لي ثمان شهور كني على الدنيا وحيد
لو من حولي جماعه ومن حولي رفاق

اتعوذ من غثى النفس وابليس المريد
مير لاحالٍ يسرك ولا وضعٍ يطاق

ليت كبدي من حديده وقلبي من حديد
ما يعالجها مواصل و يوجعها فراق

في ضميري جمرة الشوق عيت لاتهيد
وفي عيوني ضاقت الارض والسبع الطباق

مابقا لي من عتادي لا قديم و لا جديد
غير تنهيده ودمعه ولهفه واشتياق

راح عمري في رجاء الحلم والحظ السعيد
والحياة موقفت لي على ركبه وساق

اللي خذاه الحنين لـ ماضي سنينه
انتِ سبب فرحته و لا سبب غلبه

ان جاد ربي .. بـ صدفه بينك وبينه
اللي ما جا بالرضا .. ينعاف بالطلبه

لا تحترينه .. يقول الكلمه الشينه
حتى لو ان الشعور القاسي يغلبه

اما ابتسم لك وبان الدمع في عينه
ولا ضحك ضحكةٍ ماهيب من قلبه

ترا من خاب ظنه بـ أقرب احبابه
يشوف إن الحياة اجمل بليا احباب

‏طاحت دموع التعازي على وجه الرحيل
‏ما بقى لـ غيابك المر " حجة مقنعه "

‏اللي ذبحه الكبر حتى خذاه الغرور
‏هو يحسب اني ليا راد الجفا بأمنعه

‏مايدري اني لو الأشواق فيني تثور
‏ماجيت ادوره عقب الهجر ولا اتبعه

لا محرق جوفي ولا الدمع نازل
لو دمعة العاشق مافيها مناقيد

عن كل حاجه من طرفك متنازل
حتى السلام اللي من العيد للعيد

هذا نصيبي مع الايام من صغري
احيان اقوى الحزن و احيان ما اقوى

لو تدري الناس ويش اشيل في صدري
ما عاتبتني على شغلات ما تسوى