يلاعب فؤادي رمشك الناعس المصفوف
وعينٍ سهمها يسلب الحيّ عافيته

وأنا يا عذابي كل ما ألد فيك الشوف
وإذا احمّر خدك والحيّا منك حسيته

‏تقولين في صدري حرايب وضرب سيوف
عذابٍ ما اشد من اوّله غير تاليته

‏تسوين بي في كل لحظة وصل معروف
جميلٍ أخاف العمر يمضي ما رديته

عساك مخلد بجنةٍ تنسيك الزمان الشين وعسى رحمات ربي تحفّ ميامين قبرك ويسراه

توحشتك الأماكن
عاد كيـف أنا

في رجاء فجرٍ يزف الرضى والرحابة
وأحتفي فيه وأنسج من نسيمه وشاحي

‏ما بقى غير صبرٍ يفتح الله بابه
‏وكلمةٍ في حشاي وطلقةٍ في سلاح

‏غديرٍ عليه الناس
صادر وورّادي
‏أعيفه لو إنه من زلال المطر يسقى
‏أنا غايتي
‏ومناي ودواي ومرادي
مذاقٍ على غيري صعيبٍ ولا يلقى

ذكرك الود وإعشوشب طريق وهبَّت الأنسام
وطرّاك النسيم اللي يميِّل بالغصن هبَّه

‏يواري ما جرى طيش الشباب ونزوة الأيام
وبالٍ يسترد اللي يمر البال من ربَّه

‏يجود العمر ويحطّ الرحال وتثمر الأحلام
‏وصبحٍ يستردّك في الخيال السالي أحبّه

على ما تشتهي نفسي ووين ألقى هواي
محدٍ يحرك وجهة شراعي على السبع البحور

إليا رضيت أطيّر الحاجة وأوصلها سماي
وإليا زعلت أخلي الحاجة دبورٍ في دبور

أضحك ترا عوج الليالي مدابير
وما للخلايق فِ قضا الرب حيله

أضحك لو هموم قلبك طوابير
وما يقسمه ربك تروح وتجي له

‏لو ضاقت الدنيا تراها مقادير
وخلك جبل ما هزته كل ميله

«قوّض خيامَك من أرضٍ تُضَامُ بها»

سبحان من جمّع مزايا الخلق في أكمل مثال
أعجوبةٍ فالحسن والمنطوق وأعجوبة فكر

يا نجمةٍ جارت على الصبح وتجلّت باختيال
قولي لنـور الشمس لا يقهر عصافير الفجر

زال الضيا ومشراق وجهك غير قابل للزوال
ثابت مثل دهشة قصيدة كتبت لاخر شطر

يا نجمةٍ شعشع سناها وأبلَجت منها الليال
جودي لسمّار الليالي من تعاليل السمر

لدّي النظر يام العيون اللي نهايتها أحتلال
ملامحك لا شافها المخطي يبادر بالعذر

أنتِ اليقين الراسخ اللي ما يشوبه أحتمال
وأنتِ الثواب اللي تجلّى لي بعد شدّة صبر

‏من حقّق الله حلمه ونالك رغم أنف المحال
‏يستاهل يعيش الحياة وبداخله نشوّة نصر