أربعين السيدة العقيلة زينب
﴿ صلوات الله عليها ﴾

آه يا هلي محد لفاني
و الشام والله مرمراني
ضليت أبچي و شابحه العين
ياهو اليجيني بداعت حسين
ياهوه بيكم ما نساني

أربـعـيـنـيـتي يـبـعـد الـمـا يوجدن
و لسه أناطركم يهلنه
لسه أناطركم و أحس بگلبي حسره
يهلي يا أهل المحنه
بـيـوم وافـتني المنيه تـعـطـليـتوا
أبد ما ردلي شملنه

ضاگ گلبي و ضاع كلشي و ضاع دربي
متت وحدي بديره غربه و دمعي يحبي

===============

آه يا هلي مشلوع گلبي
بليل و نهار عيوني تربي
صار أربعيني و گلبي محتام
الما يمها أهلها تموت متنام
لشام ياهو يلوحه دربي

بيوم تشيعي وحيده و يوم موتي
و ما تجوني بأربعيني
أحمر المدمع يهلنه بـ گلبي لوعه
حمره علزينين عيني
الگلب ما يقبل يهيد ناره تسعر
ياهو بيكم يعتنيني

بيوم موتي صحت يهلي ما تجوني
بأربعيني وحدي أبچي هظمتوني

=================

آه يا هلي مبحوح صوتي
ضليت أصيح من اهد موتي
ويــن الـحـسين و ويــن عـبـاس
بـتـكم غـريـبـه أبـين هــل نـاس
چا ليش ما يلفوني أخوتي

أربعينيتي و صدگ ما عندي والي ؟
بنص دليلي شرگه صارت
الشيب أخذني و لچمه بيه يهلي والله
و بس عليه الدنيا دارت
آنه أول وحده ما عدها عشيره
من أهد ما خيل غارت

نطر دليلي و حيلي ميت شوفوا حيلي
ياهو يجبر ليه خاطر يعتنيلي

=================

آه يا هلي بلغربه ضيجه
ياهو اليفك بدمعه ريجه
بــدمـوع عـيني فـاگـده الـشـوف
مـلهوف گلبي أعله أهلي مـلهوف
مفرع دليلي و شاگ زيجه

شگد حنينه آنه يهلنه بأربعيني
وينها أحنان الضعينه
يا هلي الغربه سبتني جروحي كلفه
تغربت ذيچ الحنينه
وحدي آنه بلايه خوه بلايه رايه
الدهر سماني الحزينه

بيه لوعه و گلبي شاجر وآنه وحدي
دمعي أحمر طاح مني و ترس خدي

=================

آه يا هلي بلضيم حالي
هاي الليالي تريد والي
صــار أربـعين أجـروح لــيام
محتام گلب أم عون محتام
ياهو اليجيني بهل ليالي

شكد هظيمتها جبيرة العدها خوه
و ما يجوها بوكت شده
گلبي بي لوعه يهل گلبي و دلالي
چنه يهلي هاذا حده
ألف هنياله اليموت و أهله يَمه
ما يموت بديره وحده

ما تجوني بأربعيني يا دلالي
لسه أديه بيها أثر من شد حبالي

اللهم عجل لوليك الفرج

مولد مولاي علي الأكبر
﴿ صلوات الله عليه ﴾
أسعد الله قلوبكم 💜

أجمل الناس گلب الحسين
علي الأكبر

مولايه يلـ أكبر يا أهلاً يغالي
يلـ رسمك محمد يمحلي الليالي

يلـ نروك سحرني من زغرك دخيلك
يا عيني ويروحي. أقبلني ذليلك

بمولودك يلغالي خجلت نجوم السمه
و من شعت شمس الله تغطت بنورك عمّه
من دونك ما تشرق لا شمس لا طل گمر
يلحبك سايرني و رافگ عروگ الدمه

===========================

سورة النور انته قرآن
علي الأكبر

يمحلي المدينه. من نورك طلاهه
الياقوت اليشبهك. من وجهك علاهه

مرسومه صفاتك من جدك مُحمد
يل محد يشبهك. محد والله محد

مبتسمه دنيانه بهل وقت يا سيدي
من حُبك شع بيها بلفرح بس تبتدي
هلـ دنيا و لبيها يا علي الأكبر ألك
كل مجنون بطاريك بعلي الأكبر يهتدي

=============================

شايل عيون مدري قمرين
علي الأكبر

بمولودك يغالي. تتبشر سمانه
هليله أجانه. نور الله أجانه

يم طولك أروحن. فدوة آنه يلـ أكبر
لـ أكبر أنته أسمك و يمك كلشي يزغر

من جدمك حد راسك. ورد جوري منتثر
أنته أول گمر انته. يطلع بوجه الضهر
يا روحي و يا عيني انته يا لب الگلب
بمولولدك هليله. كلشي بيه يبتشر

===========================

ملك الروح شيخ الگلوب
علي الأكبر

كل نسمه تمرني. من عندك عطرها
الميمرها عطائك. يلـ غالي شيمرها

أسجدلك محبه و تعظيم لجمالك
يمدلل عشيرة. فدوة آنه لدلالك

يا گمره و يا بلسم بذكرك أرتاح الگلب
يا غالي و من دونك العمر ما يخلص صعب
من دونك ما تگدر كل حياتي تبتشر
البستان من ييبس يخضر انته من تطب

يا علي الأكبر مدد

موسى أبن جعفر
صلوات الله عليه

يا موسى أبن جعفر بلسجن حالك
نوحك على الغريبه هوة چتالك
يمگيد سلاسل و الچبد مسموم
عندك من يحضرك بدمع شالك

يلكاظم انته تشيعت و عمتك بقت مطروحه

بطاموره العمر خلص يبن جعفر
أهون من خرايب لو تضل بلبر
يا أبو الرضا يا مسموم يا مهظوم
دلال الغريبه بدمعته تفطر

باب الحوائج ندهتك ماجيت وكت الحاجه

يل مسجون بين الوادم الغربه
عشت بدمعك انته السهله و الصعبه
يلـ كاظم جبيره الغربه علنسوان
و عمتك مو گدرها لـ شامها و دربه

اهونلك انته بلسجن من مجلس الشماته

صح انته غريب و هجرتك ناسك
ما يمك عمام تكسر حساسك
الله يعينك انته اعله الطم و النوح
تقرة اعله العقيلة و تلطم براسك

تلطم تون لعمتك تلطم على المهظومه

هونك بلمصايب و القهر هونك
يلمسموم و الحسرات بعيونك
تبچي اعله العقيلة بعازت التشييع
عندك ناسك انته و اليشيعونك

لچتاف شيال النعش عمتك بقت محتاجه

اللهم عجل لوليك الفرج

أحو يلغريبه ما ألج عونه
ياهو أعليج يلطم يهدل متونه
لا عباس يمچ لا أخوچ حسين
نعشج وين هاشم خل يشيلونه

مو هدمي مشگوگ الگلب يم عون يم الساده

مت عيني العقيله وحدچ كلفه
سعفه و هوى الشام يكسر السعفه
ياهو يشگه زيجه و يأخذ الميدان
نعشچ يلغريبه محد يعرفه

يا كون عباس يحَضر لنعشچ يذب جفوفه

طاري الشام وحده يدوهن الزلمه
حرمت آل هاشم وحدچ و حرمه
بس انتي يزينب ما ألچ عوااان
خوانچ ضحاية كلمن و دمه

يا كون هسة بكربله تشييع أخت الضامي

عشتي العمر كله هموم بلغربه
ياهو عليچ يبچي دموم من گلبه
يا زينب ييمه يا بعد لعيون
موتت أمي سهلة و موتتچ صعبه

ياكون أمي تشيعت و لا أسمع بتشييعچ

يايمه المصايب فوگچ التمن
كون أعليچ والله عيونه اليعمن
مهظومه لهسه و وحدچ بلشام
ريت متوني يمه بلطمتي يهدلن

لهدلچ متوني وعلي يم عون يا ملچومه

ليش الشام كله ما رحم حتالچ
بس رغم المصيبه حسين چتالچ
يا بعد اليشوفن يا گلب عباس
كون الدنيا كلها الليلة تنعالچ

لنعاچ من عين و گلب بـ يا مايله و مهظومه

اللهم عجل لوليك الفرج

نص مفتوح منبري

أخر لحظات السيدة العقيلة
﴿صلوات الله عليه ﴾

الليل أعمه
و صفنة المخنوگ تذبح
و ياهو يسمع ضيم گلبي
هلي والله نشلع گلبي
هلي هاي أطراف ليلي
وآنه بين الشام نسمه
و مدوا رياگ اعله دربي
ركضت رياگ الشماته تشهگ و تزفر عليه
وآنه وحدي ..
و ما عثرت بجود هاشم
والله آنه حنينه كلش و الدمع أكبر علامه
ما ركد دلالي لحضه و ما سمعت بجفني نايم
هلي والله القهر يكتل ..
هلي مو قصدي اعيشكم
دليلي خلص تعلعل
شايل كوم ألم و عتاب
حگه الگلب من يچل
و حگه من يفز بليل
و يلم الضيم ..
و يگطع روحه من بَته
هلي سمعوا العتب سكته
گلبي من القهر و الضيم ما تنجاب سالفته
هلي ..
هلي ﴿ حان العتب وكته ﴾
و أبدي من الجبير حسين ﴿ لـ أخر دمعة كاتلته ﴾

هلي حان العتب وكته

مذبوحه و اعتبلي اعله مذبوح
چا ليش هيج يصير بلـ روح
محد يناوبني اعله مبچاي
يحسين يبن أمي يرجواي
بصياح أون و صوتي مبحوح

چا ليش تكتلني يلحسين
بجفاك أموتن والله مرتين
يا خويه اموت برچبت النوگ
الموته الأخيره بطبت السوگ
و زينب وينها و وين الدواوين

يبوو يهلي يبوو يهلي يبوو يهلي

عباس يا مگطوع لجفوف
معميه عينك و أدري متشوف
بس أرد أكلك انته كفال
بختك و خدرك هلـ دهر مال
چف الأميرة بحبل مچتوف

چتال يا عباس كلشي
ما بيه أبچي شلون أمشي
أمشي و أطرن ذيج الدروب
تفحط جدام و تفحط گلوب
مشلوع گلبي و مات هرشي

يبوو يهلي يبوو يهلي يبوو يهلي

يا عمه لـ أكبر وين عني
وين اليشيل الحمل مني
آنه أدري حالك عمه مو زين
الحگ عليه بداعت حسين
شگد آنه شلتك فوگ متني

نعشي انته شيله‍ فوگ متنك
صياح و بواچي أحتاج منك
يا عمه يلـ بيك انته لزماط
تدري القهر گطعها النياط
عمتك و حگي نشاد عنك

يبو يهلي ..

هلي ..
آنه العزيزة تحملوني
مو آنه اختكم ما تجوني
چا ليش هيج تضيعوني

اللهم عجل لوليك الفرج ?

مولاتي العقيلة تخاطب مولاي الحسين

﴿ صلوات الله عليهم ﴾

يمن متگدر بحضني سكتك خويه تاذيني
أجيت مسابگه ويلـ خيل تالي ما تحاچيني
شما تسكت تكبر النوح المدامع والله تعميني
صح باگوهن أرسومك بس انته حلو بعيني

غريبين
آنه و أنته يا مسلوب
غريبين
گلبي و گلبك المتعوب
غريبين
منهوبين يا منهوب

يمن فوگ و حدر چفي
نزفك هاذا لو نزفي
من شلتك طحت چن ماي
ملهوفه و خلص لهفي

===================

أجيتك بس غلبني الشيب مو عمري الشكل خمسين
نـكـسرت آنـه شـكـثر دونـك لا مـره و لا مـرتـيـن
طحت يم نحرك أعله الكاع أنشلن يمك الرجلين
يا عـيـن الـتـضل بـچـفاك بـفراگـك أذبـها الـعـيـن

سلامات
على خدودك على عيونك
سلامات
على رسومك على متونك
سلامات
شتسوة العيشه من دونك

يمن فدوة رحت لـ أسمك
ما جيت أمسح بدمك
خوفني الشكل يحسين
دمك عابر اليمك

==================

صدگ ياخويه ما أكدر چذاب اليگلك روح
اروح آنه و تضل أنته شتگلي يبعد الروح
اليموت يعيش ياخويه و اليبقه يضل مجروح
شتاگيت أسمع لصوتك أسمع حتى لو مبحوح

يمذبوح
ياهو الما عرف گدرك
يمذبوح
شعندي و أفرشه حدرك
يمذبوح
أريد أخفه علــه صدرك

أريد أخفه على دمومك
همومي تگابل همومك
مو گدرك تركك خيل
و تفارگني مو يومك
==================

ما دام الدمع هم ماي هاك دموعي و تروه
ما دامك طحت بلضيج و حگ الخوه علخوه
تعال أخفه على مناغاي يا من ما ألك تچوه
مو حلوه أضل دونك الموته لخاطرك حلوه

على الكاع
متطشر دلال أمي
على الكاع
ساكت منذبح يمي
على الكاع
تعبي و كسرتي و همي

ريت آنه اليذبحوني
و بلحافر يسحگوني
يلچمني الدمع لو سال
ريتك تمسح عيوني

===================

هاك أكسرهن أعظامي بس لا تكسر الخاطر
غيرني التعب يحسين و أنته مغيرك الحافر
هاي أيدي على عيونك و ما شيلنها حد باچر
حد ما تگبل الهزله و جسمي بلا أخو يسافر

منَ أجزيك
روحي وگلبي يم جسمك
منَ أجزيك
روحي نعگدت بهدمك
منَ أجزيك
دمي يوصل لدمك

يمن ما أكدر بلياك
و لا بيه صدك و أنساك
مناوب دمعتي و نوحي
مناوب علهزل و أنعاك

....
اللهم عجل لوليك الفرج ?

مولاتي أم البنين

تخاطب سيدي الحسين
﴿صلوات الله عليهم ﴾

ذايب الدلال لو تشوف الحال
تدري والله تعباني فراگك

بفاطمه أترجاك. يلولد و أنخاك
ياحبيب شلون تاذي أحبابك

لعينك ييمه أنطي أربعه
بس طولك أنته ترجعه
أحسبني يا لب الگلب
أمك و أناديك

مشتاگه الك يا سلوتي
والله انته موتك موتتي
حنينه و يموتني الجفه
راح أبقه أبچيك

=================

انته نور العين وليدي يمه حسين
يمه تدري فراگك مئذيني

راح مني الشوف من البچي و الخوف
آنه أخاف أعليك يمبچيني

أنطر گلبي حيل بفرگتك
عيوني يروحي رادتك
بس أنته رد گلبي نذر
أنذرلك الحيل

خليني أموتن و أنته ضل
يامن يخلونك وصل
ولدي أربعتهم فدوتك
و لتدوسك الخيل

==================

من رحت لليوم هلـ گلب ملچوم
كلشي مرني بس چبير غيابك

ألف غالي و غاب و مرني ألف مصاب
و ما وصلني مصاب مثل مصابك

ضليت أنود من الحزن
يوليدي بغيابك أون
تدري آنه ثكلى و بت بدو
أنعيك و أبچيك

عن حالي ضل يبجي الصخر
والله دليلي آنه نفطر
حزني ييمه بهلـ عمر
ما ينگضي علييك

====================

يمه بمتاناي و الدمع وياي
بلكي اگولن ضعنك يرد كله

يمه لا تبطون انته جيب أم عون
لو تطيح انته تروح بهزله

الما عدها والي و طالبي
يا يمه يكتلها السبي
وحدها تبقه بنص غرب
و بلغربه تنعاك

حنينه ييمه و لو بچت
بفراگك انته تلوعت
خليها بين أيدك ترة
يعذبونا بجفاك

===================

بأجر يخونوك بلطف يسلبوك
آنه أدري بهل أجل و اتمنه

ترجع لعيناي بيدي أشربك ماي
الزمن يا يمه يحرمك منه

تضل انته ضامي و تنتحب
و زينب تضل ويل غرب
وآنه ييمه ابقه أنتضر
و أدريك مجروح

يا يمه مگعاد العرش
تضل طايح بليل هدعش
و ما بيك گومه للخدر
لـ ميگوم مذبوح

اللهم عجل لوليك الفرج

مدحاً

ألى السيدة عقيلة بني هاشم
﴿صلوات الله عليها ﴾

تعجز الدنيا بـوصف أم الـدلال
ما تگدرها اللسن مـدحاً مُحال
فَكد كَيدك ما تسولفها الرجال
مدد يا أخت الگمر

بت حيدر برزت علـ حياة
متروسه نوماس و حياء

جبريل يغطيها بـحجاب
و هيه التغَطي كبرياء

من طلعت چن طلع حيدرها
و الشامت ما گدر يكسرها
لو رادت الدنيا يمها تحدب
هوة الله علـ أرض كبرها

===================

أسم زينب يعني زينه للأمير
و كلشي بين أيديها بلدينا يصير
كلشي يم جديمها يرجع للأخير
مدد يا أخت الگمر

چن شَقت موسىٰ للبحار
هم هيجي شقتها الجيوش

تتعجب من عدها السماء
بلگاع و بغيمها تنوش

من طلعت ما حجوا بحجايه
و تغطو وي تراب الثايه
و اتعنت للگمر كافلها
بيديها رفعت أهيه الرايه

===================
يا سلام الله لـ خدر أخت الكفيل
عَمد صارت للديانه شما تميل
هلـ عقيلة هلـ أصيله بت أصيل
مدد يا أخت الگمر

مكفوله و عاشت بلحنان
و الـكافل منطيها الدلال

من عالم تصيار النفوس
مخلوقه زينب بلـ كمال

من نوره الله بس سواها
و بكيفه هوة كلشي أنطاها
عصمتها تورثت من أمها
و الباري للگمر خلاها

===================

شما نسولف عل عقيلة شما نگول
ما نوصف قدر بت أم الرسول
هية أبوها حيدر و أمها البتول
مدد يا أخت الگمر

بت حيدر و الزهرة تصير
مكفوله و كفلت كل يتيم

مكتوب باعنان السماء
مگدار العرش الله العظيم

أنس و جن زينب مسلميهه
و العالم و الخلك بيديهه
من حيدر و الگمر هيبتها
هم تگدر هلـ أرض تمحيهه

====================

يعجز التاريخ بـ كمال الكتاب
علـ عقيلة بت علي بت بو تراب
تدخللها بـ باب يطلع ألف باب
مدد يا أخت الگمر

بيبان الرحمن الرحيم
عد زينب رحمانت علي

وليدخل بلرحمه يريد
بس ينخه و شانه يعتلي

الينخاها لا أبد مترده
بس حيدر هيج زينب عده
ما سوه أربعين الباري
بس هية و أكتفه الله بـ عبده

يا عقيلة بني هاشم مدد

سيدي و مولاي أمير المؤمنين
يخاطب سيدي و مولاي الحسين
﴿ صلوات الله عليهم ﴾

يحسين القهر فوگ الهدم بان
تدري أمك عزيزة و آنه دفان
مو بيتي نهجم گلبي آنه مهجوم
باد الحيل بويه و كلشي ما عان

هدلن متوني بويه و باد حيلي

يحسين التعب تعبها الصفاح
الما طاح بحرب هسة بدمع طاح
بويه الضيم بلـ فاگد ترة يعيل
و بفراگ الزجيه بموتتي أرتاح

الطم ضلوعي ضلوع أمك عزيزة

مو ناعي يبويه آنه و نعَيت
مامش راحه ضلت والله بلبيت
آنه أول بشر عاشرها لگبور
البيها الزهره بيدي يبني خليت

تالي بلوادي الزهره شلون صارت

يحسين العزيز يوگع السباع
هاذا الشيب كله و العمر ضاع
سوه الباب عله بنص الگلوب
حيلي نهار و يخط جدمي بلگاع

مَوتت حيلي أمك يابو الأكبر

چا ليش الدهر ما خله لحنان
بويه فراگ أمك خله نيشان
مطرور الگلب يحسين مطرور
أول مره أحس بروحي تعبان

شلت الجنازه و هدلت مني بويه

اللهم عجل لوليك الفرج