他們可好？｜前區議員揸巴士　任啟邦：投入英國職場，先可易啲融入

全文： https://bit.ly/4bM3wWR

「以前喺香港嘅工作，就係企係條街到捉巴士脫班、跑到埋嚟閂門呀，今日調轉個角色去做營運者，希望可以保持唔脫班。見到有人跑緊過嚟，諗到呢到半個鐘先一班巴士，會諗多啲，等埋對方。」

當了 17 年大埔區區議員的任啟邦，在 2021 年 7 月移居英國沃靈頓後，首先走到餅廠The Little Treats 做生產線工，一天的生活完全不一樣。港人效率高，互相介紹，「五湖四海，專業人士、半專業人士都嚟做，全部都放低身段，因為都需要工作，搵啖食。」

有一段時間，港人工友與工廠長工的人數相約，他又被派作代表編更等，後來短暫做過超市搬運員，到去年五月，正式在巴士公司成為司機。雖然任啟邦大學公共行政學高級文憑課程畢業，但他坦言初到埗時，英語的聽寫講亦需時適應，區議員經驗，在本地職場難有掛勾，他決定走入藍領階層，「投入英國職場，先可以易啲融入。」

走入藍領工作近三年，讓他發現港英大不同：英國體制下未有歧視，一視同仁，同工同酬，「香港或台灣打工，本土保護主義可能大啲。」英國最低工資較高，但稅亦同樣高；而且按任啟邦的經歷，英國沒有強行加班文化，「唔影響晉升、加人工機會，但喺香港白領加班無錢之外，唔加班實會有老細壓力。」

#集誌社 #英國大選2024 #前區議員 #任啟邦 #張嘉莉

英國大選2024｜揸巴士、搞藝術　歷選舉洗禮　兩前區議員不忘關注英國選情

全文： https://bit.ly/4bM3wWR

根據英國官方數字，自 2021 年起至截至 2023 年 12 月，有至少 14 萬人巡BNO簽証途徑抵達英國，包括一些前區議會議員。這些「企過街站」，經歷過民主選舉洗禮的香港前議員，在移英後的生活為何？《集誌社》分別訪問在英國的前大埔區區議員任啟邦與前灣仔區區議員張嘉莉，看看他們可好，以及他們在大選下會如何選出代表自己的政黨候選人？

作為國會大選的首投族，任啟邦很踴躍呼籲身邊的人投票，他解釋，各區都有自己的選民名冊，有登記、有投票的紀錄，日後候選人才會拉攏港人。「香港人有好多登記做選民，啲候選人知唔知我哋好熱切想投票，我哋要話畀政黨知。雖然我哋人少少，但係好集中，好似香港啲新屋邨咁，300、400票分分鐘成為關鍵少數，到時我哋就成為政治籌碼。」

由朝九晚六坐在辦事處，到現時坐在軚盤後，任啟邦認為，兩者都是服務居民工作，「自己心態都希望服務社會，叫有啲貢獻，有少少投射。」有次，他因工廠員工涉及勞資糾紛，負責的區議員亦是派勞工處人員來講解，令他希望工餘時間發掘社區議題，從地區議題着手手，重拾港人的政治力量，「希望用香港嘅經驗，幫到有心做嘅候選人，建立橋樑。」

他更觀察到社區內，不同族裔的人自成一角，如社區內有巴基斯坦小區，該區代表亦是巴基斯坦候選人，「一個選區有三個候選人，但全部都係巴基斯坦人，但代表唔同政黨。」任啟邦雀躍地說，「如果其他族裔做到，我哋都做到，可見到呢個唔係夢想。」

「我呢一代啲英文未必得，但第二代我啲仔英文好好多，我唔會迫佢啦，但香港人參選係指日可待。」

記者：陳彥婷
攝影：Joey Kwok、陳彥婷

#集誌社 #英國大選2024 #前區議員 #任啟邦 #張嘉莉