Тошкентдаги портлаш ҳодисаси тафсилотлари:➖28 сентябрь куни соат 02:43 да Тошкент шаҳрининг "Қурувчилар" даҳасида жойлашган божхона омборида кучли портлаш юз бериб, натижада ёнғин келиб чиққан. Ҳодиса оқибатида жабрланганлар бор. Ижтимоий тармоқлардаги видеоларда уй ва бошқа объектларга жиддий зарар етганини кўриш мумкин;

➖ ФВВ маълумотларига кўра,  портлаш жойида 16 та ёнғин-қутқарув экипажи ва 3 та автонарвон юборилган. Улар воқеа жойига 2:48 да етиб борган ҳамда ёнғинни ўчириш ва унинг оқибатларини бартараф этишга киришган;

➖ 5:02 да ёнғин қуршаб олинган,  дея хабар берди кейинроқ ФВВ;➖Самолёт қулагани тўғрисидаги ахборотни вазирлик рад этди. Ижтимоий тармоқларда шундай хабарлар тарқатилган эди;

➖Омборда портлаш хавфи бор ва тез ёнувчи моддалар бўлмаган;

➖Портлаш натижасида омбор ходимларидан ҳеч ким жароҳатланмаган;

➖ Ёнғин келиб чиқиш сабабини аниқлаш мақсадида ФВВнинг махсус лабораторияси ҳодиса жойида иш олиб бормоқда. Ҳудудда ФВВ раҳбарлигида штаб ташкил этилган;

➖ Ҳодиса омборни чақмоқ уриши натижасида юзага келганлиги тўғрисидаги маълумот ҳақиқатга тўғри
келмайди;

➖Тошкент шаҳри ҳокими Шавкат Умурзоқов жабрланган уй эгаларига етказилган зарар қопланишини маълум қилди. “Моддий зарар 2-3 кун ичида қопланади, бу муаммоларни ҳал қиламиз”, деди  фавқулодда ҳодиса жойига етиб келган ҳоким;

➖Портлаш пойтахт аэропорти фаолиятига таъсир қилмади, деб хабар берди Uzbekistan Airports;

➖Портлаш ҳудудига яқин бўлган метрополитеннинг Ер усти ҳалқа йўлининг "Қурувчилар" бекатининг меъморий қисмига енгил шикаст етган. Бу ҳолат йўловчи ва поездларнинг ҳаракатига таъсир кўрсатмаган;

➖Ёнғинни ўчиришга Мудофаа вазирлиги вертолёти жалб этилди. Воқеа жойига Бош вазир Абдулла Арипов ҳам етиб келган;➖Тошкент шаҳри ҳокимлигининг баёнотига кўра,  тунда юзага келган ёнғинни бартараф этиш ва жабрланганларга ёрдам кўрсатиш билан бир қаторда,  моддий зарарни баҳолаш ва уни босқичма-босқич қоплаб бериш бўйича ишлар бошланган;➖Мол-мулкига зарар етган аҳоли вакилларининг мурожаатлари 12-05 қисқа рақами орқали қабул қилинмоқда.