*أهتز غصن الحنين وطاحت الاوراق "ابيك"
‏من ريح فرقاك مير الله ستر ما انكسر

‏وأسقيتها الذكريات وأردفت هذي بذيك
‏وأستورق بـ"لا تغيب" و "لا يطول الهجر"

‏تلاحق الي تبقى من الغلا بين يديك
‏وش يجمعه لو تطول غيبتك و أنتثر

‏يتلني شوق لك رحمة على والديك
‏مانيب قد الصبر الا انت قد الصبر ؟

‏شف حالتي بالغياب أشكيك منك و إليك
‏همٍ برى الحال و عيونٍ طواها السهر

‏وش يمنعك لا تواصلني وأنا أموت فيك
‏ظروف؟ ليلة؟ ثلاث؟ اسبوع؟ ياخي شهر

كمّلت ثالث وانا كلّي شغلني عليك
‏ثلثين قلبي يباس وثلث باقي خضر

‏إن ماسقيته وصل ماعاد هو مرتجيك
‏باكر إليّا هبت الجوزاء يطير الشجر

صبري على غيبتك باسم الغلا مشتريك
‏لا فارق بوسع عين ولاانت فارق خصر

في غفلةٍ من زماني كنها تحتريك
‏غنّت مقآدير روحي لين جآبك قدر

‏مرّيتها كنك الطرقي قبل تهتويك
‏من شفت زولك وخفآقي يكر الجمر

‏إلين قهواك شعر من الغزل يحتويك
‏من يومها وانت لامن جيت فالمختصر

‏اليوم في غيبتك ماني بعاجز لا أجيك
‏لكني أخاف لا من جيت مالي قدر

‏أبيك وأكذب عليك إن قلت ماتشتهيك
‏مشاعري يانظر عيني وكلك نظر

‏أما احتضنها وصل ولا تسلم عليك
‏تلقى بدالي وأنا بشحذ زماني صبر*

‏عسى لاوصله العلم يستأنف التفكير
‏ابي ينشغل فكره من الحين لي بكرا

‏“ تمنيت وصله بالفكر ماطلبت كثير
‏أبا اطري على باله مثل ما علي يطرى “

‏قل للأوادم إللي تناست وفانا
‏طابت خواطرنا من إللي يغيبون

« أشيلك بقلبي — عامٍ ورا عام »

‏اطيب من الكلمه اللي مالها داعي
‏الصده اللي تبيض وجه راعيها.

‏" تبصَّر بقلبك كان شفت الدرُوب أشباه / ترا قلبك .. أبصر من عيونك مية مرة"

‏أحتاج أطيّر شعوري عن قيود الوكر
‏و أحرر جناح قلبي من حواجز مداه

‏دايم جميل الشعور تْجيّ جروحه جكر
‏كن السعاده تحب اللي يطاوع قساه

‏واكن ملح العيون اللي تناثر شَكر
‏اذوق مره وأنا أضحك من شراره بلاه

‏ما إني بمحتاجه أراوغ و أفر و أكر
‏تصالح النفس راحة و الصراحة نجاه

‏احب ابيض هقاوييّ و اعاف المكر
‏لو أني أحتاج بعض أحيان صحوة دهاه

‏متواضعة قلب رغم إني فخورة فكر
‏ثرثارة العقل صمتي يلفت الانتباه

‏ما يستخيرون فيني يسجدون الشكر
‏" لله على أنه وهبهم صُحبتي بالحياة "

‏أطري على بالهم مثل القصيد البكر
‏وأغيب غيبة مفارق ما يطالع وراه ..

‏" تعايد علي مواجهه وين عاد اجيه ؟ / وقف منه وصلي وقفة الما من الساقي !"

15 ♡