المجلات ديالو نصورهملكم و نحطهم اصبرو عليا برك ???

العربية ?
باك 2023 جبت 16,5 / باك 2024 جبت 13
علاش ؟! باك 2023 خيرت شعر و خدمت فيه راحلي الاعراب برك و بالنسبة لباك 2024 خيرت نثر و انا معلاباليش كامل كيفاش نحل البناء الفكري ديالو كنت نجيب كلش من نص (بزق و لسق ??) كلمة مجبتها من عندي مع الاسف و كانت هكا النتيجة اما البناء اللغوي جبتو كامل صحيح / فلباك اللول و التاني قريت عند الاستاذ حيقون استاذ قمة فلباك اللول كنت نروح لدورات الحضورية ديالو عندي كامل المجلات ديالو و لباك التاني شفت زووم برك + هو دارلنا النتر انا لي مكنتش نركز معاه خاطر في راسي راح نخير شعر ??‍♀️ و هادي الغلطة لازم تتعلمو منها بلي اقراو كلش خاطر معلابالكمش واش راح يصرا ?

سبور كيما راكم تشوفو اعفاء و ننصحكم ديرو اعفاء خاطر لازم جيب 20 باش تزيدلك الفاصلة و ماشي حاجة كبيرة كامل + اغلب الاساتذة تاع سبور ميمدوش عشرين ملا في عوض مضيع وقتك و نتا تجري و مع لخر مكاين والو اقرا كاش مادة خير ✨

باقي المواد غدوة خاطر نحب نهدر بالتفصيل الممل و نخاف ننسا كاش حاجة + ادا عندكم اي سؤال ولا راني هنا سقسو واش حبيتو ???

الخبر المحزن في الامر هو انو الاستاذ زهير خلاص راح يحبس كلش يحبس ليكور و يحبس فليوتيوب و الاشكال هو ادا راح يخلي واش راهو حاط فليوتيوب ؟! معلابالناش ايا ملا بما انو انا هايلة بزاااف احم احم ? راني طلعتهم كامل و راني نحط فيهم بشوية فهاد لقروب https://t.me/courses2r/5464

راني رجعت لقروب public دخلو لي حبيتو ???

• الاستاذ زهير فادني من ناحية الافكار شغل اي فكرة كان احتمال طيح فلباك كنت نعرفها مدلنا كلش + زدون من ناحية التنظيم و كيفاش نعرف نخمم بشوية و هدوء ?

الفزيييييك ?⚡
باك 2023 جبت 12 ? و 2024 ديت 19 ?
مدرتش ليكور خاطر انا فيزيك كي نقراها وحدي نجيب فيها خير فباك لول حسيت ضيعت وقتي ودراهمي فليكور و معاودتش هاد الغلطة + المصدر شوفو انا الدروس قريتهم عند عبد اللطيف شفت دورات تاع 2023 كانو ملاح و لكن انا وصلت للوحدة تاع احماض و اسس لقيت بزااف علاقات و هاد الوحدة حبست فيها محبتش تدخل لراسي مع انو ساهلة بصح مضيعتش لوقت و رحت لي موراها و زدت لقيت نووي و هو العقدة ديالي فباك 2023 مخيرتش سوجي لول غير علاجالو و مع الاسف حتى ف2024 زدت حصلت فيه خاطر فيه افكار تمارين و تمرين ميشبه لخوه لا علينا قلت خلي نكمل زدت كملت استرة و انا الوحدات 3 لخرين شادة فيهم شوية شوية هنا جات المراجعة النهائية تاع زدون سجلت عندو و شفت الملخص ديالو الحمد لله فهمتهم و اخيرا و زدت كتاشفت الاستاذ الكنز لي تمنيت لوكان عرفتو ملول الاستاذ زهير يدير فليوتوب عندو سلسلة 30 فكرة للمراجعة نهائية تبعتها ملول للخر و الحمد لله كفاني لوقت زدت شفت افكار كل وحدة و دارلنا ملخص هاييييل راجعت بيه مع لخر + زدون مكملتش معاه كامل المواضيع حبست ف 8 بصح كنت شفت كامل تاع 2022 و 2023 كانو عندي من قبل

عندكم اسئلة بخصوص العلوم خلوهم هنا ????