‏اطيب من الكلمه اللي مالها داعي
‏الصده اللي تبيض وجه راعيها.

‏" تبصَّر بقلبك كان شفت الدرُوب أشباه / ترا قلبك .. أبصر من عيونك مية مرة"

‏أحتاج أطيّر شعوري عن قيود الوكر
‏و أحرر جناح قلبي من حواجز مداه

‏دايم جميل الشعور تْجيّ جروحه جكر
‏كن السعاده تحب اللي يطاوع قساه

‏واكن ملح العيون اللي تناثر شَكر
‏اذوق مره وأنا أضحك من شراره بلاه

‏ما إني بمحتاجه أراوغ و أفر و أكر
‏تصالح النفس راحة و الصراحة نجاه

‏احب ابيض هقاوييّ و اعاف المكر
‏لو أني أحتاج بعض أحيان صحوة دهاه

‏متواضعة قلب رغم إني فخورة فكر
‏ثرثارة العقل صمتي يلفت الانتباه

‏ما يستخيرون فيني يسجدون الشكر
‏" لله على أنه وهبهم صُحبتي بالحياة "

‏أطري على بالهم مثل القصيد البكر
‏وأغيب غيبة مفارق ما يطالع وراه ..

‏" تعايد علي مواجهه وين عاد اجيه ؟ / وقف منه وصلي وقفة الما من الساقي !"

15 ♡

‏اللهم لا تخرجنا من يوم عرفه إلا وقد أصلحت حالنا ، وقويت إيماننا ، و غيرت حياتنا وحققت أحلامنا ، اللهم لا تختم يوم عرفة إلا وقد سجلت اسمائنا في صحيفة العتقاء من النار ، اللهم إنا استودعناك أدعية فاضت بها قلوبنا فبشرنا بالإجابة إنك على كل شيء قدير.

‏هذّبني الحزن .. يوم الحزن عذّبكم
‏وربّاني الفقد .. يوم الفقد بكّاكم

‏— ميّ اللافي

ضيدان يوم الشوق تمكن عليه قال:
‏"العيون تجوع لك جوع والله العظيم"

may

‏أسهى و إذا مرت على خاطري " ليش"
‏تجرح كبر نفسي فصول ارتجافي

‏الاهتمام اللي تجازى بتهميش
‏مثل الغريب اللي نفوه المنافي

‏يا ليتني ثقلت قلبي عن الطيش
‏و لا خطت كفوفي حروف اعترافي

‏و ليت المزون اللي بعيني مراهيش
‏ تمطر على قلبً شكا من جفافي

‏الأمنيات أمست بصدري معاطيش
‏و الذكريات أبطت توايق خلافي

‏لو أقدر أهجر قلبي بعيد و أعيش
‏تعجز مشاوير الذنوب أقترافي

‏أقدر أبادل كوكب الارض تطنيش
‏لكن عجزت أعطي هيامه كْتافي

‏قبله غروري حط في هامتي ريش
‏الين هبت من عجاجه سوافي

‏ريحً غزا شمخةْ ضلوعي غزوا جيش
‏ما عقبها طيحةْ جروحه عوافي

‏معذور لو قدر مكاني بتشويش
‏و استاحشت عينه رسوم أختلافي

‏اللي قراني قّدر أحزان درويش
‏" أنا الكتاب اللي خدعهم غلافي "