**ቀን አራት

ዛሬ ከገፅ 112 እስከ 185

ዳይ ወደ ንባብ**

" የኢትዮጲያዊነት ጥበቡ
የመደናበር ሳይሆን ግቡ
በሆድ አምላክ ከመታወር
በደም ጭቃ ከመነከር
ለንቅዘት ጣኦት ከመስገድ
ተፈቃቅዶ በመከበር።
ኢትዮጲያዊነት ፍቅር ናት
የአፍሪካ ዘለዓለም ገዳም፣
ያጠፏትን እያጠፋች ታበራለች እንጂ አትጠፋም"

©✍ሎሬት ፀጋዬ ገብረመድህን

@eliyasshitahun

>>በዝግ በር<<

እንደድሮ ቀሚስ መሬት እየጠረግሁ
የእግርሽን አሻራ ተግቼ እየፈለግሁ
እንደጉም
ሳዘግም
እንደሰርዶ ስሳብ
ባካል ብታመልጪኝ ደረስኩብሽ ባሳብ
ልብአይገታም በሩ ልብአይገታም መስኮት
በዝግ ቤትሽ ገባው ልክ እንደ መለኮት

ሼር ያድርጉ>>>

ገጣሚ :-በውቀቱ ስዩም
@eliyasshitahun

ካራማራ

(ኤልያስ ሽታሁን)
አታውቂም
ከጠረንሽ ጋራ ሱባኤ እንደገባሁ
አታውቂም
ወንድ አይደለም እንዴ
እስከሚሉኝ ድረስ ቁጭ ብዬ እንዳነባሁ፡፡
አታውቂም ባገኘሁት ዘፈን ሆድ እንደሚብሰኝ
አታውቂም
ስላንቺ  ለማሰብ ዘመን እንደሚያንሰኝ፡፡
አታውቂም
ከለበስሸው ጋራ መቀመጥ ማምሸቴን
አታውቂም
እኩያ እስከማጣ ብቻዬን መቅረቴን፡፡
አታውቂም
:
አታውቂም
:
ብታውቂም አትመጭም
አትመጭም አታውቂም
ምን ብዬ ልፀልይ ከህይወት ይዤ ቂም፡፡

*      *      *      *      *      *       *

@eliyasshitahun

ውዝፍ ፍቅር
ኤልያስ ሽታኹን
~      ~        ~       ~      ~
ናፍቆት እና ስርቆት
ስጋማቾች ዘመድ
ሌብነት  አይደለም የሰውን ሰው መወደድ::

ምርኮኛ ነን ና
በፀሀይ አንጥረን
በርግብ ላባ በረን
በጨርቃ ቆጥረን
በመልአክት ታጥረን

ኖርን ብንል እንኳ

(ኳ ኳ ኳ ኳ)

የትናንት ባህሩን
በእንጨት ብናምሰው ትንሽ ብንቀዝፍ
በሁላችን መዝገብ ፍቅር አለብን ውዝፍ::

ፍቅር እንደዚህ ነው
ስሌቱን ይጥላል "እቅፍ"ን ለማርቀቅ
መልሱን ይገድለዋል አንዳንድ አጠያየቅ::

ፍቅርን አትሞግቱት ትግልን አይወድም
ለማጥፋት ሲያስቡት እንዲያውም አይበርድም::
አትጨቃጨቁት የእሱን አረማመድ
ሲያስቡት አይደል ወይ የሚረዝመው መንገድ?

ፍቅርን አትሞግቱት
ሲያሻው ዕብሪተኛ ሲሻው ትህትና
መንገዴ ነው ይላል  ቅዱስ ግልሙትና::

ፍቅርን አትሞግቱት!

@eliyasshitahun

#ገጣሚ_ኤልያስ_ሽታሁን
እጅግ ጥኡም
@eliyasshitahun
@eliyasshitahun

.....ባ ለ መ ቀ ነ ቷ.....❤

ውበትን አስቤ መዋብን ለመግለፅ
     ስፋትን አይቼ ቃላቶችን ላንፅ
           ብዛትን ቆጥሬ
            ፍቅርን ደምሬ
             ታሪክን ቀምሬ
              መጀበድ ጀምሬ
በስሟ ስገረም
በፍቅሯ ስሸመም
  በታሪክ ስወዛ
   በህጓ ስገዛ
አንገቴን ወደላይ ቀና ብዬ እያየው
..እቺ ዓለም የማናት.?
                       ብዬ ጠይቄአለው
......ከሰማዪ እስር መቀነት ሚመስል
በቀጭን በማስመር ከላይ የሚዋልል
        አረንጓዴ
            ቢጫ
               ቀይ.. ቀለም አየው
ከቀለሙ መሀል ''ኢትዬጲያ'' ነው የሚለው

ባለመቀነቷ የኔ ናት ማለቷን...
                 ...ለኔ ስትገልፅልኝ
መቀነቷን ፈታ ከላይ አበራችልኝ

ኢትዬጲያ የኔ ናት አለችኝ በቅኔ
ቀድሞም መጠየቄ ሆነብኝ ኩነኔ

የማሪያም ሀገር 🥰

ሴናዬ✍

@eliyasshitahun

https://youtu.be/pZrUshwkQ9g?si=0_1nU3Yv5JiZw_Bf

https://youtu.be/nS3fZwu--4U?si=TtK6b4JzlFfSaF1f https://youtu.be/nS3fZwu--4U?si=TtK6b4JzlFfSaF1f