في الحديث : "إِنَّ لِكُلّ عملٍ شِرَّةٌ ، ولِكُلّ شِرَّةٍ فترةً ، فمن كان فترته إلى سنتي فقد اهتدى ، ومن كانت إلى غير ذلك فقد هلك"
الشِّرة هي حماسة البداية ، والفترة هي الركود والخمول الذي يلي حماسة البدايات .. ولا يسلم أحد من الفترات مهما بانلك ديسيبليني ، يبقى إنسان تقبل نفسه وتَدْبُر .. يعاني فترة في العادات والعبادات و حتى في المشاعر
والحل مع هادي الفترات كما جاء في الحديث : أن تأخذ بسنته صلى الله عليه وسلم : فمن كانت فترته إلى سنتي فقد اهتدى .. وسنته هي الاستمرار في التقدم ولو حبوا .. القليل الدائم أن تبقى ملازما للقرع ، وإذا حكمك الفتور تجلس عند الباب قليلا حتى تشتاق فيحملك شوقك للقرع مرة أخرى وتبقى هكذا دائما في عناء مع نفسك حتى تلقى الله ..

لا تقارن بداياتك بموسم حصاد الآخرين. ❤️

كي تبدا دير حاجة رح تلقى ناس يديروها باحترافية و سرعة كثر منك...

كون تبقى مركز معاهم رح تحس بالاحباط و بلي مهما دير ماتلحقش.

و أصلا حاجة عادية كي ماتكونش بنفس مستواهم خاطر هوما بداو قلبك و داروا مجهود أكبر.

نصيحة إذا حاب تتميز في حاجة ركز على روحك برك.

و كل يوم قارن روحك بكيفاش كنت لبارح.

بتوفيق من الله و الاستمرارية تقدر تلحق وين راك حاب.

مكش واحد يوصل لنقطة النهاية في حاجة خاطر ديما كاين نقطة أحسن

إذا حاب تسبق مالا اسبق علاجال روحك و دينك باش تأثر أكثر و ماتنساوش النية.❤️

يا ربِّ أستودعك قلبي واهلي ومن عزّ عليا ??

"في حياتك، تعلم قيمة الصبر. مش كل شيء يجي في الوقت اللي تتمناه، ومش كل حلم يتحقق بسرعة. الصبر موهبة تخليك تشوف التفاصيل الصغيرة اللي تبني النجاح على المدى البعيد.

لما تصبر، تتعلم تقدير قيمة التعب والجهد. تفهم أن الفشل ما هوش نهاية، بل خطوة جديدة في طريق أطول. ولما تصبر، تعطي لنفسك فرصة تتعلم وتتطور، بدل ما تستسلم أو تبحث عن حلول سريعة ما تدوم.

الصبر هو مفتاح الرضا، لأنه يخليك تفهم أن لكل شيء توقيته الخاص. فما تستعجل، وما تقارن نفسك بالآخرين. خذ وقتك، وآمن أن اللي مكتوب لك راح يجي في أحسن وقت ممكن، وأنت في أحسن حالة ممكنة."

"واستعينوا على قضاء حوائجكم بالكتمان"

كنت نحسب انو الهدف من هذي التوصية أنو نتجنّبو الحَسد و العين برك بصح مع الوقت عرفت انها اعمق من هاك ياسر ، استعينوا بالكتمان باش ما تنصابوش بخيبة الامل خاطرش راح يكون الوجع نتاعها كبير نفسيا، استعينوا بالكتمان لأنّو الكلام على أحلامكم و مشاريعكم سهل يخليكم تتوقعو من أنفسكم ياسر و كي تحققو القليل تحسو بالفشل لأنو سقف التوقعات لي هدرتو عليه لقيتوه عالي ياسر، استعينوا بالكتمان لأنّو الأحلام والمشاريع ثاني تتعرّض للسَّرقة.. استعينوا بالكتمان لأنّو الطاقات راح تخسرها في القول عوض عن الفعل.. استعينوا بالكتمان لأنّ فرحة الوصول وحدكم و بجهدكم ما تتقدرش بثمن ...