ساعة 10:40 ليلن

=سلام عليكم يوم
-عليكم السلام هلا بيج

دتتفرج على المميات مال اطفال

=يوم اكو عدكم مميات مال قبل؟
-مميات مال قبل؟

=اي اي مال قبل
-شون يصيرن يوم؟

=هي مال قبل ذني الجانن
-مو اني مجنت عايش قبل اني من جماعة هالجيل هذا

=اي ادري يوم.. هيج جانن يخبلن
-زجاجية مو؟

=اي هيج جانن زجاج وكلش حلوات مو مثل هسه (وابتسامة مال شخص تذكر وقت حلو وشي مرتب.. مو مجرد ممية عادية🙂)
-يوم هسه الصناعة كلها تعبت
=اي والله صحيح

واخذت شريط دولبران وراحت

جنت ضايج وضحكتني الحجية😂😂

#من_اعماق_البايهاند

الواحد يحجي الاله والعليه

البارحة جتي مراجعة تريد باكيت gabapentin 300 لأبوها (بوصفة قديمة).. وضحت الها انه موزين يتعود عليه (لان تكول ياخذه صارله فترة وميدري يسوي هيج حالة)

اليوم جتي تكول استشاريت الطبيب هم وكلي ميصير ولازم يقطعه
ورجعتهن للشرايط الي اشترتهن منا

حسينا بالسعادة المطلقة حتى اجهشنا بالبكاء

كلنالها احنا والطبيب انه ينقطع تدريجيا🙂*

#من_اعماق_البايهاند

1. اريد زرنيخ عدكم؟ (الزرنيخ يستخدم سم جرذان)

2. - جانت بية فلاونزا اخذت الشريط ابو ال3 حبايات (تقصد ازثرو) كل ساعتين اخذت حباية...
   = كل ساعتين؟
   - اي
   = ومصار عندج اعراض؟
   - واللهي هو اني بقيت نايمة اليوم كله
   فضحك الجميع حتى اجهشوا بالبكاء

3. دكتور ابني ريحة رجله كلش مطيبة.. بس ينزع الحذاء والجواريب تطلع.. شعندك علاج؟

4. - شريط فاليوم ابو الخمسة
   = يمكن عندي بس ابو الثنين
   - لعد اريد شريطين ابو الثنين

وكلها بنفس اليوم

#من_اعماق_البايهاند
@zaiddoespharmacy

ناخذ بريك شوية من الوصفات

احجيلكم بالجلفي قصة الفراشة مال كليتنا..

هي مرة وحيدة جبيرة بالعمر.. دائما موجودة بالكلية.. من الناس الطيبين على بساطتهم الشديدة..
بكثير من الايام تعيش اليوم كله على وجبة بسيطة.. او بس مي..

بس من الناس الطيبين كلش.. كلما جنت امر من يمها اسلم عليها وتكلي عبارتها المشهورة.. العبارة الي انعرفت بيها بين كل طلاب الكلية

"ان شاء الله يوم نجاحكم"

الي من جنت مرحلة اولى جنت اتمنى تصير.. وبالثاني كمت استصعبها.. وين بعد كذا سنة يلة..

بس جنا نحسها البركة مال الكلية.. من الناس الي جانوا يخففون عنا الضغوط.. حتى بايام التعب النفسي والجسدي الي جانت اغلب ايامنا.. جانت متتعب.. يومياً تكول نفس الدعوة.. ولتعبنا نحاول بس نجاوبها بدعوة مشابهة..

هسه.. كخريج... جنت راجع للكلية بمعاملة ودا افتر بالمكان.. لان ٥ سنين تكفي تخلي بكل زاوية ذكرى

فشفت الحجية.. وسلمت عليها.. وقبل ما تكلي العبارة المشهورة كلتلها

ضليتي ٥ سنين تكليلي يوم نجاحكم.. الحمد لله نجحت وتخرجت جيت ابشرج..

المشكلة هي فرحت بنجاحي اكثر مني?

يمكن هذا الحوار جان كافي يسعدني ويسعدها ويسعد كم شخص من الي يقروه

و... الدعوة مال الحجية تغيرت?

صارت
"ان شاء الله يوم مناقشتك"

@zaiddoespharmacy

تاخرنا عليكم

1. Cialis tab 5mg
   يكتبوه اهل الuro دائما فتوقعوه بوصفاتهم
   تجي جرعته 5 10 20

2. Xatral XL tab 10mg
   ليلا.. ليش ليلا؟ لان من اعراضها headache.. فياخذها قبل النوم احسن حتى بينما يكعد الصبح يكون اخف.. طبعا هذا العارض يخف وية الاستمرار على العلاج
   من اعراضه الثانية loss of libido and similar side effects فهذا يفسر ان كاتبين cialis وياه

3. Vesicare tab 1×2
   هذا مادته solifenacin
   يستخدم لمعالجة سلس الادرار
   هم يكتبوه الuro

4. Ural sachet 1×2 لخمسة ايام

5. Renalof caps 1×3
   هاي عشبة supports the urinary system.. يعني هي مو سبلمنت بس اعشاب

شوية اسماء ممعروفة برقم ٣ و٥ فشوفوا صور باكيتاتها

#وصفة
@zaiddoespharmacy

اي شباب

1. اول شي كاتبين مدعم للركبة.. هذا اكثر شي يوفروه اهل التجهيزات الطبية.. وبالوصفة مرات ينكتب عربي مرات ينكتب انكليزي knee brace

2. Muscle care cream
   مسح للركبة ×٢
   هذا الكريم الfigure مال الاورثو كلهة تكتبه

3. Katavolon tab 1×2
   هذا اني هم بالبداية قريته ketorolac.. بعدين عرفت انه الكيتورولاك ما يجي حبوب.. يجي بس ابر.. ماطول المكتوب حبوب فهو غيره
   الkatavolon هذا مسكن مال مفاصل

4. Arkafor tab 90 حبة بعد الغداء
   ماعرف شنو هالاسم التجاري وماعرف اذا كتبته صح اصلا.. بس مثل ما اتفقنا الجرعة 90 فهو etoricoxib الي اسمه التجاري المشهور arcoxia

5. Medolik tab 1×2
   هذا tolperisone مرخي عضلات نفسه الmydocalm

#وصفة
@zaiddoespharmacy

ها شباب سولفوا

الخامس مراح الحك اكمله وادزه لان حيكطع النت.. بس راجعوه لتعوفوه ضروري يتراجع.. وخلو ببالكم نفس اسلوب الاسئلة الي نشرناهن.. وادعولنا?

نزلنا جابتر 4

رمضان كريم عليكم زملائنا، الله يعيده علينا وعليكم بالخير والسلامة ويتقبل منا ومنكم صالح الاعمال?