Миробод туманида кураш бўйича “Прокурор кубоги” мусобақалари бўлиб ўтди

Бугун, 9-октабр куни, 1-сонли спорт мактабида кураш спорт тури бўйича “Миробод тумани прокурори кубоги”нинг финал босқичи бўлиб ўтди.
Унда туманнинг энг сара ва кучли юз нафарга яқин полвони ғолиблик учун гиламга тушди.
Тантанали маросимларда Миробод тумани прокурори Бобир Абдуллаев, туман ҳокими Анвар Сайфутдинов, туман ИИОФМБ бошлиғи Отабек Ходжаев ва Тошкент шаҳар кураш федерацияси ижрочи директори Музаффар Юсуповлар иштирок этди.

Тумандаги 39та маҳаллалардан финал босқичигача етиб келган курашчи спортчилар ўз вазн тоифалари бўйича беллашдилар.

Қизғин ва муросасиз кечган баҳслар якунида ўз вазн тоифаларида ғолибликликни қўлга киритан полвонлар диплом ва қимматбаҳо совғалар билан тақдирланишди.

Хусусан, мусобақада ўз вазн тоифаларида эркаклар ўртасида Ботиров Рамазон (66 кг), Соатов Сардорбек  (73 кг), Машраб Ғайбуллаев (81 кг), Охун Қўшиев (90 кг), қизлар ўртасида Дурдона Тоирова (48 кг),  Фарангиз Ахматова (70 кг)лар тенгсиз деб топилдилар.
Мусобақанинг туман босқичида биринчиликни қўлга киритган полвонлар ўз вазн тоифалари бўйича шаҳар босқичида иштирок этишади.

🎥 Мусобақа тафсилотлари билан Юнусобод тумани ҳокимлиги  Матбуот хизмати тақдим этган видеолавҳа орқали танишинг.

✍️ Тошкент шаҳар Кураш федерацияси Матбуот хизмати

👉  Каналимизга уланинг ва дўстларингизга улашинг: 👇 https://t.me/Toshkentkurash