[ميمر  كربلائي للكاظم ع]
_______

گيدك يسولف احزان
قصة  حقد  سجانه

دنياك   ظلمه  بالسجن  ياوسفه
ايام    مرت    والمصايب   كلفه
وسفه  الرشيد  ابموتتك يتشفه

راهب بني هاشم ليش
عايش ظلام  اشجانه

دارت حقدهه الدنيا والحگ ايضيع
لن ابن  شاهك  لرشيد  امره ايطيع
گصت خجل  ماظلت بوجهه ايبيع

باع الضمير  الملعون
ضيك عليه  قضبانه

صارت حياتك بالسجن بس حيره
منقول من  البصره  شفنه  السيره
هذا الحقد  وآصل البغض بالديره

من جدك الناس اتخون
هذا  الحقد    عرفانه

صار   الرشيد   ابلا  قصر   لا تيجان
ونگلبت    اعليه   السجد   بالقضبان
موسى بعظمته يخشى منه السجان

بالسجده موسى معروف
ظلت   حزن  عنوانه

ذليت  هارون  اشكثر صبرك  چان
وتناجي  ربك  كل  وكت  بالإيمان
خلصته عمرك بالسجن بس احزان

گيدك يصلي بدمعات
واضح صبح بحزانه

عديت سجنك كل فرض دمعاتك
الله استجاب من ابتدت دعواتك
صاحب السجده اتوضحت اياتك

بالسجده عنوانك صار
شفنه   الفرض  برهانه

ادري بجروحك عاشر  من اونينك
همك عذاب  وتجري  دمعة عينك
اخر نفس تنعه  الغريب  احسينك

من  كربله اتعيش احزان
غير  جميع   الوانه

تمت بعون الله تعالى الشاعر_يوسف_الفتلاوي

مولاتي زينب ع

عَلّـي دنياي بأرض الـغـرب .. ياريت
ألـدمـوع بحسرتي بالشـام .. ياريت
گبل موتي هَلي ايحضرون .. ياريت

ويـشـفـون الأثــر لـحـبـال اديـه

----------------------------------------
✍*خادم زينب ع
الشاعر رعد الجريخي

لحن / كل كطرة دم بشرياني تهتف بسمك يا حسين

بجيت الدنيه وما بيها   اشعظم امصابك   يا غريب
كل العالم خل اينادي   اليوم ابابك   يا غريب
يالكاظم حته الطاموره    رسمتلك عالحايط صوره

ا**لما يمه اهل ويموت   تكثر حيرته اهنانه
وانته اول غريب نشوف   جان بعازت اخوانه
من كالو الكاظم مات    طلعت كلها حزنانه
ركضنه اعله الجسر مولاي   ركضت ناس عطشانه

زوارك محتاره الليله   اشلون تودعك   يا غريب
طلعتلك بغداد بهمنه   اتريد اتشيعك  يا غريب
والناس التلطم معذوره    رسمتلك عالحايط صوره

امن السم جبدك اتكطع    وكل جسمك بده يذبل
العذاب البلسجن شفته    محد بينه يتحمل
يوم الجمعه ما ندري    يوم افراك يتحول
ظلمه الدنيه من بعدك   وبيها كلشي ما نندل

جينه اعله الموعد تدرينه  وردنه نشوفك   يا غريب
يالكاظم بس ما لحكنه    نبوس اجفوفك   يا غريب
اشيجبرها اكلوب المكسوره    رسمتلك عالحايط صوره
*يالشايل الكون اشلون   هليله يشيلونك
صبرك تعب السجان    وما كدرو يتعبونك
بسجنك وانته طول الليل   تتعبد يشوفونك
ليش امن الضوه مولاي   عدوانك يحرمونك

وياك الحيطان اتسبح   من تتعبد  يا غريب
صوتك ثوره بوجه الظالم   ضل يتردد   يا غريب
هالقصه بسجنك مذكوره    رسمتلك عالحايط صوره

من الجامعه مولاي    ركبتك تجري ليش دموم
عمرك بالسجن جبته   وبكلبك حزن وهموم
شالوك اربع احماميل   والكون اختلف هاليوم
والناعي يصيح بصوت   شيعو الكاظم المسموم

شفنه الشيعه التمت كلها  وتندب بسمك   يا غريب
وزغار اكبار بدمعتها   اتعنت يمك   يا غريب
وهارون اقيوده المشهوره   رسمتلك عالحايط صوره

الط**بيب اتحير بعلتك   ويالكاظم كثر همه
اهل هذا الغريب ايصيح   خلها اطالب بدمه
اظن من شدت التعذيب   هاي اثار البجسمه
ما عنده عشيره ايكول    ليش ولا اهل يمه

هالمسموم امن السم جبده   اهواي تكطع   يا غريب
يا عالم ليش امكيدينه   ايصح المدمع   يا غريب
والزنزانه اشكد مقهوره    رسمتلك عالحايط صوره

نعشك عالجسر مطروح   ونارك بالكلب تسعر
وينادي المنادي بصوت    شيعو موسى ابن جعفر
حزينه الكاظميه اليوم   وريت اتشاهد المنظر
شوف اشجم بشر ملهوف   اجاك بجدمه يتعثر

ما حجبو نورك يالكاظم   شمسك تضوي   يا غريب
والعاشك فرض الحب لازم   بسمك ينوي   يا غريب
بغداد بدونك مهجوره    رسمتلك عالحايط صوره

تمت**
تحسين الخفاجي

اهواي عني تأخريت      ليش توك يلا اجيت
تدري صار اشكد اتاني     وأحسب الجيتك ثواني
**
شعطلك ياموت عني     ليش توك يلا جاي
عكب ما كطعو جبدي    عكب ما سالت دماي
جايني تخلصني توك     عكب ما ذبحو ضواي
والسناسل كلت أيدي       والصياط أكلت كفاي

بالسجن كل عمري راح     أمنيتي اموتن واستراح
بالسجن ظليت أعاني     وأحسب الجيتك ثواني

ماتنام الليل عيني             بالسجن راووني ويل
وحته ما اعرف نهاري    اسنيني صارت كلها ليل
بصوطه سجاني عله متني  جان بيه يضربني حيل
الزم امتوني بديه          وحتى اون ما بيه حيل

محد ايخلصني جان     وظلمه ياموت المكان
تدري اشكد عذباني     وأحسب الجيتك ثواني

بالسجن عافيتي راحت    وتدري حالي شكد صعب
لا أهل لا إبن يمي          عمري كضيته بغرب
سجن مامش بيه حصيره    وجنت انام عله الترب
وذكرت ذيج الخرابه      وكامت ادموعي تصب

اذكرت زينب والخيام      وعالترب جانت تنام
تصيح وين الدللاني      وأحسب الجيتك ثواني
*
ياحسافه اسنيني خلصت    وآنه عن أهلي بعيد
الغربه تكتل وانته تدري       غير شوفتهم شريد
شما تطول المده جانت    شوكي لحبابي يزيد
ادعي ودموعي عله خدي     ألياوكت أبقى وحيد

بالسجن شفت العذاب      ورمشي من الدمعه شاب
دهري بالغربه رماني      وأحسب الجيتك ثواني
*
اهواي تدري عذبوني     وبالسجن عمري انطوه
جرعوني السم بديهم               وذبحو بعيني الضوه
آنه والدنيه وعذابي                 بالسجن متنه سوه
خذني أرد ارتاح بلكت           الكه لجروحي دوه

ادري اموت آنه غريب     وحته ما يحضر حبيب
ومحد من اهلي اجاني    وأحسب الجيتك ثواني
**
آنه أمير الكاظميه                آنه للحاجات باب
والله ما خاب الكصدني         آنه انطي بلا حساب
احلف بدمعة رقيه           شكد أحب هاي الشباب
واليحبني وعنده حاجه     من أيدي خل ياخذ ثواب

العنده حاجه وتكظي راد      ايطبلي من باب المراد
ما ارجعه اكظيها آني      وأحسب الجيتك ثواني
**
تمت
ميثم العمري

ليالي_شهادة_مولاتنا_زينب_?

ماتت زينب..تلتفت ماهم اهلهه
ماتت زينب..هم غريبه ومحد الهه
ماتت زينب..ما اجة يمهة الكفلهه

الماهم اهلة هذا ميت
والفرق بس الگبر...
التنذبح جدامه اهلة
بعد شله بهل عمر...
وزينب العاشت غريبه
لذيچ اهلهه تنتضر...

غريبه غريبه...خلصت أخر عمرهة
غريبه غريبه...وانحچه بغربه خدرهة

ماتت زينب غريبه...
ماتت زينب..وصارت جنازه غريبه
ماتت زينب..حتى من ميته مصيبه
ماتت زينب..الغربه وياها عجيبه

زحمه كلش عل جنازه
اليمهة ما تلگه الاهل...
وزينب الماتت وحيده
من اجة وكت الاجل...
ولله مو عازت مصايب
حبل؟والشام؟ وهزل...

غريبه غريبه...بلجنازه وكلهة غربه
غريبه غريبه...هاي زينب ولله صعبه

ماتت زينب غريبه... ماتت زينب..تحچي اريدن وين اخوتي
ماتت زينب..وصلو الهم هذا صوتي
ماتت زينب..يا هلي ردو نخوتي

الغربه لحگتني لمماتي
ألتفت ماهم هلي...
ولله كسرتني المدامع
ليش محد ضل الي...
راح اموتن وين اخوتي
لحگو ماتت بت علي...

غريبه غريبه...حتى صفناتي غريبه
غريبه غريبه...ياغربتي شگد عجيبه

ماتت زينب غريبه... ماتت زينب..بلوعت الشام وعذابه
ماتت زينب..من وكت نوم الخرابه
ماتت زينب..للذبح ذاكه ومصابه

ما هدت لحضه بعمرها
كل اهلهه بس ذبح...
لا حسين ولا بوفاضل
ولا خيم ضلت تصح...
ومن گضه العاشر يويلي
صفوو رؤوس اعلرمح...

غريبه غريبه...والنضر كلة عليهه
غريبه غريبه...والحبل تعب اديهه

ماتت زينب غريبه...
*خادم الزهراء ص

محسن* الباوي

(راح اموت)

راح اموت     ومحد من اخوآني شـفـتـه
راح اموت    اجـنـازتـي تـنـشـال سـكـتـه

راح اموت       راح اموت

-------------------------------------------*

چانت أمنيتي الوحيده بكربله ايصير الدفن
وتنتهي رحلـت عذابي وينتهي هذا الحزن
چنهم اخوآني نسوني وآنـه بالـغـربـه أحـن
سـاعـه مايبرد ونيني مِـثـل وَن الـمـنطـعـن

حالي هاذ والاهل ما منهه جَيه
حالي هاذ ماتت بروحي الوصيّه

-------------------------------------------*

چـنـهـه نـيـران الثوانـي مـن تـمـر للينتظر
ياصـبـر يلحگ عـلـيّـه والله تـعـبـتـه الصبر
خاطري المكسور باقي چنت اضنن ينجبر
وبالطفوف ايصير موتي وبيهه يتشيد گبر

صعبه حيل زينب التدفنهه غربه
صعبه حيل حالتي ياناس صعبه

-------------------------------------------*

ياهو اليوصل كـفـيلـي أيـگـلـه عذبهه الـغـرب
بحسرتي بالشام اموتن وذايب بشوگه الگلب
وينه أليشيّعني وينه الوحدي وبموقف صعب
لا أخـو الـيـحـزن عَـلـيّـه ولا مـجـالس تنصّب

من بعيد رفرفت مثل الحمامه
من بعيد اشكي لخواني الظلامه

----------------------------------------------*

تـنـزف اجـروح بدليلـي جـيّـه مـا منـهـم بـعـد
سـلّـمـت بالـحـالـه هـايـه أمـري للواحـد أحـد
اعـرف الـصـار بكـفيلي واعـرف بـذاك الـعـمـد
لاكـن الـشـوگ الـجـبـرنـي بـأسـمـه أردّد للأبـد

بس عذاب تجرح ايام العشتهه
بس عذاب دنيا بالهَم خلصتهه

---------------------------------------------*

اليحتضر بأخر وصيته تسأل الناس أشكتب
يا خَـلـگ هايه وصـيـتـي آنـه موتني الـتـعب
خلصت عمري مناحه وگلبي بالغربه الـتـهـب
اعـتـب بناري عـلـيـمـن راحوا الـگـد الـعـتـب

هسه وين گلبي ما يحچي بعتابه
هسه وين الحزن ما سَده بابه

-------------------------------------------*

✍خادم  زينب (ع)
الشاعر رعد الجريخي