*📌Piku i urtësisë!
🎙* Hoxhë Tafil Ramuka

Një histori e çuditshme nga historitë më të rralla të shejhut, gjykatësit dhe dijetarit të njohur Ibrahim ez Zugajbi.

Shejhu i nderuar Abdullah ibnu Akili thotë:
Shejh ez Zugajbi u emërua gjykatës në qytetin Sabia, mirëpo ai refuzoi, derisa u fsheh në shtëpinë e tij në Meke dhe nuk doli prej saj për disa ditë.

Derisa ushtarët u urdhëruan të qëndronin roje me turne pranë shtëpisë së tij!

Kur doli nga shtëpia, ata e morën dhe e çuan tek Emiri, e ai i tha: Si guxon të fshihesh dhe të mos i bindesh urdhërit të prijësit tënd, madje ta braktisësh namazin me xhemat? A nuk të vjen turp?

Shejhu u përgjigj: Uallahi unë jam i arsyetuar,sepse nuk jam i përshtatshëm për të qenë gjykatës.

Emiri i tha: Janë dijetarët ata që të propozuan dhe emëruan, dhe ata e dinë më mirë se kushdo tjetër pozitën tënde.

I pranishëm ishte edhe kujdestari i Qabes, Sheibi, i cili tha: O Emir, falënderimi i takon Allahut që na tregoi se edhe në këtë kohë nga dijetarët tanë ka njerëz të ngjashëm me dijetarët e të parëve tanë të mirë, të cilët largoheshin nga posti i gjykatësit!"

Pavarësisht kundërshtimit të tij, shejhu u detyrua ta pranonte dhe udhëtoi për në Sabia, duke filluar punën si gjykatës në gjykatën e saj.

Shejhu ndërroi jetë në vitin 1397 hixhrij, Allahu e mëshiroftë dhe ia faltë mëkatet!

Shejh Ahmed ibnul Hafidh esh Shenkitij, Allahu e ruajtë.✍️

Përktheu: Thirrja Islame.

https://youtu.be/X9ii3NDxwcA?si=p8RJLqL5HuHd-cwo