Па выніках мінулага 2023 года беларусы апынуліся на другім месцы ў ЕС (пасля украінцаў) па колькасці атрыманых першых відаў на жыхарства. 👀

Паказальнай інфаграфікай, заснаванай на афіцыйных дадзеных Еўрастата, падзяліўся сайт Visual Capitalist. На графіку відаць, як хутка павялічылася міграцыя з Беларусі ў краіны ЕС цягам апошніх гадоў.

Беларуская незалежная кінаакадэмія апублікавала спіс з 50 найлепшых беларускіх фільмаў. 🎬

У падборцы дакументальныя і мастацкія стужкі савецкага перыяду і сучаснае кіно. Калі вы нават і не здагадваліся, што ў беларусаў ёсць столькі добрых фільмаў, то раім азнаёміцца з гэтым спісам!

🇱🇹 «Я вораг Белоруссии, я вораг Расіі, але хто я для Літвы?» — з такім плакатам ветэран-каліновец Аляксандр Клачко выйшаў на адзіночны пікет да будынку Дэпартамента міграцыі ў Вільні 18 снежня.

Аляксандр ужо 11 месяцаў чакае рашэння па легалізацыі ў Літве і ўвесь гэты час знаходзіцца «ў падвешаным стане», бо без гэтага ён не можа мець медстрахоўкі, хоць і мае інваліднасць, таксама не можа абнавіць сваё пасведчанне кіроўцы і ня ведае, ці варта пачынаць вучыць літоўскую мову.

Беларускім медыя мужчына патлумачыў акцыю: «Не кажу, каб мне далі легалізацыю, але прашу: прыміце рашэнне, хто я для вас — нацыянальная пагроза ці палітычны ўцякач».

🇧🇬 А вось з Балгарыі ёсць добрая навіна, датычная беларусаў-эмігрантаў.

Аднаму з палітычных уцекачоў (хлопец пажадаў не раскываць імя) дзяржаўная Агенцыя па справах бежанцаў адмовіла ў легалізацыі праз статус уцекача і беларус пайшоў у Суд, які стаў на бок беларуса і запатрабаваў ад Агенцыі перагляду справы.✌️