العناوين:
هلأ صعب جيب كل العناوين لأنو في كتييير مراكز ألو بس فيكن تبحثوا عالفيس او عالنت معهد الثقافة الشعبية وتحطوا محافظتكم وبيطلعلكم أو تبحثوا عن المراكز الثقافية أو تنزلوا عالمركز الثقافي بمنطقتكم وتسألوه، او تتصلوا بالاستعلامات ب 147 بأوقات الدوام وتجيبوا منو رقم المعهد ومنو بتستفسروا كلشي بس رح أذكر أنا شويت مواقع:

#دمشق: في كذا مركز بالصالحية بشارع الشهداء ، وفي بالمزة فيلات غربية وبباب مصلى وبالعدي جنب صالة البشر وفي بالميدان وفي بضاحية الأسد وفي كذا مركز بالمحافظة والريف

#اللاذقية: الشيخ ضاهر-المركز الثقافي، وفي بجبلة بالمكز الثقافي العربي ويمكن في بالقرداحة

#طرطوس: بشارع الطلائع مقابل جامع الإمام حسين
وفي ببانياس وبصافيتا وفي كذا مركز

#حمص: في بحي الغطاسية مقابل دوار 94, وفي بالزهراء نقطة محارب الاحمد

#حماة: شارع العلمين جنب كلية الطب البيطري
وفي بمصياف وبكذا منطقة

#حلب: يمكن بالمركز الثقافي بالصاخور

طبعا وفي دورات مجانية بالأنروا ومعهد دمشق المتوسط إذا قريبين عليكم

#مبادرة_أهل_الشام:
خاصة بدرعا فيها دورات ضخمة ومتنوعة ومجانية 100% سواء إنكليزي أو حاسوب أو اسعافات اولية أو كهرباء وكتير شغلات وغالباً بيعطوك عدة بتخص شغلك إذا كانت شي دورة مهنية

#العنوان: شارع المؤسسة العسكرية القديمة جانب نقابة المحامين بداية حي السل للتواصل 0961109096
وفي بدرعا كمان بصمة شباب سورية، حي شمال الخط

وآخر شي #الدورات_الإلكترونية:
صار في كتير دورات إلكترونية مجانية سواء لغات او حاسوب أو غيرهن بنصح بموقعين وهنن

#إدارك: التسجيل فيه سهل كتير والقبول مضمون وفي شهادة
#كورسيرا: التسجيل فيه شوي لبكة بس بيقبلوك خلال أسبوع

هي بدها حديث تاني ورح كون معكم بتتمة لأنو البوست صار كتير طويل

وفيكن تسجلوا بأكتر من معهد سوا إذا متحمسين كتير ?
وبتمنى تستفادوا كتير منيح، وفيكن تتاغوا لرفقاتكن وتشاركوا البوست وإذا بدكن تنشروه ياريت تذكروا المصدر لأنو متعوب عليه كتير❤❤

#ضياء_ناصيف
Deaa Naseef

#بوست_مهم_كتير للإفادة مشان تستغلوا العطلة الصيفية ?❤

البوست طويل كتير لأنو فيه تفاصيل بس مفيد لكل الطلاب سواء كانوا بالمرحلة الجامعية أو متخرجين أو حتى اللي لسا ما دخلوا بالمرحلة الجامعية ?

البوست للأشخاص اللي حابين يسجلوا دورات مجانية أو شبه مجانية ومع مميزات كتيرة، في كتير منظمات ومراكز عم تعمل دورات مجانية مو بس هيك في بعضهم بيعطوكم بدل مواصلات (مثلاً ع كل جلسة شي 9000 ليرة) بالإضافة لضيافة بسكويت وشاي وقهوة، وفي منظمات بالإضافة لهدول بضيفوا أكل وفي مراكز برسوم شبه مجانية، وفيكن إذا ما بدكن تطلعوا من البيت تعملوا دورات عالنت??

رح بلش حكي عن كل اللي فوق وأحكيلكم عن أفضل الأماكن اللي ممكن تسجلوا فيها دورات مشان اللي حابب يستفيد ويسجل طبعا الحكي كلو عن رأي شخصي وبالاستعانة ببعض الأصدقاء يعني ممكن يكون فيه أخطاء بسيطة بس المضمون العام رح يكون صحيح ?

☝ أول شي #مراكز_تمكين_الشباب:
منتشر بكل سورية وبيعملوا دورات عن طريق برنامج الأمم المتحدة الإنمائي UNDP، بيعملوا دورات كتير مميزة متل تخليص جمركي ومراسلات تجارية وإدارة مكاتب ومحاسبة وICDL وغيرها من الدورات، والكادر والتعامل كتير حلو، والمدربين دائما بكونوا النخبة ?
المركز بيعطي شهادة معترف فيها دولياً بالإضافة بعد ما تخلص الدورة بيعطوكم بدل مواصلات (ما بعرف قدي بالظبط بس بحدود 9 آلاف لكل جلسة يمكن) وبالإضافة للتعامل الممتاز أثناء دورة من ضيافة (بسكويت وقهوة وشاي عحسب)

طيب كيف بدنا نسجل بالمركز؟
التسجيل بكون عن طريق زيارة المركز بأوقات الدوام الرسمي من الساعة 9 الصبح للساعة 2 والتسجيل دائما مفتوح، بتروح بتسجل اسمك وبتعبي استمارة وبتحط ٣ دورات حابب تسجل فيها وهنن بيتصلوا فيك ☎️

طيب وين العنوان؟

? #دمشق: مساكن برزه - طلعة مشفى حاميش (في كتير من الأوقات بس هادا المركز ما بيقبل إلا الخريجين أما باقي المراكز للكل)
? #حلب: شارع القوتلي ـ عبارة سينما حلب ـ فوق مكتب التشغيل ـ طابق رابع
? #اللاذقية: مبنى مديرية الشؤون الاجتماعية والعمل
? #طرطوس: مبنى مديرية الشؤون الاجتماعية والعمل
? #حماه: دوار العجزة - حي الأندلس - مبنى الشؤون لذوي الإعاقة الذهنية
? #الحسكة: مركز المدينة - شارع المالية مقابل مدرسة الجواهري - مبنى مديرية الشؤون الاجتماعية والعمل
? #السويداء: حي الخزانات - جانب المؤسسة العامة للمياه
? #دير_الزور: حي القصور - مبنى جمعية النهضة النسائية - مقابل مدرسة زكي الأرسوزي
? #حمص: يتم نشر الأنشطة عبر صفحة الفيسبوك التابعة لمركز تمكين الشباب
وبينشروا شوفي دورات عصفحتهم

✌ #مركز_الشباب_والمجتمع:
تابع لمنظمة المعهد الأوروبي للتعاون والتنمية IECD نفس اللي فوق بيعملوا دورات متنوعة ومع شهادة دولية، والتدريب والتعامل بكون على مستوى عالي، وبيعطوك بدل مواصلات وبضيفوك قهوة وشاي، بس في ميزة أنو بضيفوكن سندويش غالباً ?❤

وبيعمل بالإضتفة للدورات المهنية دورات لغة إنكليزية وخياطة وكهرباء ومهارات حياة وهالشغلات

طيب وين أماكن التسجيل بهالمركز؟
#دمشق: جرمانا-شارع الخضر-حارة صالة الوقف- مركز الشباب
وفي مركز بعدر العمالية
#اللاذقية: الرمل الجنوبي- مقابل مدرسة رعد وديع جديد
#حلب: دوار عمر ابو ريشة باتجاه دوار المحافظة
#دير_الزور: فيلات-خلف جامع الفتح
#السويداء: طريق القنوات شمال دوار الزنبقة
ما بعرف إذا في كمان بغير المحافظات ??

?#مراكز_مساراتي:
بتمويل من منظمة اليونيسف وبالتعاون مع وزارة الشؤون الاجتماعية والعمل، فتحوا 6 مراكز لمساراتي.
فيها دورات مجانية بمجال صيانة الحاسوب والكهرباء المنزلية وICDL وإنكليزي وطاقة بديلة وخياطة وللاستفسار فيكم تتصلوامن الأحد للخميس من الساعة 9 صباحاً حتى الساعة 2 :
مركز #حران_العواميد: 0981152911
مركز #مصياف جنب قصر العدل: 337710336
مركز #الوعر جانب الميتم الإسلامي: 0954275039
ريف #السويدء، مركز عريقة جانب الجامعة: 0991187039
مركز #طرطوس جانب الهلال الأحمر مقابل المعهد الصناعي: 0988017398
مركز #حلب بسليمان الحلبي خلف الإطفائية: 0969943525

✌✌ #معهد_الثقافة_الشعبية:
موجود بكل سورية وبأغلب المناطق وبيعمل دورات متنوعة ومنها: لغات إنكليزي، فرنسي، ألماني، روسي،عربي
فوتشوب، أوتوكاد، أمين، ICDL
خط، رسم، خياطة وببعض المراكز في تجميل ويمكن حلاقة
التسجيل هلأ مبلش وبيخلص آخر التامن أو أول التاسع

تكلفة الدورة 6آلاف بس، ومدة كل دورة شهر ونص ل ٣ شهور عحسب مع شهادة رسمية من وزارة الثقافة معترف فيها، وفي كل دورة بتنعطى بكذا وقت وممكن انت تختار الوقت (ع حسب المركز)
وبيفتح التسجيل ٣ مرات بالسنة