قـلبــي حجــر لكــن بلحــظه تفــتت
يــوم المتــاعب حاربــت كــل شاعر

ضاعــت احاسيسي وفكــري تشتت
واصبحت معدوم الضمير والمشاعر

كلمات الشاعر // ابو حمزة ماجد نشير

الشرف والشهامه والوفا والرجوله
من طباع الرجال ذي منهم كل شاجع

ذي لهم فالمعارك الف صوله وجوله
ذي اذا اتقدمو مايعرفون التراجع

كلمات الشاعر // ابو حمزة ماجد نشير

مما جرالي يابشر صرت شايب
شيبت انا من بعدما كنت انا شاب

مريض من كثر الهموم والغلايب
مافادني حتى دوا طب الاعشاب

كلمات الشاعر // ابو حمزة ماجد نشير

قال المثل نفس الاعمال بايكون الجزا
ماحد يبارك لانسان ساعة التعزيه

اعمال الاجواد عظيمه مابها شي خزا
واعمال الانذال ياناس كلها مخزيه

كلمات الشاعر // ابو حمزة ماجد نشير

في كل ساع ياناس وحالي يقتلب
والنفسيه ياناس معصوده عصيد

ولا دريت ايش الحكايه والسبب
في حالتي والوضع ذي ممهود مهيد

لو تسألوني الان عنها ياعرب
باقول لكم مثل العزا في يوم عيد

ضايق حزين مرتاح سالي مكتئب
مهموم كئيب فارح سلي زعلان سعيد??

كلمات الشاعر // ابو حمزة ماجد نشير

مولد المختار خير المرسلين
كلمات الشاعر // ابو حمزة ماجد نشير
اداء المنشد محمد العزي
رابط الفيديو على قناتي في اليوتيوب
https://youtu.be/UOYcbFi1uPE?feature=shared

ماكــل شــي يانــفس باتلــقيه حســب ماتشتهي
مكتوب لــش تمشي على كــف القدر طول العمر

ولا تحســبي ان ايـام الاحــزان والهــموم باتنتهي
مادام وعاد الحقد موجود في نفوس بعض البشر

كلمات الشاعر // ابو حمزة ماجد نشير

الجيد ذي وقت الشدايد بايجي لك هروله
يفزع معك مايتركك تلقاه وتلقا كل خير

والفسل ذي وقت العوافي فالصفوف الاوله
وفالشدايد لعن اباه تلقاه في الصف الاخير

كلمات الشاعر // ابو حمزة ماجد نشير
رابط قناتي على التلجرام الرجاء الاشتراك فيها
https://t.me/Abohamzahmajed

قال الذي مايشتكي كثر الجراح
حتى ولو تنزف جروحه بالدما

مامت انا ياقوم من طعن الرماح
مامت الا يوم رأيت اللي رما

كلمات الشاعر // ابو حمزة ماجد نشير

في قُرب بعض الخلايق دايماً نلقا
دوا لكل الجروح في يوم نلقاهم

والبعض في قربهم كل الجروح تبقا
وماتروح الجروح الا بفرقاهم

كلمات الشاعر // ابو حمزة ماجد نشير