الي يبي القناه يجي خاص : @ijkf7

عليك السلام ورحمة الله والرضوان
يا قلب تعب واخفي عن العالم اوجاعه

يذوق الالم ومكابد الضيق والاحزان
ولا يشتكي لو تلوي الضيقه ذراعه !

توشح بصبر ايوب والصمت له عنوان
ولا غيرت ضيقات الايام بـ اطباعه .

تمنيت عيني لاغشاها النعاس تنام
ما هي كل لليل وصبح تتخيلك عيني

تسريني طيوفك واعيش الغرام أوهام
ولا فيه غير طيوفك اللي تسريني

ترا قلبي المشتاق عن حب غيرك صام
حشم حبنا اللي كان من بينك وبيني

بعد غيبتك متأذي وضايق ومنضام
وانا اللي قبل غيبتك وش هو يأذيني .

يا مختبر قلبي بغيبتكْ غلطان
‏هو مثل ما تقدر على البعد يقدر

‏بنعْرف من فينا من الصد خسران
‏و بنشوف من فينا على الغيبة أصبر

‏يا طارد المقفي ولو كان من كان
‏العمر من طردك ورى المقفي أقصر

‏يوجع شعور إنّك فقدت أقرب إنسان
‏وإنّك تمنّى رجعته يوجع أكثر َ .

تعاتبني .. على .. قل اتصالي ،
وأنت تدري لو تبيني عند عينك !

ولا تحاسبني على الغيبة لحالي ،
قبل تسأل أنت وينك أنت وينك ؟

إن طعتني لا عاد تشره على الناس
من جاك رحّب به ومن راح خله

لا تجرح الغالي ولا تقطع اليأس
وأضحك ولو بالقلب ستين علّه

لا تنقل الهَرجه ولا تصير بلاس
حتى ولو تملك عليها الأدله

وأحذر تصير إنسان ضايق وحساس
وتبلش العالم على كُل زله

وأصبر على دنياك بالعزم والبأس
حتى لو انك عايش فوق ملّه

‏ياضيقة البارح وياضيقة اليوم​
‏معاد فيني حيل معاد فيني​
‏​
‏​خذي ماتبغينه من آمال وحلوم​
‏بس اتركي لي ضحكتي واتركيني​
‏​
‏وان كانها لحية تقاليد وسلوم
‏تبطين والله ماقصرتي يميني .

الا واهني اللي ما سامر نجوم الليل
‏ومن الضيق والتفكير ماثار قيلونه

‏ما مرّه مع الايام ضيقه وهم وميل
‏وترقد عيونه حين يقفل تليفونه

‏وانا كل ليل احط في خاطري واشيل
‏يـ لين الفجر يقشع ظلام السماء لونه

‏اجاهد نصيب ٍ يوم يضبط ويوم يميل
‏وحلمٍ مقادير الزمن وقّفت دونه .