احرك الجمر بالملقاط واسحب جمر
والجمره اللي ب جوفي ويش اسوي بها.

سقى الله يوم انك بعّيني عزيز الجاه
وسقى الله قبل تصير لا شي بعيوني .

ما كل من قال احبك يحبك
هو كل مسلم في زمنا يصلي؟

وفي غيابك غابت النجمات عني
ما بقى لي غير طيف(ن) لك يلوحي.

سماء وغيوم ( تمطر حنين )
وانا أرض ذابحها الضماء.

‏آستاحش البال وارتاب الخفوق الملول
‏في ليلة توقد الذكرى فوانيسها

‏اقوي النفس و امني عيوني واقول
‏لا بد ما تطلق الضيقه محابيسها

‏كني وانا تحت سيف الشوق راعي ذلول
‏وراه خيل تحذف الروس فريسها

‏مطلوب ثار تراوى له بيوت النزول
‏وطلابته تتعب الجامح مراويسها

‏عليك يـ اللي عطاك الله حسن وقبول
‏وروح ملكني نقاها قبل احاسيسها

‏ودي بشوفك وتحداني سلوم الزحول
‏واهل العذل تهدم الفرصه جواسيسها

‏مملكتك اللي لها رمز وحماية دخول
‏قلدتك الحكم فيها بعد تإسيسها

‏تبجحي في حنايا خافقي عرض طول
‏لين اللقى فرحته تغمر معاريسها

‏لا يستثيرك غيابي ،، يالمهاه الجفول
‏قيسي ،، مسافة ليال الشوق ،، واقيسها

‏انا بدويٍ ، لي ، آهوايه وعندي ميول
‏وفيافي البيد ،، تعرفني تضاريسها

‏انـ رحت حطي لـ بيبان التراضي قفول
‏ونـ جيت شرهت رضى ليلى على قيسها.

‏حيل الله أقوى مابقى في يدي شيّ
‏مافيه حل ٍ في يدي . . ما ذخرته

‏حاولت .. لكن المحاصيل هيّ هيّ
‏الطير طار ولا بقي . . الا شجرته

‏وقفّت أشوف شويّ وأغمّض شويّ
‏واللي أنكسر في خاطري ما جبرته

‏لين الحقت شمسي على بارد الفيّ
‏وشفت أن كل اللي جمعته خسرته.

مافي يدي جنه ولا في يدي نار
‏وشلون أبغفر ذنبك الي جنيته

‏تعبت أدور لك عذر بين الأعذار
‏لكن عذراً يقبلك مالقيته.

ما انكر الطيب ولا اجحد العشره
‏لكني اقطع الوصل لا نقص قدري.