Green Card natijasi vaqti shu she'r yangraydi: "Rimni alishmasman bedapoyangga..."

Odam o‘z yurtini qadrini bildirish uchun, boshqa shaharni yerga urishi shartmi?

Masalan, Hindistonda ko‘cha ovqatlari qanaqa tayyorlanishini bilasiz. Hindistonlik odam "Toshkentni alishmasman ko‘cha ovqatingga" desa, g‘alati-ku, to‘g‘rimi?

@sanjar_xoja

Anaqa...

Kecha videoni ko‘rgandirsiz:
Bir opa maktabdagi ko‘zbo‘yama, yolg‘on va ta'magirlikni halol deb "fatvo" berdi. O‘sha opa sobiq Bosh vazir o‘rinbosari, sobiq Toshkent viloyati hokimi G‘ulomjon Ibragimovning kelini ekan.

Qaynotasi qancha "halol biznes" qilgan ekan?!

@sanjar_xoja

Yuz yil oldin...
Xalqimizning jasoratli, aqlli va dindor kishilari qamaldi. Ularni qiynab tergov o‘tkazganlar mallasoch va oqquloqlar edi. Bugun esa qiynab tergaydiganlar o‘zimizni qoraqosh va qorako‘zlar.

Ellik yil oldin...
"Markaziy Osiyoga madaniyatni ruslar olib kelgan" deb mallasoch va oqquloqlar aytardi. Bugun bu gapni aytayotganlar o‘zimizni qoraqosh va qorako‘zlar.

Yigirma yil oldin...
Televizorda seriallar berilardi. Qaynota keliniga suykalgan, xotin eriga xiyonat qilgan, qiz otani pichoqlagan. Serial chetniki, rol o‘ynaganlar ham mallasoch va oqquloq edi. Bugun ham televizorda o‘xshash mavzular. Faqat serial o‘zimizniki, rollarda o‘zimizni qoraqosh va qorako‘zlar.

@sanjar_xoja

Qadimdan xalqimizda shunday an'ana bor. So‘nggi davrda bu urf ancha qisqardi.

Hayit kuni bayram namozidan keyin odamlar bayramlashadi. Yig‘ilib, birma-bir uylarda mehmon bo‘ladi. Hamma bir-birini noz-u ne'matlar bilan siylaydi. Har bir kishi kuniga kamida 10-15 ta uyga mehmon bo‘ladi. Har uyda dasturxon to‘la...

"Nafsi buzuq hayitda o‘ladi" degan gap shunday kelib chiqqan shekil! 😉

@sanjar_xoja

Jamiyatda birlashuv boshlangan. Boshida sionistlarni qo‘llaydigan kompaniyalarga qarshi boykot orqali bo‘ldi.

Endi bo‘lsa xalqdan nafratlanadigan ikki blogerdan yuz o‘girish bo‘yicha birlashyapti. Haqoratga qarshi odamlar o‘z pozitsiyasini ko‘rsatyapti. Bu oddiy narsa emas.

Yana kimdir aytishi mumkin, "eee ozgina odam yuz o‘girdi, qolganlari o‘tiribdi" deb. O‘zgarish va rivojlanishni xalqning uyg‘oq qatlami qiladi. Ular butun xalqning atigi 4-5 foizini tashkil etadi. Qolganlari doim ergashuvchan bo‘ladi. Butun dunyoda shunday.

Bir idishning yarmi suvga to‘la, yarmi bo‘sh bo‘lsa, to‘la qismiga qaraylik. Jamiyatda oriyatli, g‘ururli va ziyrak insonlar ko‘paymoqda. Va ular o‘z pozitsiyasini bildirmoqda.

Boykot yoki xalqni haqorat qilgan blogerdan yuz o‘girish oddiy narsadek tuyular. Aslida, bu birlashishning ilk bosqichi. Ilk bosqich kichik masala orqali boshlanadi. Bu esa asosiy masalalarga qarshi kurashishning ilk qadamlari hisoblanadi.

So‘nggi voqealardan amaldorlar ham o‘ziga yetarlicha dars olayotganiga ishonaman!

@sanjar_xoja

Bir maqolaga o‘qidim. Shunday yozilgandi:

"Bugun ikkita mantiqsizlikka ko‘zim tushdi. Birinchisi, chetdan avtomobil olib kelib sotadiganlar UzAvtoMotors monopoliyasini maqtab yotibdi. Ikkinchisi, o‘zi info biznesmenlik bilan yaxshigina soqqa qilgan odam, info biznesni yomonlab, podkast qilibdi".

Bu holat menga ajablanarli emas. Chunki, o‘zi boshqarayotgan tizimni tanqid qilib, yomonlaydigan Prezidentni ko‘rganman! 😉

@sanjar_xoja

AUDI kompaniyasi 1935-yilda ishlab chiqargan mashinani ustiga 30 kishini chiqarib sinayapti. Germaniya.

@sanjar_xoja

To‘liq video:

https://m.youtube.com/watch?v=8hOsL-zhOSs&t=792s

@sanjar_xoja

Rivojlangan davlatlarda bu videodagi ma'lumotni yosh bola ham biladi. Odamlar nolisa ham, tanqid qilsa ham, xalqning tabiiy haqqi deb qaraydi.

Agar amaldor "pastroq tush" deb blogerga aytsa, xalq amaldorni quturgani uchun patini yuladi. Shuning uchun u davlat rivojlanaveradi. Yer osti boyligi bo‘lmasa ham. Janubiy Koreya kabi.

Rivojlanmagan davlatlarda esa bu ma'lumotni deputat ham bilmaydi, amaldor ham. Xalq tanqid qilsa, shaytonlab, tutqanog‘i tutib, odamlarni "negativ" deb tamg‘alaydi. Shuning uchun qoloq bo‘lib qolaveradi. Yer osti boyligi qaynab yotsa ham, iqlimi zo‘r bo‘lsa ham. Tojikiston kabi!

To‘liq video:
https://m.youtube.com/watch?v=4fPo751rejk&t=1379s

@sanjar_xoja

To‘liq video:

https://m.youtube.com/watch?v=bvkXXxvMKjk&t=298s

@sanjar_xoja