🍁مساء الخير 🍁
جماعة الباك نحتاجكم كااااااااااامل هنا اجريو 😂🔻🔻🔻🔻🔻🚨🚨🚨
شهر أكتوبر ماعندو مابقلالو و معظمكم راه خلص ولا قريب يخلص الوحدة الأولى في الفيزياء الوحدة الشهيرة و الطويلة و اللي عندها حصة الأسد في موضوع البكالوريا 🧪المتابعة الزمنية لتحول كيميائي في وسط مائي 🧪 نعطيكم أهم النقاط اللي لازم تحطوها في ملخص الوحدة ركزو مليييييح
🔵المدة الزمنية المستغرقة لتحول كيميائي( بطئ ، بطئ جدا ، سريع ) تعريف صغير برك + كامل تحولات المدروسة بطيئة
🔵المتابعة الزمنية لتحول كيميائي و طرقها + بروتوكول كل طريقة
🔵سرعة التفاعل و زمن نصف التفاعل t1/2
🔵العلاقات في الكيمياء و طريقة برهان اي علاقة
🔵العوامل الحركية (التفسير المجهري و البياني لتطور سرعة التفاعل)
هادا ماكان وتحل تمرين شامل لكل طريقة متابعة في غضون ساعة و ربع على الأكثر و تقدر بعدها تنتقل لوحدة الميكانيك
بالتوفيق وربي ينجحكم كامل ان شاء الله بأعلى المعدلات 🥰🥰🥰
#kenza💜

نورِ ما بَينَ الجُمُعتينِ | ولا تنسوا الصلاة على نبينا مُحَمَّدٌ

السلام عليكم ..
? وصلتني الكثير من الرسائل من تلاميذ السنة الثانية و الكثير منهم يريدون الانطلاق في المراجعة تحضيرا للباكالوريا ..
اذا كاجابة لمختلف استفساراتكم :
✅ استرح في العطلة .. و لا تشغل بالك في التفكير في الباكالوريا .. عام الباكالوريا حقا متعب
✅ كل ما ستدرسه في الصيف ستنساه لا محالة ..
✅ الاستاذ في حصص الدعم يقدم المعلومات جاهزة .. اما في القسم فانت من تعمل و انت من تستخرج المعلومات ..
✅ اذا قدمت لك الدروس في الدعم قبل القسم فصدقني ستعتاد على المعلومة جاهزة .. فالاصح ان تدرس في القسم و تدعم معلوماتك بحصص الدعم ..
✅ بالنسبة لمادة علوم الطبيعة و الحياة انصحكم بمراجعة الدروس التالية لانكم ستحتاجونها العام المقبل :
? درس الخلية
? بنية الـ adn
? النمط الوراثي و الظاهري
? الطفرات
✅ ما نشر حاليا حول الموسم المقبل ان الدخول المدرسي سيكون 20 سبتمبر .. و بالتالي لمن اراد الانطلاق مبكرا فعليه الاهتمام بهذه الدروس ابتداءا من الفاتح من سبمتبر ..
بالتوفيق للجميع.

اهلييين?
أهم مستلزمات الاقامة الجامعية?
?الحاجة الأولى بالنسبة للفراش:
تسحقو أوس +درا+كوات او زاورة+مخدة أو اكثر على حساب كل واحد +درا وحداخر باه تفرشو بيه المطرح قبل ما تحطو الأوس(وما تنساوش كي تدخلو تنفضو المطرح من الغبرة)+ ريدو للطاقة يكون ما يدخلش الضو +زربية او حاجة تفرشوها في الارض جاي الشتا و البرد
?بالنسبة لحوايج الطياب و الماكلة:
ريزيسطونس أول حاجة باه تطيبو فيها
مقلة+طاوة صغيرة +مرميطة+مغارف و فراشط+موس او زوج+براس صغير نتاع قهوة(للناس لي تشرب القهوة) كاس للما وكاس حليب و كاس قهوة +طباسا+قشارة بطاطا+سكرفاج
?مواد التنظيف:
أدو معاكم بسينة صغيرة تغسلو فيها الماعن وبسينة اكبر تغسلو فيها القش سيرتو اذا تويكانديو +حبل تنشرو فيه القش ومساسك+فروطوار+بالية+بالة+بيدون للتسياق+طاس+شوي مواد تنظيف كما جافيل و صانيبو و ايزيس و صابون القش ادوهم معاكم من الدار
?ما ننساوش سجادة و ازدال صلاة و اللبسة نتاعكم الضرورية لي تكفيكم+
مظلة للمطر+فوطة وجه+كوسمتيك البنات و حوايج الدوش
?ماتنساوش فاشات جدد للباب بدلوهم باه ما يدخلوش يسرقوكم+كادنة للبلاكار نتاع حوايجكم
?أهم حاجة ماتنساوش تدو دينكم و اخلاقكم و تربيتكم وثقة والديكم معاكم ?
من المفروض هذو أهم الحوايج كشما نتفكر نزيدلكم... اي تساؤل حطوه في تعليقات???

قناة النهار طب تنفعكم شاركوا مع صحابكم

?شوية نصائح للطلبة المقبلين على شهادة البكالوريا خاصة النظاميين?
علابالي راهي تالفتلكم شوية??
?لحق الوقت لي تبدا توالف تنقص من تيليفون قد ماتقدر , و خاصة المقاطع القصيرة reels/tiktoks لي تأثر عليك و تخليك ماتقدرش تركز مع شرح الٱستاذ و عقلك ديما مشوش
?لحق الوقت لي تبدا تحوس على الكتب و المراجع المفيدة باش تكون عارف واش تشري و شحال يستقامولك و تبدا تحس بالجو تاع القراية
?الأحرار لحق الوقت لي تقعد مع روحك تخمم وش حاب تدير صح ، ادا تبلوكي ولا نو و تقرا على تخصصك الجامعي أكثر يمكن يعجبك .ماشي عيب تمد لروحك فرصة ٱخرى و تعاود الباك و ماشي عيب أنك ترضى بتخصصك الحالي، في الأخير هادي مكاتيب كل واحد يدير وش يريحو
?لحق الوقت لي تفهم فيه أنو كثرة الصحاب و الخرجات العام هادا ماعندها حتى فايدة، كي تدخل لليسي خير مليح شكون تصاحب هاد العام و تديه كرفيق للدراسة و ماتكبرش المحيط تاعك
?بالنسبة للتلاميذ لي مستواهم ضعيف ولا مايعرفوش أبسط الأساسيات، ننصحكم تبداو تراجعوا البديهيات في الرياضيات مثلا.. و لي يقوللكم كي تدخلوا للباك تعاودوا كلش ماتآمنوهش، الأساتذة ماراحش يعاودولك من الصفر كيفاش جا هاد القانون ووعلاش و إلخ سما راح تولي تدير مجهود مضاعف باش تفهم و الطلبة لي عندهم باز صحيحة تجيهم أسهل نقص على روحك العناء هادا
?خليوكم من أساتذة المشاهدات و الربح بلا تعليم أعرفوا شكون تبعوا
?من دركا حطوا الهدف لي حابين تلحقولو و شحال حابين تجيبو الباك و ربي يوفقك كل واحد فيكم ??❤️

السلام عليكم
ان شاء الله تكونو بخير
فقرة أسئلة (Posté pour vos questions) ?
اي سؤال تفضلو مهما كان نوعوا
رح نجاوبكم#meriem *?***