصرخ
لما قال نحنا ما عاد نسع لكم يااااا أحمد
صرخ الليطاني.. طفّي الكاميرا يا أحمد..

كلّ ليلةٍ يزداد وجعُ الهجرة في أجسادنا،
كأن أرواحنا تبحثُ عن طريقٍ للرحيل إليكم.

‏ليس بعمق القول وإنما بمكانة القائل.❤️‍?!

صدَقتَ وفَدَيتَنا
ويا ليتنا كُنّا فِداكَ..

لقد اتّسعت قلوبنا للحُزن؛
اتّسعت للفقد،
اتّسعت كثيرًا..
ولا زالت تتّسع..

إلّا أنَّ اتّساعها لَم يحوِ يومًا،
قدرَ فقدِك..

ضاقت قلوبنا حين وصل الأمرُ إليك؛
أربعونَ يومًا،
والحنين يسيلُ من عيوننا..

أربعون يومًا،
لا الحزنُ قَل،
والقلوب اتّسعت لمُصابنا فيك..

أربعون يومًا،
ولا زلنا نعضُّ على الجراح،
ونؤجِّلُ العزاء..

يا صاحب الأمر؛
ضاقت الصدور فينا..

تقبّل منّا قليلنا يا الله..
‏نحنُ الذينَ جِئناكَ بالدُّعاء
‏وهم جاؤوكَ بالأرواح..

وبالمرتبة الثانية يأتي رجال الله.. ?