تَعبان بس ما گلت
ظنيته گلبَك يحس
بَس فشّل ظنوني
ضميت حچيّ شكثر
شيفيد صافن عَلَيّ
ما فاهم عيوني !

و رغم كل الأجن منك
وصفت مرورتك حلوة
و كَسرتك كَسرة الخطار
لازم تنحسب فدوة
رد و شوف ..
كل ونة بحنايا الروح
تتبدلَّك بغنوة
( يَ سمعة خلافك شنسوه )
نذر لو بس گلت رديت
أحضرلك هلاهل كون
ما صارت بعرس اخوة !

ارسمك ع الهوى
وعلى الماي اكتبك
عين الباردة
شگد جاي احبك
وعين الباردة على عيونك السود
يالتهددني بيهن خاف ربك
وهاي حواجبك كتلتني خايب
لا تخزرني بيهن من تعاتب
انت انسان نقطة قوتك العين
واني انسان نقطة ضعفي حاجب
وشعرك مو شعر عادي، مصيبة !
چنة البحر الاسود والعجيبة
مرتين طلعت من حبل الاعدام
تاليها تموتني الگصيبة
وشنو هذا جمالك مالة رداد ؟
لا والمشكلة يحليك العناد
اشلع گلبي انت بصدري اخليك
شنو ببغداد گاعد ؟ انتَ بغداد

مثل كل يوم
ارد تعبان وشمر روحي بفراشي
ويلولي التعب واغفى..
مثل كل يوم اگول الدنيا ماتسوى..

https://www.instagram.com/reel/C-oaHQxoZjT/?igsh=MWlrcjdxenF4dGdvcg==

صَبري وعازتَي وجروَحي
والشَوغات وضمَيري وعَزتي
وهموَمي خلنَي اتحَدى البَرد
بالچله أفرجَ المَاي أذا أحس
الجسَر منَ أعبر يذلني .

‏أحچي بكُل برود وياك
وأحِس بكُل كُتر شَايط
وأصفُن على الصِور بالليّل
صفَنة حايط بحايط .

شِفت أيّأم صعِبه وحيَل مُرهَ
أيَ وأحد بعِد ميهمني أخسَره..

بس وحگك
باجر يعوفوك كلهم
وحدك ترجعلي ذابل !
باچر اثار الغرب هوسه على خصرك
اكثر من اثار بابل..

@ClOTRZBOT