**"Bannerlarni tozalabgina ona tilimizni asray olmaymiz. Avvalo tilda ilm bo'lishi kerak..."

21-oktyabr o'zbek tiliga davlat tili maqomi berilgan kun!*🇺🇿*

@jasur_rahmon

📚 Kitobxonlar uchun suhbat mehmoni Jasur Rahmon tomonidan tavsiya qilingan kitoblar:

1. “Besh bolali yigitcha”
2. “Halqa”
3. “Oʻtkan kunlar”
4. “1984”
5. “Katta oʻyin”
6. “Saodat asri qissalari”
7. “Kafansiz koʻmilganlar”
8. “Amir Temur”

Ushbu tavsiyalarni yaqinlaringizga ham ulashishni unutmang 😊

@qamarbooks

Bir kuni Istanbulda dengiz bo’yidagi kafelardan birida choy ichib o’tirgandim. Bir o’zim, nimagadir kayfiyatim yo’q edi. Yonimga ofitsiant keldi, “Baska bir cay getirecek mi kardas” dedi. Unga javoban “Aci-aci, sicak-sicak getir kardasim” dedim. Shu joyida “Achchiq-achchiq, qaynoq-qaynoq choyingdan quy qardoshim” degan jumlalar bilan boshlanadigan 4 qator she’r qoralab qo’ygandim.

Oradan vaqt o’tdi. Toshkentda yana bir kafeda o’tigandim choy ichib. Choyni rasmini instagramga istoriyaga qo’ysam kimdir javob yozdi : “Nega doim choy ichaverasiz?” deb. Unga yozdim : “Ba’zi odamlar asabiylashganda yengil tortish uchun alkogol ichadi, men esa icholmayman, chunki may ichsam gunoh bo’ladi…” Shu joyida Istanbulda yozib qo’ygan to’rtligim esimga tushdi. Va 10-15 daqiqada o’sha she’rni tugatib qo’ydim.

Ushbu she’rning vanzlari, qofiyalari qo’shiqqa tortmaydigandek edi nazarimda, biroz uzunroq edi qatorlari. She’rni bastakor akam Alisher Ne’matovga yubordim va ortidan yozib qo’ydim: “Bir shunchaki mazza qilib o’qib ko’rarsiz, lekin qo’shiqqa tortmasa kerak” deb. Lekin adashgan ekanman. “May ichsam” nomli qo’shiq bir qancha vaqtdan so’ng tayyor bo’ldi. Ko’pchilikning sevimlisi bo’lgan Jaloliddin Ahmadaliyev mahorat bilan ijro qilibdi. Klip ham suratga olingan. Bugun 19:00 da premyerasi, albatta tinglab bahoni o’zingiz berasiz qadrdonlar!

P/s: Kecha instagramga kirsam Jaloliddin Ahmadaliyev ayni premyera anonsini joylab video ostiga barcha ijodkorlarni bittalab yozib chiqibdi. Meni ham ism-familiyamni yozib Instagram profilimni ham belgilabdi. 50 ga yaqin qo’shiqlar yozganman , bu ishimdan tashqari qiziqishim. Lekin g’ashimni keltiradigani ko’plab san’atkorlar bastakor va shoirlarni qo’shiq anonsi qo’yilgan postlarda belgilab e’tirof etishmas edi odatda. Hatto o’rtamiyona san’atkorlar ham. Huddiki shu insonni she’ri, shu insonni musiqasi deb yozib qo’ysa obro’si tushib qoladigandek.

Masalan, hozir Jaloliddin meni belgilamasa ham e’tiroz bildirmasdim chunki she’r uchun pulimni olganman, rozi qilgan. Biroq baribir hurmat, ijodkor ko’ngli degan narsalar borda! Jaloliddin Ahmadaliyevga omad, hali san’at osmonida uzoq porlaydi nasib, bu talanti va kamtarligi ortidan!

@jasur_rahmon

Otgan hafta boshidan hayotimda va harakterimda ayrim o'zgarishlarni qilgandim. Ya'ni:

1. Majbur qilishsada hech kimga qo'pol gapirmaslik;
2. Hech bir insonni qalbini og'ritmaslik;
3. Har qanday holatda ham asabiylashmaslik.
4. Ijtimoiy tarmoqlardan kamroq foydalanish (faqat kerakli post va storylar qo'yish uchun kirish)
5. Odamlarni emas yangi g'oyalarni muhokama qilish.

Natijada o'tgan haftam yanada barakali va yorqinroq o'tdi. Hech birimiz mukammal emasmiz, har qadamda xatolar qilamiz. Lekin komillikka, odamiylikka intilib yashashimiz kerak!

@jasur_rahmon

Nimadir qilmoqchimisiz? Bugun qiling! Ertani, indinni, yangi oyni yoki yangi yilni kutishdan ma'no yo'q. Ayni lahzalar muhim. Ayni lahzalarda yashang. Yashaganda ham go'zal va mazmunli yashang. Toki bir kun kelib buguningizdan afsuslanmang...? Xayrli yakshanba:))…