طلابنا وطلاباتنا وكل الطلاب بهذه القناة او خارجها

امتحان الفيزياء الدور الثاني كلنا امل ان يكون امتحان سهل عليكم ان شاء الله
ومن وجهة نظري راح يكون عبارة عن تجميع (لوزاريات) سابقة على الاغلب فركزو على الوزاريات السابقة و اسئلة نهاية الفصل يجي منهن نصاً ويتكررن وبلشو بالسؤال الي تعرفو كاملاً واذا اجة سؤال خارجي او فكرة عادي كلش عادي لتهتزون او تخافون مثل ماصار بالدور الاول هاي الفرصة الذهبية الاخيرة وان شاء الله يارب تطلعون منها فرحانين وتكون مسك الختام

اخر شي اگللكم راح تجي اغلب الاسئلة من الوزاريات السابقة فلي عندة ملزمتي (الموسوعة) خل يركز بيها هليومين

كل الحب والتحايا والشكر لمجهودكم ابطالنا

الطلاب الي راسلوني على انستغرام بخصوص الملزمة الوزارية الشاملة (الموسوعة) حاب اوضحلكم شي جداً مهم .. اي طالب يريدها بالوقت الحاضر علمود فترة المراجعة لازم #يتصل بالمكتبة يسحبوها الة قبل لايروح لان خلصت كل النسخ الي انسحبت بفترة المراجعة .. وكذلك عدهم توصيل لبيوتكم بالنجف ولجميع المحافظات

رقم المكتبة 07800011648

طلابنا الابطال فد سالوفة

من بعد مانزل الجدول الجديد اصبح للفيزياء يوم ونص بدل اليومين ونص
فصار من المهم استثمار هالايام (فترة عطلة العيد) لمراجعة الفيزياء فما اوصيكم حصة الاسد من الوقت للفيزياء واستثمروها جيداً بالتركيز على الوزاريات وبالاخص الفصول الخمس الاخيرة

وارجع واگول ماكو مرشحات بالفيزياء لا نشاطات ولا غيرها

راح تجي من اصل 150 درجة اقل شي 100 وزاريات قديمة فركزو على الوزاريات

طلاب السادس الابطال

الي مخلي حصة من هالعطلة مال العيد للفيزياء وهو اصلاً قاريها بفترة المراجعة خل يقرأ وزاريات وحلو مسائل وزارية وركزو بالوزاري وماكو شي اسمة مرشحات بالفيزياء استاذ فلان استاذ علان ينزل (مرشحات) لتطون الموضوع اهمية
شوفو ملزمة وزاري لأي مدرس و اقرو بيها

لتنسون ماكو مرشحات بالفيزياء

الايام الجاية هواي قنوات راح تشتغل على الطلاب وتصعد بروسهم بالاخبار المزيفة والاشاعات

موعد الامتحانات لحد الان ماتغير ابني ورتب جدول مراجعتك على يوم 8 بشهر 6 واذا صار تأجيل معناه راح تكسب ايام مراجعة لبعض المواد واتركو النت وسوالف القنوات وجماعة الاخبار الحصرية

وتوكلو بالله وركزو على دروسكم ومراجعتكم

ودعواتنا الكم بالتوفيق والنجاح والمعدل

- وان ڪانت بدايتك صعبة، فالاستمرار بها يخلق نهاية عظيمة . طلاب السادس اللي بلشوا بالمراجعة الأخيرة بحياتهم وهم مدرسة أو اللي رح يبلشون بعد أسبوع ، أحب اگلكم أول سطرين كلش واقعيات لإن هم رح تنقطع عن الدوام وهم تكعد تسوي جدول محسوب حساب صحيح ما بيه إي زيادة…

**- وان ڪانت بدايتك صعبة، فالاستمرار بها يخلق نهاية عظيمة .

طلاب السادس اللي بلشوا بالمراجعة** الأخيرة بحياتهم وهم مدرسة أو اللي رح يبلشون بعد أسبوع ، أحب اگلكم أول سطرين كلش واقعيات لإن هم رح تنقطع عن الدوام وهم تكعد تسوي جدول محسوب حساب صحيح ما بيه إي زيادة أو نقصان وهم رح تلاحظ تراكمات عندك وهم رح تجيك شوية سلبية من وادم ما درست زين وكعدت تگلك أسئلة الوزاري صعبة ، فترة المراجعة صعبة ، رح تتعقد بفترة المراجعة رح مدري شنو كلها هاي سوالف من ناس ما مرتبة وقتها وما لاعبتها صح .

لتبلشون مراجعة اذا ما مخلصين تراكمات أبد يمكن أسوء شي يسوي الطالب يبلش مراجعة وما مخلص تراكمات بحيث إذا هو تراكمه مثلًا فصلين بفلان مادة وگلك يلا يمعود بالمراجعة أسيطر عليهم وحدد لهاي المادة ثمن أيام بعدين يشوف نفسه مخلص المادة ب١٥ يوم ( وهذا الشي كلش طبيعي لإن فصول التراكمات رح تعطلك)

يعني تبلش بلا تراكمات ومراجعة شهر مضبوطة أحسن مما تبلش مراجعة وعندك تراكمات وتتخربط كل أمورك

-
كل الاختصاصات مهمة إذا تحلم بالطب ، الصيدلة ، طب أسنان ، طيران ، علوم سياسية، تربية، هندسة، إعلام، فيزياء طبية أو تمريض ، لإن ماكو شخص بهاي الدنيا موجود بلا فائدة لوما هذا التنوع ما صارت هاي النجاحات اللي كلش هواي بأغلب المُجتمعات الناجحة ابدًا.

خليكم كد وعدكم لنفسكم من گلتوا أريد أصير ……… علمود بعدين متتندمون ابذلوا جهد شكد متكدرون بهاي فترة الشهرين ما اگلكم ادرسوا عشرين ساعة باليوم وصيروا معقدين وما اطلع واسويها فد مرة بس ادرس اللي حددته بيومك وعدل نومتك وكل اسبوعين رستلك يوم ورفرفش بيه ، وإذا لا سمح الله وما تحقق الحلم إللي أنتَ جنت تسعاله فَ رح تدخل بقسم بعد أحلى من اللي جنت رايدة وجاي أحجيلكم عن تجربة( احتمال سنوات الكلية الأربعة تخلص وانت َ بعدك ما مقتنع بالقسم اللي الله كتبه الك مو أنتَ ردته بس بعدين من تشتغل بيه تگول همزين درست هذا القسم ولا القسم اللي جنت أني رايده)

بالنهاية أحب اگلكم شعور تطلع من قاعة امتحان كل درس وأنت َ راضي عن دراستك وراضي عن أجوبتك وضامن درجتك بيها متنزل عن التسعين شعور كلش حلو أتمنى الكم كلكم ، وانتوا كلكم فخر سواء لأساتذتكم أو لأهلكم أو لأصدقائكم أو لإخوانكم

بس فخرك بنفسك خلي مُرافق الك لإن البقية يشوفون بس الحلقة الأخيرة السعيدة ويفرحون ع فرحك بينما أنتَ اللي جنت تتعب وراء الكواليس حتى تطلع بحلقة أخيرة سعيدة.

ننتظركم تصيرون زملاء النا بالسنين القريبة ونفرح بأقسامكم الحلوة وتعييناتكم حبايب ويا رب كل التوفيق الكم❤️‍?.

#المُساعد_الإلكتروني_للأستاذ_عِماد_ألزهيري
#أستاذ_كرار