Kanaalka share gareeya asxabeey

FAAIIDADA AY LEEDAHAY IN AROORTA HURDADA XILI HORE LAGA TOOSO

Faa’idada Ay Leedahay In Aroortii Laga Soo Tooso Hurdada & Waxyaabaha Ay Cilmi Baarayaashu…..

Dhamaanteen waxaa jecel nahay in aroorta hore soo toosno, balse in yar oo naga mid ah ayaa sidaas sameeya maalin kasta. Marka laga soo tago macaansiga hurdada, arrimo ay ka mid yihiin stress-ka, walwalka, niyad jabka, dawooyinka qaar iyo xanuunada raaga ayaa keeni kara inay qofka ku adkaato aroor hore tooska.
Qaar ka mid ah daraasadii u dambeeyay ayaa tilmaamaya in xiriir wayn uu ka dhexeeyo wax-soo-saarka iyo aroor hore tooska. Waxaa la arkay in dadka aroorta hore hurdada kasoo kaca ay ka wax soosaar wanaagsan yihiin kuwa hurdada ku daaho. Dabcan marka aad aroorta hore soo kacdo waxaad haysataa saacado dheeraad ah taas oo wax ku fadhida nolosha maanta ee mashquulka badan ee la wada ordayo. Waxaa la arkay in dadka aroorta hore soo toosa ay caado u leeyihiin fiid hore seexashada, tanina waxay faaido boqolkiiba boqol ah ay u leedahay caafimaadka.
Hurdadu waxay cusboonaysiisaa nudeyaashaada oo ay ku jiraan kuwa maskaxda iyo maqaarka. Hurdo la’aantu waxa ay xumaysaa wax soo-saarka qofka, caafimaadkiisa, iyo quruxda maqaarkiisa.
Hadaba aan eegno sababaha ay tahay in qofka uu ugu dedaalo aroor hore tooska:
Faa’idooyinka waa weyn ee aroor hore tooska:
Waxa ay qofka ka caawisaa inuu joogteeyo cunno caafimaad leh:
Quraacdu waa cunnada ugu muhiimsan ee maaliintii, waa shidaalkii uu qofku ku howl gelayay taas oo kobcisa awoodda inuu qofku si wanaagsan u shaqeeyo maalin kasta. Marka aad xilli hore soo kacdo jirkaagu wuxuu si dabiici ah ugu baranayaa inuu raashin cuno subaxdii. Quraacda oo laga tago waxa ay keentaa in qofku uu caadaysto cunnooyinka aan caafimaadka u roonayn, waxayna ku riixdaa inuu cuno cunnooyinka qashinka “junk food.”
Waqti fiican oo aad jimicsi ku samayn karto:
Sababaha ugu badan ee ay dadku ku marmarsiyoodaan ee ay iskaga dayaan jimicsiga aroortii waa inay goor dambe hurdada ka soo kaceen. Inaad aroorta hore soo kacdo waxay ku siinaysaa waqti badan oo aad ku jimicsan karto. Inkastoo galabtii la samayn karo jimicsiga, balse jimicsiga aroortii waxa uu ku siinayaa firfircooni iyo tamar.
Caafimaadka maqaarka:
Si la mid ah jimicsiga iyo quraacda, aroor hore toosku waxa uu kaa caawin karaa wamaajinta tayada maqaarkaaga. Waxaad isweydinaysaa sidee? Marka aad caadooyinkan maalin kasta joogteyso caafimaadka maqaarkaagu si dabiici ayuu u kobcaa, wuxuu helaa qoyaan dabiici ah, waxaa wanaagsanaada oxygene-ta iyo qulqulka dhiigga ee gaaraya. Sidoo kale, dadka aroorta hore so kaca waxa helayaan waqti dheeraad ah oo maqaarkooda ay ku subkiyaan, kuna nadiifiyaan.
Kobcinta wax soo-saarka:
Saacadaha u horreeya ee subaxdii waa kuwa ugu wax soo-saarka badan maalintii.
Marka aad aroorta hore hurdada ka soo toosto waxay kaa caawinaysaa inaad diiradda saarto howlaha muhiimka ah iyadoo aysan jirin wax kaa jeedinaya. Waxaa intaas dheer, dadka badankoodu waxay maskaxdoodu ugu firfircoon tahay subaxdii taas oo ka qayb qaadanaysa  qaadashada go’aanno wanaagsan. Sidaas si la mid ah, dadka aroorta hore toosa, waa dad ku wanaansan qorshe dejinta sida ay tilmaamayaan daraasaadku.
Ufiirsiga oo wanaagsanaada:
Inaad aroorta hore soo kacdo waxay kobcisaa heerka u fiirsigaaga. Maadaama aysan jirin wax dhugmaada carqaladaynaya sababtoo ah dadka dadka badankoodu wlay hurdaan. Awoodda u fiirsiga maskaxda oo sarreysa waxay caawinaysaa in howlaheeda si wacan u gudato.
Hurdada oo wanaagsanaataa:
Inaad samaysato waqti go’aan oo aad seexato iyo waqti go’an oo aad soo kacdo waxay wanaajisaa tayada hurdaada. Jirkaagu waxuu baranayaa jadwalkaas, waxaana fududanayaa inaad dhaqso u gam’do fiidkii iyo inaad si fudud usoo kacdo aroortii. Caadadani waxay faaido u leedahay nidaamka hurdada iyo soo jeedka ee jirkaaga, waxayna caawinaysaa inaad soo kacdo adigoo dareemaya inaad si fiican u seexatay.
W/Q: Hirsi Ahmed

Waa Kuwee Tobanka Suuradooda Ee Wax Kaa Difaaco Markaad Si Niyad ah U Aqrisato.?

10-Kan Suuradood Akhrintooda 10 shay bay kaa Reebaan Ama Kaa Celiyaan!

1. Suuardda Faatixada سورة الفاتحة " ، Waxay kaa reebtaa Carada Alle

2. Suuradda Yaasiin سورة يس " ، Waxay kaa reebtaa oonka ama harraadka Maalinta Qiyaamaha;

3. Suuradda Dukhaan سورة دخان " ، Waxay kaa reebtaa Dhibaatada Maalinta Qiyaamaha;

4. Suuradda Idaawaqaca سورة إذاوقعت الواقعة " ، Waxay kaa reebtaa Saboolnimada;

5. Suuradda Taabarak/ Mulki waxay kaa reebtaa Cadaabka Qabriga;

6. Suuradda Alkowthar سورة الكوثر " ، Waxay kaa reebtaa Doodda;

7. Suuradda Alkaafiruun سورة الكافرون "، Waxay kaa reebtaa inaad gaalnimo ku dhimatid;

8. Suuradda Ikhlaas سورة الإخلاص "، Waxay kaa reebtaa Munaafqnimada;

9. Suuradda Al-falaqسورة ا لفلق ا" ، Waxay kaa reebtaa xaasidnimada,

10. Suuradda Al-naas سورة الناس " ، Waxay kaa reebtaa Waswaaska. Ku Soo biir Kheyrka❤👍

Aniga oo qayilo oo jaad iyo sigaar Cabo ayaan soo fariistay tafsiirka

-Sh muxamad dirir ayaa tafsiirkii ii mariyay habenkaas ayeey nolashayda is badashay

Sh.Muxamad haybe

-Qofka 20jirka sexdaa 70jirkuu ku ordaaa

Xigmad

- **Dumarka iyo geeluba
- Haddaan hadal macaan
- iyo heeso loo tirin
- haggaag uma socdaan'e"

?*?*?

ALLAHU AKBAR

-Dimishiq oo la qabtay iyo guud ahaan dalka suuriya oo xor noqday 60sano kadib, suniga oo dib u qabsaday, mujrimkii waynaa ee bashaar oo rushia u baxsaday iyo dawlad cusub oo suni ah oo lagu dhawaaqay

Alx

• Degmo idil dad meel yaal ninkii dux iga soo moodey
• Dug maanaa ka odhan kara bakhayl derejo loo waaye.

Abwaan Ahmed korjaan AUN

Fg: Hadii aad isku aragto adiga oo akhrinaynin qormo dheer hadayba faiido leedahay ama daawan karin muqaal dheer oo faiido kuu leh lkn wakhti badan ku qadanaayo dawashada muqalada qosolka ee micno darada ah iyo qormooyin gaagaabn

Ogow in aad tahay qof aad caajis u ah meel dheerna gaari maysid

Maadaama waxa aad maqasho ama laguu sheego
saamaynayaan nafsaddaada waa inaad ka fikirto waxa aad
maqlayso ama aad dhagaysanayso.

Had iyo jeer ka fogow
inaad maqasho erayada cadawnimada, nacaybka, xukunka.

siyaasadaynta diinta ee keenaysa in Alle dagaalka dhexdeena
ah lagaliyo, oo la sheegto inuu Alle qolana la jiro midna ka
jiro.

Waxaas oo dhan nafsadaada uma fiicna. Waa inaad ka fogaato si aad u hesho nafsad deggan, oo isku kalsoon oo
jacayl iyo khayr ku dhisan.

#Fahanka_naftu_waa_furaha_nolasha