?

**Nega hijobga kirishga qaror qilganimizda noto'g'ri va ziynatlangan, hijobni shartlariga javob bermaydigan "hijob"ni tanlayapmiz?

Namoz va hijob har ikkalasi ham barobar darajada farz va nafsimizga noslab o'zgartirish kiritib qisqartirib bo'lmaydigan bizga buyurilgan Allohning amri...

Namozni 5 vaqtdan 3 mahalga qisqartirib bo'lmas ekan, hijobimizni qanday qilib tor shim va yopishgan tizzadan baland tunikalar bilan boshimizga bir parcha durrachani arang iyagimizgacha tortib opkelib taqib zo'rg'a o'rab yurishgacha qizqartiryapmiz.**

• Salomatlik - ketganidan soʻng, sogʻiniladigan eng goʻzal ne’mat. Salomatlik ketganida yoningda parvona inson faqat - Ona. Boshqalar faqat soʻzlari bilan senga shifo tilashsa, butun vujudi bilan yoningda sen bilan birga betob boʻladigan, kerak boʻlsa, sendanda koʻp ogʻriydigan inson - Ona. Ularning qadriga yet.

• Tinglash - sen boshqalarni tinglaysan, ammo, vaqti kelsa, seni ham tinglashlariga qoʻyib ber. Ichingdagilarni Alloh biladi, lekin yoningdagilarni bekorga seni qarshingga chiqarmagan. Mayli, ular seni muammolaringni hal qilib berishga qodir emaslar, ammo, ich-ichingdan xursand boʻlasan, nega deysanmi? Shunchaki seni tinglaganlari uchun. Shukr qil, insonlar uni tinglaydigan birgina insoni boʻlishiga muhtoj. Agar sening yoningda, sen kabi eshituvchilar boʻlsa, ularni qadrla.
• Yolgʻizlik - “Hammasini oʻzim hal qilaman”, deb oʻylaysan. Yolgʻizlikni istab qolasan ba’zan. Lekin, unutma, seni doim kuzatib turguvchi, baridan xabardor Robbing, seni shunchaki yolgʻiz qolishga yoʻl qoʻymaydigan, kayfiyating bilan qiziqadigan yaqinlaring bor. Ular uchun ham, Robbing uchun ham mahzun boʻlib yurma. Bu moʻmin insonga yarashmaydi.
• Turmush qurish - “Qachon turmush qurasan?”, “Yoshing yetib qoldi”, yoki “Bekor yosh turmush quribdida”, degan gaplarni eshitishdan toʻyib ketgansan bilaman. Umuman parvo qilma, sening hayotingga qiziqadiganlarning, oʻzlarini hayotlari senikichalik emas. Shunday deb qabul qil. E’tibor berma. Alloh istaganini muhokama qilish bandalariga emas. Hammaning nasibi - oʻz munosib vaqtida keladi.
• Rizq - tun-u kun rizq haqida oʻylayverma. Koʻnglingni hotirjam qil. Toʻgʻri, rizq keladi, deb hech nima qilmay oʻtirma demayman. Ammo, Robbing haqida goʻzal gumonda boʻl. Agar rizqing seniki boʻlsa, Alloh uni qayerdan boʻlsa ham uni senga chiqarib beradi.
• Vaqt ajratish - ertaga seni tark etib qolishi mumkin boʻlgan yaqinlaringni hozir hayotligida qadriga yet. Tushunmovchilik keltirib chiqarma, shunchaki, yonlarida boʻl. Ishing koʻpayib ketsa ham, dunyoni tashvishi boʻyningda boʻlsa ham, ularni yodingdan chiqarma. **Chunki yaqinlar - buyum emas. Buyumlarni unutib qoldirib ketishing mumkin, ammo yaqinlarni emas.

• Oʻzingga vaqt ajrat - uyda seni kutib oʻtirgan kitoblaringni oʻqi, oʻzing yoqtiradigan ishlarni qil. Tavakkal qilib, boshlay olmayotgan narsalaringni qil. Yutkazishdan qoʻrqma.
Qalbingda Robbingga nisbatan faqat yaxshi gumonda boʻl!**

?