"နန္ဒာဒေဝီ မိဖုရားခေါင်ကြီး"

ကုန်းဘောင်နန်းဆက် မိဖုရားခေါင်ကြီးတွေဟာ သူတို့ရဲ့ လင်တော်မောင် ဘုရင်မင်းမြတ်တွေ နည်းတူ ရှည်လျားတဲ့ ဘွဲ့မည်တော် တွေခံယူခဲ့ကြပါတယ်။

အဲ့ဒီလို ရှည်လျားတဲ့ ဘွဲ့မည်တော်တွေကို ခံယူတဲ့အခါမှာ ကုန်းဘောင်မင်းဆက် လက်ဦးအစ မိဖုရားခေါင်ကြီးရဲ့ ဘွဲ့မည်တော် "စန္ဒာဒေဝီ" ဘွဲ့ ကို ခံယူခဲ့ကြတာ ရှိသလို၊ ဆင်ဖြူ့ရှင်မင်းတြားရဲ့ မိဖုရားခေါင်ကြီး ဘွဲ့မည်တော် "ပဒုမာဒေဝီ" ဘွဲ့တော်ကိုလည်း ခံယူတတ်ကြ ပြန်ပါတယ်။ နောက်ပြီး နှောင်းပိုင်း ကုန်းဘောင်မင်းတွေ ရဲ့ ဘိုးဘေးမတော်ကြီးဖြစ်တဲ့ ဗဒုံမင်းတြားရဲ့ မိဖုရားခေါင်ကြီး ဘွဲ့မည်တော် "ရတနာဒေဝီ" ဘွဲ့ကိုလည်း ခံယူကြပါသေးတယ်။

ဒီအထဲကမှ ရှားရှားပါးပါး ကုန်းဘောင်နန်းဆက် ရဲ့ နောက်ဆုံးမိဖုရားခေါင်ကြီးဖြစ်တဲ့ နန်းမတော်စုဖုရားလတ်ဟာ သူမရဲ့ မယ်တော်ဆင်ဖြူသခင် ခံယူတဲ့ " ပဒုမာဒေဝီ" ဘွဲ့ကို ခံယူတော်မမူသလို၊ သူမရဲ့ ဘွားတော် နန်းမတော်ကြီးရှင်မင်းနု ခံယူတဲ့ " ရတနာဒေဝီ" ဘွဲ့ကိုလည်းပယ်ရှားပြန်ပါတယ်။ နောက်ပြီး သူမတို့ရဲ့ ဘိုးဘေးမတော်ကြီးဖြစ်တဲ့ ကုန်းဘောင်နန်းရိုး လက်ဦးအစ မိဖုရားခေါင်ကြီး ရှင်ယွန်းစံရဲ့ ဘွဲ့မည်တော် "စန္ဒာ ဒေဝီ" ဘွဲ့ကိုလည်း ပယ်တော်မူခဲ့ပါတယ်။

သို့ကလို ရှေးရှေး မိဖုရားကြီးတွေရဲ့ ဘွဲ့မည်တော်တွေကို ပယ်ပြီးမှ နန်းမတော်စုဖုရားဟာ ထူးထူးခြားခြား "နန္ဒာဒေဝီ" ဆိုတဲ့ ဘွဲ့မည်တော် ကိုခံယူခဲ့ပါတယ်။ ဒါကြောင့် မိဖုရားကြီး ရဲ့ ဘွဲ့မည်တော် ဟာ တပါးမိဖုရားခေါင် တွေနဲ့မတူဘဲ တမူထူးခြားနေခဲ့ပါတယ်။ ယ

ဒါပေမယ့် နန္ဒာဒေဝီ ဘွဲ့တော်ရဲ့ မူလအစပိုင်ရှင်ကတော့ နန်းမတော်စုဖုရားရဲ့ မိထွေးတော် ဖြစ်တဲ့ မင်းတုန်းဘုရင်ရဲ့ မြောက်ဆောင်တော်မိဖုရား ဘွဲ့တော်ဖြစ်ခဲ့ပါတယ်။ ဒီမိဖုရားကြီးဟာ မက္ခရာကိုယ်တော်ကြီးရဲ့မယ်တော်ဖြစ်သလို သီပေါဘုရင်နဲ့ နန်းမတော်စုဖုရား တို့နန်းတက်စက ဖြစ်ပေါ်ခဲ့တဲ့ နန်းတွင်းသုတ်သင်ပွဲအတွင်း မှာ ပါသွားခဲ့သူလည်း ဖြစ်ပါတယ်။

ကိုးကား
မြန်မာမဟာမင်္ဂလာမင်းခမ်းတော်
ဦးရာကျော်

#မင်းနန်သူ
#Historynotes

@knowledgeatmosphere

အထက်ပါ မေးခွန်း ၃ ခုကို လူဦးရေ ၁၀၀ မှာ ၄၄ ယောက်ဘဲဖြေနိုင်ကြတယ်။

အကယ်၍ Subscribers လေးတို့က Population density ပုစ္ဆာတွေကို ကျွမ်း²ကျင်²တွက်နိုင်နေပြီဆိုရင်တော့ GED တတ်နေတဲ့ ကျောင်းသားဆိုရင် သင်္ချာရဲ့ တစ်စိတ်တစ်ဒေသ ကျွမ်းကျင်နေပြီလို့ ဆိုနိုင်ပါတယ်။?