انقذت مسيرة اخوي سالار

حاط عيني بالآيباد مال موظف التعداد، جاي يدوّن معلومات العائلة لگيته مسوي اخوي سالار حاط الجنس مالته انثى وهو ولد 😂

مع مرور الزمن جاي اكتشف إنُ حياتي هاي ما بيها أيّ ذرة عدالة، أي شي احبه يروح ويختفي، جاي اتفرج لتعبي يتبخر گدام عيوني واني بقمة العجز ما عندي أي حلول، والله ما اعرف ليش هيچ جاي يصير وياي.

قبل قليل زارنا موظّف التعداد؛ كانت هيئتهُ تدلُّ على كونهِ "صدريًّا، ماركسيًّا، عبثيًا، اسلامويًّا ".. أكثر من كونهِ موظّف تعداد عابر.

دون مُقدمات قال: شوف خوية، راح أوضّحلك شنو يعني تعداد، وشنو فايدة التعداد، بعدها بقليل حدّقَ في وجهي مليًّا وقال: خوية هاي مواليدك صدك لو ناصب عليَّ شو مبين عليك أصغر؟
اجبتهُ: إنني شخصٌ متعوب.
قال: خير ان شاء، عمُر تفگة خوية !
بعدها سأل عن الوضع الإقتصادي، فأخبرتهُ إنني أعمل في مجال التمويل الحسابي عبر التليگرام، فعاطَ في وجهي: انتَ شجاي تمضرط خوية شنهي تمويل حسابي، قابِل إنتَ ايلون ماسك؟
بعدها سأل عن "الموجودات الثابتة"، فأحصيتها لهُ، واخبرتهُ إنني امتلُك ثلاث قطط وعلبة سجائر نوع ميلانو وبليستيشن 4
قال: متأكّد خوية بس ذنّي عدكم، لو ضامّين علينا ثلاجة هنا، سيّارة هناك؟
أخيرًا غادرَ البيت، وهو يهُزُّ يديهِ، وسمعتهُ يُدمدم:
"هوّ انتم مال تعداد خرا بالناصِريّة!"

زرت ودعيت عليكم ?

ماكو حسرة تعبر عن كمية الندم
مثل الصفنة التنتهي بكلمة "صوچي والله"

للأبد راح اظل اكره جلاب الشوارع وما اتعاطف ويّاهن ابد، طلعت اشتري جگاير توني وشفت بالشارع جلب واحد فطردته وعبرت، من رجعت للبيت توني عبرت الشارع شفت الجلب الطردته جايب وياه شلة مال جلاب بيهن 10 يمكن، ناصبيلي كمين توني عبرت الشارع وطبيت للفرع حصرني، انوب اني شايف على اليوتيوب فيديو قبل فترة طويلة إذا هجمن عليك جلاب ظل واگف مكانك ولا تسوي نفسك خايف يعوفنك، شو سويت نفس الطريقة، شو ذني هجمن عليَّ، اني صرت بيب بيب هنا وطفرت بكل سرعتي مثل المخبل.

شلونهم الحلوين ?‍↔️

شلونهم الحلوات?

مراسلتني قبل عيد الحُب بيوم

حسب ذاكرتي ما عندي سوابق عاطفية ويّ نسوان اسمهن هُدى، أريد أعرف شمسوي بـ2020 حتى تغلط عليَّ !